PART #4 :
Take u to another world
كنت واقفة و عم فكر اي لون بدي استخدم و فجأة سمعت صوت ورايي .. صوت غريب بس بعرفو .. صوت حنون ..
؟ : و أخيراً لقيتك .. نفس الخطوط بهي الرسمة و بهديك .. نفس الاسلوب .. نفس الحب .. بس اذا بتحطي مع الازرق شوية رمادي و ابيض بيطلع معك لون قريب من لون عيونا ..
عرفت صاحب الصوت .. هو نفسو يلي بكيت مشانو .. نفسو يلي حلمت فيه و نطرتو كتير .. حسيت بجسمي كلو عم يرجف و قلبي لح يطلع من محلو .. زين قريب مني كتير .. مسكت حالي .، ما بعرف من وين اجتني كل هالقوة .. خلصت الرسمة للبنت بدقيقتين بدون ما اتطلع ورايي .. كنت حاسة فيه واقف ورايي .. بعد ما خلصت عطيت البنت الرسمة و اتطلعت لورا و شفتو .. ما بكيت ولا صرخت .. ضليتني واقفة محلي بس دقات قلبي كانت مسموعة ..
زين مد ايدو ليسلم عليي
زين : بتعرفي اسمي انتي .. بس انا ما عرفت اسمك
ناتالي : ناتالي
زين : اسمك حلو كتير ..
ناتالي : شكراً
قبل ما شوفو لزينن او يكون عندي احتمال 1% اني لاقي كان في براسي الف شغلة بدي قلو ياها بس ما بعرف شو صرلي ..نسيت كلشي بطلت اعرف احكي .. ضليت عم اتطلع بعيونو بس و جاوب اذا سألني
زين : نطرتك تجيبيلي الرسمة بس ما اجيتي ..
ناتالي : انحرقت
زين : انحرقت ؟؟!!
ناتالي : اي انحرق بيتنا يلي كنا مستأجرينو كلو و راحت معو الرسمة
زين : طيب انتي صرلك شي ؟؟ حدا من اهلك تأذى؟
ناتالي : اهلي توفو من زماااان
زين : انا اسف ما كان قصدي بس ..
ناتالي : ولا يهمك تعودت
زين : طيب انتي وين عايشة و كيف عايشة ؟؟
ناتالي : عايشة انا و رفيقتي بغرفة عند عيلة ..
زين :طيب شو رأيك نروح مشوار و نحكي
ناتالي : لوين ؟؟
زين : بتروحي عالجبل ؟؟ هونيك فينا نرسم سوا
ناتالي : موافقة
ركبنا بسيارة زين 🚙. نحنا و عالطريق كنت عم فكر باللي صار .. كنت عم اسأل من وين اجتني كل هالقوة و ما اغمى عليي او حتى بكيت .. لك طلع انسان متلي متلو .. بقدر المسو .. كنت بلحظات حس انو ممكن يكون ملاك او شي من خيالي بس هلأ اقتنعت
حسيت الطريق اخد معنا ثانيتين .. كلو صار متل منام..
بعد ما وصلنا
زين : شو رأيك بالاول نقعد شوي عالعشب و نحكي ؟؟
ناتالي : متل ما بدك
زين : احكيلي عنك
و صرت تحكيلو لزين شغلات عني .. حكيتلو عن طفولتي عن شغلي عن رفيقتي و عن كلشي وهو كان عم يسمعني و مركز بكل كلمة
زين : يا الله شو انك قوية
ناتالي : لازم نكون قواية و الا منضيع بهالدنيا البشعة.. بي انو انت كيف عرفت انو انا صاحبة الرسمة
زين : لانك بهي الرسمة و باللي رسمتيني فيها حاطة نفس العلامة بالزاوية من فوق .. لما شفت رسمتك عالتويتر لفتت انتباهي هي العلامة مشان هيك ضلت ببالي ووقت شفتك عم ترسمي و انتبهت عالعلامة نفسا عرفت انو انتي هي يلي كنت عم دور عليها
ناتالي : امممم
بصراحة انا لو بدي رد على زين بكل الكلام يلي بقلبي لح اضطر احكي لبكرة و خليه يهرب مني مشان هيك كنت عم حاول اختصر ..
زين : منرسم سوا ؟؟
ناتالي : يا ريت 😃
بلشنا انا و هو نرسم كل واحد يرسم خط و التاني يكملو كنا عم نفهم على بعض بدون ما حدا يحكي .. زين كان بيحب الرسم عالحيطان و الغرافيتي و انا بحب ارسم الشي يلي قدامي فهو صار يزيد شغلات من عقلو عاالرسمة لحتى طلعت بالاخر مليانة افكار و معاني و حكي و احداث... 😍😍
قضينا سوا وقت كتير حلو اتضحكنا سوا و حكينا و تمشينا ..
زين : ناتالي بصراحة انا بالاول وقعت بحب رسماتك بس هلأ حاسس انو ..
ناتالي : انو شو ؟؟!!😎
زين : خلص ولا شي انسي .. اصلاً مو وقتا
ناتالي : على راحتك .. بس اذا بتحب تحكيلي شي انا بسمعك
زين : اوك .. ليكي لح يصير عتم شو رأيك رجعك عالبيت ؟؟
ناتالي : اي بيكون كتير منيح .. بصراحة ما حسيت بالوقت معك ..
زين : ولا انا
مسكلي ايدي .. شد عليها .. وباسها من جوا .. كان مغمض عيونو .. حسيت حالي بدي ابكي بس تماسكت .. استغربت كتير و ما عرفت شو سبب هالحركة المفاجئة بس تمنيتا بهديك اللحظة ما تخلص
زين : امشي
ناتالي : .. ا .. اي .. يلا
طول الطريق ما حكينا ولا كلمة .. رجعت فكر بكلشي صار البوم و كيف صار.. كنت بصدمة كتير كبيرة ..
"وصلنا لعند البيت "
ناتالي : هلأ بعرف انو بيتنا مو حلو و مو من مقامك بس رفيقتي ميرا كتير بتكون مبسوطة اذا زرتنا
زين : الي الشرف اني روح على بيتك ناتالي ...
_____________
plz don't forget to vote and comment .. That would mean a lot ..
أنت تقرأ
BELIEVE
Fanfictionنتالي و ميرا ... اصدقاء من الطفولة .. عاشو سوا نفس الوجع .. كل وحدة منون كان عندا حلم كبير .. صدفة قدرت تغير حياتون كلها .. و الشي اللي وصلو إلو ما كانو يحلمو انو يوصلو لجزء صغير منه
