PART #8
زين : شو بحلم بهالليلة معك انتي و بس
ناتالي: فيني حققلك حلمك اليوم و ببيتك متل ما حققتلي كتير من احلامي ..
زين : اليوم ؟؟
ناتالي : اي .. بيتك بعيد من هون ؟؟
زين : لا مو بعيد..
ناتالي : خلص لكن وين المشكلة ؟؟
زين: ناتالي انا ما بدي اجبرك على شي..
ناتالي: وانا بدي خليك مبسوط .. اصلاً مين قلك انو في حدا بالعالم ممكن يجبرني على شي ..
زين : بس. لما بكون معك بحس اني ممكن اعمل اي شي شو ما كانت النتيجة و حتى لو ما كنت رضيان بس مشان شوفك عم تضحكي .. لاني بحبك من كل قلبي
ناتالي : و انا لو ماني مقتنعة بالشي يلي عم اعملو ولو ما بعشق الارض يلي بتمشي عليها سدقني ما كنت عملتو .. خلينا نروح زين .. بدي نكون لحالنا و نعمل يلي بيريحنا.. انا وانت بس
ودعنا البويز انا و زين و ركبنا بسيارتو لنروح على بيتو .. البيت ما كان بعيد .. بس حسيت الطريق كتير طويل ..مع هيك كنت عرفانة اني ما لح اندم ابداً
وصلنا .. فتح زين الباب و فتنا لجوا .. بلشت اتطلع بالغراض كتير منيح و حاولت اجمع كتير تفاصيل و خزنها براسي لانو هيك ليلة ما بدي تروح نفاصيلها من بالي ابداً .
فتنا على غرفة نومو ل زين
زين. : مترددة ؟
ناتالي : ابداً .. بس اذا انت ما بدك فأنو انا..،
زين : قلتلك انو انا بحلم بهالشي و بيعنيلي اكتر من انو ليلة و قضيناها سوا ..
ناتالي : بطلب منك طلب صغير ؟؟
زين : اي اكيد
كان في شال حاطتو على كتافي مسكتو بإيدي و عطيتو لزين
ناتالي : ربطلي هاد على عيوني
زين : ناتالي انتي ..
ناتالي : انا شو ؟
زين : انتي بتخافي ؟
ناتالي : معك او منك مستحيل خاف
زين : لكن ليش بدك اربطلك الشال على عيونك؟
ناتالي : لأنو ما بدي شوف شي .. اذا عيوني لح تلهيني عنك ما بدي شوف فيهون .. بدي حس فيك الك و بس .. بدي حس بكل جزء منك عم يصير قطعة مني ..بدي جسمي و جسمك يعرفو بعض بلا العيون ..اليوم بدي كون ملكك انت و بس.. بدي اعطيك يلي انتي بدك ياه .. حس انو خليتك مبسوط ..انو اجسامنا توحدو... حس انو الموضوع اكبر من انو ننام سوا .. الموضوع انو اعرف يلي جواتك و تعرف يلي جواتي ف ليش بدي عيوني ..
تركت هالمرة قلبي هو اللي يحكي .. كنت عم احكي و دموعي عم تنزل ما كنت زعلانة بالعكس ..بس فكرة انو انا البنت يلي كانت تمشي من شارع لشارع و حاملة غراض الرسم معاها مشان تعيش بشوية مصاري .. حاطة السماعات بادنيهاو عم تحلم .. عم تحلم بجزء صغير كتير من يلي صار معها .. هي الفكرة ما كانت عم تطلع من راسي ولا عم تفارقني ابداً..
زين : لح اعمل متل ما بدك .. لأنو بدي الموضوع يكون كتير مميز بالنسبة النا .. حتى لو شو ما صار بالمستقبل ناتالي .. بترجاكي تضلي تتزكري هي الليلة ..
ناتالي : زين اليوم و بهي الغرفة لح حاول قد ما بقدر خليك تحس انو انت الملك بالنسبة الي
زين : بس الملك بدون الملكة ما بيسوى شي و انا بدونك ما بدي عيش
ناتالي : و الملكة ما لازم تكون اقوى من الملك و الا بتبطل تعطي يلي بدو .. مشان هيك خليني مملكتك يلي بتحبا كتير و ما بتقدر تطلع منها
زين : بس ما بدي حسك ضعيفة
ناتالي : قدامك مستحيل كون قوية .. عيونك .. ريحتك .. شعرك .. صوتك .. ايدك .. كل جزء بيعنيك بيخلي عقلي يوقف عن التفكير ..
زين : not even the gods above can separate the two of us
ناتالي : nothing can come between u & I
وافق زين يحطلي الشال على عيوني.. حطيت ايدي على وجهو عم دور على تمو لاني ما كنت قدرانة شوف .. قربت عليه .. حطيت ايدي على خدودو و بستو على مهلي .. مسكلي ايدي و صار يشمون و يبوسن بقوة .. بلش يطلع شوي شوي .. لحتى وصل لعندي كتفي و صار يبوسو و بعدين رقبتي .. حملني و حطني على تختو ..الطريقة يلي كان عم يتحرك فيها كانت كلها سحر ..
كنت قدرانة حس بطعمة دموعو و دموعي سوا ..
ما في اهم من هيك لحظة لحتى ندفع دموعنا بالمقابل حتى لو ما كانت الحياة عم تطلب شي بس لما بتتعود تعطي و تضحي مشان اي شي بتاخدو ما لح تقدر تغير هالعادة ببساطة
بس دموعو كانت بتوجع ... كانت بتعنيني كتير ..
هي الليلة كانت بالنسبة النا شي كتير كبير ما في ولا كلمة ممكن توصف اللي صار .. كان شي متعلق بروحي و روحو ..
ضلينا هيك لحتى نمنا بدون ما نحس على شي حوالينا ..
تاني يوم الصبح فقت على غنية truly madly deeply
كان زين حاططا و عم يلعبلي بشعري .. هي الغنية بتعبر عني بكل كلمة و بكل حرف
زين : بتعرفي شو ناتالي ؟؟ لما بتنامي مع حدا ولو لليلة وحدة جسمك بيعطيه وعد انو ما يتركو .. انو يضل جنبو و يضل جزء منو و هاد يلي صازر بيناتنا مبارح
ناتالي : حققنا حلمي و حلمك
زين : حققناهون
__________________
أنت تقرأ
BELIEVE
Fanfictionنتالي و ميرا ... اصدقاء من الطفولة .. عاشو سوا نفس الوجع .. كل وحدة منون كان عندا حلم كبير .. صدفة قدرت تغير حياتون كلها .. و الشي اللي وصلو إلو ما كانو يحلمو انو يوصلو لجزء صغير منه
