BELIEVE

chapter 3

PART #3 : رجعنا انا و رفيقتي على نفس الكافيه نت مشان نعرف النتيجة بلكي عالقليلة بيكون حدا حب رسمتي .. قررنا انو ميرا تشفلي النتيجة و تخبرني فيها بعد ما تهيئني نفسياً .. ما بعرف ليش كان حاسسني قلبي اني لح انصدم بالنتيجة .. ميرا عم تفتح عالموقع و انا ماسكة ايدا و قاعدة جنبا و ماني قدرانة اتطلع على شاشة الكومبيوتر من الرعبة فجأة مدري شو صرلا البنت .. فتحت عيونا كتير و حسيتون لح يطلعو من محلون .. بلشت ترجف و تبكي و انبح صوتها .. ناتالي : ميرا شبك ؟؟ ميرا : ااا.. ز... ز.. عاااااااا صار صاحب المقهى يتطلع فينا بطريقة غريبة و يزورنا ناتالي : لك لا تتأتئي .. فهميني .. نجحت .. رسبت شو ؟؟ ميرا : زين يا ناتالي .. زين ناتالي : شبو زين ؟؟ شبو ؟ شبو ؟ شبوووووو ؟ لك احكي ميرا : زين شاف رسمتك .. و عجبتو و في ما بعرف كم الف حدا شافا كمان ناتالي : كيف هيك ؟؟ قلبي !! ميرا : عملك ريتويت عالرسمة .. و ما بعرف شو كاتبلك ماني قدرانة اقرا .. دموعي عم ينزلو لحالون و في كتار كمان عاملينلك ريتويت .. حسيت قلبي لح يوقف و قت سمعت كلاما .. انو كلكن بتعرفو شو يعني زين يعملك ريتويت .. بلشت ابكي و ارجوف انا كمان ... قررنا نطلع من الكافيه قبل ما ننفضح اكتر .. و بس نهدا شوي نرجع نقرأ شو كتب زين .. اول ما طلعنا من الكافيه " طبعاً كنت مو قدرانين نشوف قدامنا من البكي" .. نطت ميرا عليي و ضمتني بقوة صرنا نبكي و نضحك سوا صدقوني كانت احلا شغلة بتصير معي طول هال 18 سنة .. ناتالي : هلأ يلي صار من شوي حقيقة ولا حلم ؟؟ ميرا : حلم و تحقق بالحقيقة ناتالي : يا ربي .. شو حابة حياتي هلأ .. لسا بدنا نعرف شو كتبلي .. لك عالقليلة لاحظني .. عرف اني بحبو ميرا : اي عنجد .. قلتلك من الاول .. ناتالي : عقبالك ميرا : انا ؟؟ ناتالي : اي انتي .. شو ناقصك ؟؟ ميرا : ما بعرف .. ناتالي : مو ناقصك شي .. و لح تجي فرصتك انتي و ليام و عن قريب ميرا : انشالله ناتالي : و حلمك لح يتحقق على ايدي ميرا : اممم ناتالي : لك لا تزعلي .. بكرة شوفي ميرا : يا رب ناتالي : تضربي زعلتيني .. تعي لهون .. و بعدين ضميتا و و حطيت ايدي على شعراتها وكنت قدرانة حس فيها عم تبكي بحرقة ناتالي : خلص اهدي .. هي اول خطوة زبطت .. من كل عقلك انو انا ممكن اقبل شوفو لزين او ليام او اي حدا بدونك .. ليش انا مين الي غيرلك ميرا : وانا كمان .. بدونك بضيع .. بتوعديني ما تتركيني حتى لو صارت و تزوجتي لزين ناتالي : هههه اني اتزوج زين هاد مستحيل بس يا ستي اذا بدي اتخلا عن الدنيا كلا ما لح اتركك بعد شي ربع ساعة رجعنا عالكافيه مشان نشوف شو رادد زين ميرا : هالمرة انتي لح تشوفي شو كاتب ناتالي : لا ولو .. بدك ياني انجلط و موت ميرا : لكن انا يلي موت ناتالي : .... ميرا : خلص ولو .. بيعيني الله .. امشي نشوف فتنا عالكافيه و فتحت ميرا الصفحة .. دمعت و بلشت بدا تبكي .. ما خليتا انا .. طبعاً مشان ما ننفضح ميرا : زين كتبلك : شكراً الك لأنك رسمتيني .. انتي موهوبة كتير و بترسبي من قلبك و بتمنى انك تجيبيلي الرسمة الاصلية على بيتي حابب خليها ذكرى ناتالي : عاااااا ..قومي خلينا ناخدلو الرسمة ميرا : يلا دغري.. طبعاً نحنا و عالطريق ما سكتنا .. ناتالي : لح نشوفو ميرا .. لح نشوفو ميرا : لك ماني مسدقة حالي .. كلو هيك بيزبط فجأة.. وصلنا لعند البناية و لقينا سيارات الاطفاء واقفة تحت .. والعالم مجتمعة عند بيتنا .. سألنا وحدة بالطريق و قالتلنا انو بيت الست *** كلو احترق ناتالي : الرسمة !! احترقت ؟؟ ميرا : ادعي ما يكون صرلا شي شفنا الناس مطالعين الست *** من البيت .. كانت مغطاية بالشحوار و عم تبكي ... كانت عم تقول انو البيت كلو انحرق ناتالي : البيت كلو انحرق .، يعني الرسمة انحرقت و حلمي انحرق معها رميت راسي على صدرها لميرا و صرنا نبكي سوا ميرا : خلص اهدي .. بترجعي ترسمي غيرا .. كلو بينحل ناتالي : لا ما بدي ارسم زين مرة تانية .. ما بدي انكسر مرة تانية .. يا الله ليش هيك عم يصير فيني ؟؟ ميرا : خلص اهدي هلأ و بعدين منفكر شو بدنا نعمل .. انحرقو كل الغراض ومعون رسمتي .. قررت انو انسى الموضوع .. ما بقدر روح لعند زين و قلو انا صاحبة الرسمة لانو ما بعرف شو بدي قلو اذا سألني وينا .. كان شعور كتير بشع .. كرهت العالم يلي عايشة فيه لانو حسيتو مليان بالظلم و كلشي بشع .. رجعنا انا و ميرا كل وحدة على شغلها .. و غيرنا بيتنا لانو كان وضع غرفتنا بالتحديد كتير سيء .. ما عرفنا شو سبب الحريق ولا حتى سألنا لأنو اذا كان بسبب شخص انا متأكدة اني لح روح اقتلو متل ما قتلي احلامي .. ليكني هلأ بواحد من شوارع لندن مرة تانية .. حاطة السماعات و عم اسمع اغاني و ارسم بنت صغيرة بنفس الوقت .. كان لون عيونا للبنت كتير غريب .. شوي بحسو ازرق شوي رمادي و مرة بحسو فاتح و مرة غامق .. كنت واقفة و عم فكر اي لون بدي استخدم وفجأة سمعت صوت ورايي .... ______