BELIEVE

chapter12

Part#12 : فجأة حسيت موبايلي عم يرن بس كنت حاطتو صامت مشان هيك ما حدا انتبه .. اتطلعت عليه و لقيت رقم غريب .... عرفت دغري انو هي ناتالي .. للحظة الاولى كنت لح نط و خبر الكل بس انتبهت انو الموضوع ممكن يأثر على زين فحكيت ليام بصوت واطي ميرا : ليام بدي قلك شي بس لا تتفعل كتير .. ما بدي حدا يحس على شي ليام : اوك شوفي ؟؟ ميرا : عالاغلب ناتالي عم تتصل فيني ليام : لك شو ناطرة ردي ميرا : ما بدي زين ينتبه ليام : هبلةةةةةةةةةة مسكني ليام من ايدي و سحبني لبرا الغرفة ليام : عن اذنكن شباب ما لح نطول . #برا_الغرفة رذيت و كنت فاتحة السبيكر و ليام جنبي ميرا : الو ناتالي ناتالي : اي ناتالي ميرا : اشتقتلك كتير ليام : لك مو وقت هالحكي هلأ قوليلا تجي ميرا : ناتالي انتي لازم ترجعي ناتالي : مستحيل ميرا : بس زين حاول ينتحر بسببك و هو هلأ بالمشفى كل يلي عم يطلبو انك ترجعي و يشوفك ناتالي : كيف حاول ينتحر ؟؟ لا تكوني عم تمزحي . ميرا قوليلي انك عم تمزحي ما بزعل منك ميرا : وحياتك عندي هاد يلي صار .. يلي بعرفو انو قرأ رسالتك قبل الكل و بعدين لقينا بغرفتنا انا وانتي غايب عن الوعي لانو اخد كميات كبيرة من الدوا . يعني كان عم يحاول ينتحر ناتالي : انا مستحيل اني ارجع بس فهميني هو هلأ كيفو ؟؟ وضعو منيح اخد ليام التلفون من ايدي و صار يحكي يعصبية ليام : شو مستحيل ترجعي الموضوع مو على كيفك .. ولا واحد مننا بيقبل. انو نخسر زين لانك بتخافي من كلام الناس .. زين بخطر وانتي الوحيدة يلي ممكن تنقذو ناتالي : انا ما بخاف من كلام الناس بس من المواقف يلي لح تنحط فيها ليام : ناتالي كلنا منعرف انك بتعشقي الارض يلي بيمشي عليها زين و هو كمان بيموت فيكي و الدليل انو هو هلأ بالمشفى بسبب اللي صار .. حرام عليكي يلي عم تعملي بحالك و ب زين ..هو هلأ مريض و انتي اكيد مانك منيحة بعيد عن يلي بتحبي .. انتي هيك عم تعاقبي لزين بدون ما تحسي مع انو هو ما غلط بالعكس هو كان عم يحاو يحققلك حلمك ناتالي : انا بعرف انو هيك احسن الي والو ليام : ليكي ناتالي .. اخر كلمتين لح احكيهون معك .. ادا انتي ما رجعتي و زين صرلو شي اتأكدي انو انتي لح تكوني السبب بموتو و ما حدا فينا لح يسامحك .. وقتا لح تعضي اصابعك ندم لانو انتي من جوا بتتمني تكوني هلأ معو ..هي حياة شخص ناتالي .. شخص كان بيعنيلك بيوم من الايام شي كتير كبير .. باي سكر ليام الخط .. طول المكالمة كان معصب و عم يعيط و ناتالي كانت عم تبكي . سكر الخط بدون ما يعرف قرارها حتى ميرا : لك ليش سكرت الخط ليام : لاني لو ضليت عم اسمعها لح تحاول تقنعني برأيها و تحسسني انو ما الها ذنب باللي صار اما هيك فمنتركها تفكر و اذا كانت عنجد بتحبو لزين لح ترجع ميرا : انا متاكدة لها بتحبو بس مابعرف اذا لح ترجع ليام : منشوف شو لح يصير .. مسحي دموعك و خلينا نرجع لعند زين بس خليكي عادي ولا كانو صار شي ميرا : يلا فتنا عالغرفة و كان الوضع متل ما تركناه زين : صار شي جديد /؟ ليام : بعتت اكتر من حدا يدور عليها .. الا ما نلاقيها بس انت خليك قوي هاري : لكن وين رحتو ؟؟ ليام : ولا شي كان في شغلة بدي احكيلا ياها لميرا بس نايل : اكيد ؟؟ ليام : اكيد .. سكر عالموضوع نايل زين : حاسسكون عم تكذبو عليي ميرا : لا زين ما عم نكذب ... انت شيل الموضوع من بالك و تركا علينا بعد شي 3ساعات نام زين و قررنا انا وليام نحكيلون للبويز شوصار ليام : شباب اليوم لما طلعنا انا و ميرا من الغرفة انا ما كان بدي حكيها شي نايل : توقعت بس شو كان في ؟؟ لوي : ناتالي اتصلت ؟؟ ميرا: اي اتصلت هاري : و شو قلتولا .. هي لح ترجع ؟؟ ليام : حكيتلا يلي صار و حكيتلا يلي بقلبي و قلتلا انو اذا بيصير على زين شي نحنا ما لح نسامحها و هي لح تكون السبب الوحيد لعذابو هاري : طيب و شو ردت عليك ؟؟ ليام : بالاول كانت عم تقول انو مستحيل ترجع بس انو بعد الحكي اللي حكيتو لازم تغير رايها عالقليلة من مبدأ انساني يعني لوي : يعني لهلأ ما في شي اكيد ميرا : للاسف لأ نايل : لك ليش هيك عم يصير ؟؟ فجأة ونحنا عم نحكي فاق زين و بلش يسعل بقوة .. ما قدر يحكي ولا كلمة كان عم يسعل و يتنفس بصعوبة ليام : حدا يروح ينادي الدكتور نايل : يلا رايح ركد نايل و زين لساتو عم يسعل لحتى صار يطلع من تمو دم ميرا : دم .. زين عم يطلع من تمو دم ليام : هاري الله يخليك طلعها لبرا مو ناقصنا يصرلا شي ميرا : لا لا ما بدي هاري : ميرا امشي .. لازم الوضع يكون هادي لبين ما يجي الدكتور طلعني هاري بقوة لبرا الغرفة رميت راسي على صدرو و صرت ابكي وشفت الدكتور فايت لعند زين ميرا : هاري خليني فوت شوفن هاري : اذا بتوعديني تهدي منفوت مييرا : خلص ليكني هديت .. ببوس ايدك و الله ما عاد اتحمل .. بدي اعرف شو عم يصير جوا و صرت امسح دموعي ووقفت عن البكي فتنا انا وهاري لجوا و كان الدكتور لسا عم يفحصو لزين و هو لساتو عم يسعل ليام : لك ليش جبتا ؟؟ قلتلك ضلو برا هاري : هي وعدتني تهدا .. خلينا ب زين هلأ الدكتور : شكلو الدوا يلي اخدو زين اثر على جهاز التنفس مشان هيك رئتيه ضعفو كتير و ممكن تبطل تشتغل بأي لحظة .. عطيتو هلأ دوا لينام و يبطل بسعل بس هاد شي مؤقت لوي : و الحل ؟ الدكتور : الحل الوحيد انو تلاقو حدا يتبرعلو برأتو لأنو رئة وحدة بتكفي الانسان ليعيش .. ناتالي : انا بعطي رئتي طلعنا كلنا لعند الباب و كانت ناتالي واقفة و عم تبكي .. و اخيراً رجعت ....