Part #6:
It's something about the way u look tonight :
ميرا اخدت وجه على زين و صارو صحاب .. صار بيعرف انها متل اختي و صار يتعامل معها على هاد الاساس ..
بعد شي اسبوع اجا زين لعنا عالبيت و كنا انا و ميرا عم نشرب قهوة الصبح كالعادة ..
زين : هاي صبايا
ميرا : اهلين
ناتالي : تفضل حبي .. عملت فنجان قهوة زيادة توقعتك تجي ..
و باسلي ايدي متل gentle man
زين : يخليلي ياكي .. 😉😉 شو عندك اليوم ؟؟
ناتالي : ولا شي ليش ؟؟
زين : معزوم على حفلة مع البويز بتروحي ؟؟
اتطلعت على ميرا و كانت مدمعة متل ولد صغير .. كانت بتتمنا انو يصير معها نفس الشي .. 😢
زين : طبعاً ميرا ما لح نروح بدونك فشو قلتي؟؟
ميرا : بس انا بدي روح بصفتي شو ؟؟ خلص بضل بالبيت
ناتالي : لا مستحيل
زين : بتروحي بصفتك اختي .. موافقة ؟
ناتالي : لا ميرا اختي
زين : طيب بتروحي بصفتك اختا لناتالي .. موافقة ؟
ميرا : موافقة 😁
زين : كونو جاهزين عالساعة 8 :30 يجي باخدكن تمام ؟؟
ناتالي : تمام
راح زين .. واول فكرة خطرت على بالي انا وميرا هي شو بدنا نلبس
راحت ميرا لعند الخزانة و طلعت علبة منها و عطتني ياها
ميرا : خدي هي بيعيها
ناتالي : شو هي ؟؟
ميرا : هي اسوارة امي ..عطتني ياها قبل ما تموت .. و ما في حدا غالي عليي اكتر منك لاعطي ياها .. خديها بتشتري لحالك فستان و بتجيبيلي الي كمان شي شغلة هههههه
ناتالي : لا مستحيل اخدها .. انتي اذا بدك اشتري فيها شي الك بس انا بلبس من تيابي .. عادي
ميرا : لك انا اليوم بسببك بدي شوف ليام .. طيب اعتبريها هدية ..
ناتالي :.....
ميرا : مشان زين ..
ناتالي : طيب بس ..
ميرا : خلص ناتالي .. امشي نروح عالسوق
رحنا انا و ميرا عالسوق .. بسبب الشي يلي عملتو ميرا مشاني حسيت انو ثقتي فيها كانت بمحلا .. حسيت انو اذا انا لازم اتخلا عن الدنيا كلا ما لازم بعد عنها ..
بعنا الاسوارة و اشترينا بالمصاري فستانين واحد احمر الي وواحد اسود الها .. اشترينا كنادر و اكسسوارات و هيك شغلات و رجعنا عالبيت ..
رجعنا عالبيت و كانت الساعة شي ستة .. بلشنا نجهز حالنا للحفلة .. مكياج و شعر و تياب و هيك قصص ..
صارت الساعة 8:30 ووصل زين عالموعد تمام فتحتلو الباب و اول ماشفتو و شافني صارو عيونا هيك 👈😳😳
كان لابس كنزة لونا احمر غامق .. فاضية من تحت شوي و حاطط طوق فضي كبير شوي و بنطلون جينز ديق و بوط اسود و رافع شعراتو لفوق و حاطط حلق اسود ..
كنت بهديك اللحظة عم دوب بسبب المشهد يلي قدامي .. و شكلي انا كمان عجبتو .. قرب بدو يبوسني بس ميرا حطت ايدا قدامو ما خلتو
ميرا : لا لا ضليت ساعة عم زبطلا الحمرة هلأ بتنزعا.. اجّلها شوي
زين : ههههههه ماشي .. امشو تاخرنا
رحنا عالحفلة و كانو ليام و نايل و هاري ولوي ناطرينا عند الباب و عم يحكو
ليام : ليكون اجو
ليام كان لابس كنزة سودا نص كم و بنطلون اسود و رابط على خصرو قميص فيه مربعات اسود و احمر وبوط احمر و حاطط طاقية سودا مرجعها لورا بالعكس ..😍😍
زين : مرحبا شباب .. بعرفكون على ناتالي .. و اختا ميرا ..
نايل : اهلين .. تشرفنا بمعرفتك ..
ناتالي : وانا كمان ..
طبعاً كنت متلبكة كتير و مو عرفانة شو عم احكي
نايل كان لابس كنزة رمادية ديقة في الا زرار من فوق عند القبة بس كان تاركون مفتوحين و بنطلون جينز غامق مشقوق عند الركبة و بوط اسود 😍😍
هاري : بصراحة .. لابقين لبعض كتير ..
زين : اي تمام .. هاري صعب يعجبو شي
انا ابتسمت بس
هاري كان لابس كنزة لونا زيتي نص كم و حاطط طوق الصليب و لابس خواتم بايدو و بنطلون اسود في عليه كم خط زيتي و بوط لونو نفس لون الكنزة ..😍😍
لوي : شو ما بدكن تفوتو .. لح تبدا الحفلة .. منتعرف جوا
ليام : اي يلا .. Lady's first
لوي كان لابس كنزة بيضة و فوفها جاكيت خفيف جينز و بنطلون جينز فاتح و بوط ابيض و كان رافع شعرو لفوق ..😍😍
فتنا لجوا و قعدنا انا و زين و ناتالي جنب بعض و ليام كان مقابيلنا .. ميرا ضلت تطلع فيه و ما حكت ولا كلمة .. كنت كل ما حط ايدي على ايدها حسها عم ترجوف ..
____________________
أنت تقرأ
BELIEVE
Fanfictionنتالي و ميرا ... اصدقاء من الطفولة .. عاشو سوا نفس الوجع .. كل وحدة منون كان عندا حلم كبير .. صدفة قدرت تغير حياتون كلها .. و الشي اللي وصلو إلو ما كانو يحلمو انو يوصلو لجزء صغير منه
