BELIEVE

Untitled Part 1

Live your dream and never wake up -Liam Payne-

Dreams are like stars you may never catch them but if you follow them , they will lead you to your destiny - Liam Payne

- كل واحد فينا عندو امنيات و احلام .. من بين الكل منختار حلم واحد بس .. الحلم يلي منبني عليه مخططاتنا .. وكل تفصيل صغير من تفاصيل حياتنا بيتعلق فيه بطريقة ما ..

في ناس ممكن تفقد الامل بعد فترة بس اذا بتسألها بعدين " شو حلمك بالحياة ؟؟" لح تحكيلك هداك الهدف يلي هي صح تخلت عنو بس بتضل تفكر فيه و تتزكرو لانو عالقليلة بيكون غيّر كتير شغلات بحياتا او بشخصيتا..

و في ناس بتآمن بحلما لدرجة مو طبيعة .. بتصير بتعيشو بخيالا .. صح ممكن ما توصلو بس هي بسبب تعبا لح توصل لشي كتير منيح بالاخر " متل ما حكا ليام"

هاد الايماجن عم يعبر عني ..صح البنت كل مرة عم تكون ابدا ما بتشبهني كأسم او شكل او وضع اجتماعي بس بتشبهني من جوا .. عم تعيش حلمي .. وعم تعيش اللحظات يلي انا بتمنى عيشها و نصكون بيتمنى تصير معو كمان .. الفكرة يلي عم حاول عبر عنا بهاد الايماجن انو ما نيأس .. صدفة ممكن تغير كلشي .. و احلا لحظة بحياتنا هي لما نوصل للي بدنا بس بطريقة ما كنا متوقعينا ...

نحنا كلنا هون جمعنا حلم واحد .. جمعنا حبنا ل 5 شباب او ملائكة .. اذا بتفكرو شوي بتلاقو انو لو ماكان في شي اسمو 1D كانت حياة كل وحدة فينا غير هيك تماماً.. هنن غيرولي حياتي و انا حاببتا كتير هيك .. فيها وجع بس وجع حلو كتير

. الايماجن عن بنت اسما ناتالي .. لح تحكي يلي صار معها بلسانا و انشالله تعجبكن ..

انا اسمي ناتالي .. عمري 18سنة .. عشتون كلون بشوارع لندن .. عم اتنقل من شارع لشارع ارسم الناس بالطريق كمهنة .. بس الرسم بالنسبة الي اكتر من مهنة .. لما برسم بحس حالي بروح لعالم تاني .. بحس حالي حرة و بقدر عبر عن يلي بقلبي شو ما كان بدون ما حدا يفهمني او يحطلي قيود ..

بالليل بروح بنام انا ورفيقتي بغرفة مستأجرينا عن وحدة ختيارة .. رفيقتي اسما ميرا هي قدي .. انا و هي اخوات .. عايشين نفس العذاب و نفس المعاناة .. دائماً بتشجعني و بتفاءلني انو الي مستقبل بالرسم .. بتشتغل ببيع الورد كمان بشوارع لندن ..

أي حدا بيسمع انو نحنا بلندن بيقول واو نيالن بس هنن ما بيعرفو حقيقتنا .. في متلنا كتير عم يفتلو من شارع لشارع .. و يدقو عالبواب و يذلو حالن مشان يعالجو حدا مريض من اهلن او يطعمو اخواتن الصغار ..

انا و رفيقتي بيناتنا صفة مشتركة هي اننا دايركشنرز ..نحنا التنتين منحس البويز بيعبرو عننا و بيخلونا نبكي و نضحك .. بيسلونا و بحسن عنجد واقفين جنبنا ،، بس نحنا دايركشنرز بلا حظ .. يعني وحدة متلي و متلها مستحيل يقابلون ..

هيك كلكن بتفكرو .. بس بعد يلي صار معي .. عرفت انو اذا عندكن امنية بتتمنوها من كل قلبكن لح تصير.. بس المهم تآمنو .. و ما تخلو شي يمنعكون انو تحلمو ..

قصتي يلي لح احكيا بتمنى توصل لكل بنت كانت متلي .. بدي منكن تضلو قواية لو شو ما صار .. و حتى لو انكسرتو لا تخلو حدا يعرف .. لانو وقتا لح تبدو تضيعو و يروح كلشي حلمتو ... انا عشت كل عمري مكسورة بس بالاخر صار اكتر من يلي كان بدي ياه كل القصة بلشت بمسابقة ما كنت مقتنعة فيها أصلاً

هي متل مقدمة للتعرف على الشخصيات ...

please vote and write your comments

love y'all