Sweet Seduction (Destroyer Casanova #1) Published by Psicom

Kabanata 3

Kabanata 3
Heartbreak

Nagising ako sa sikat ng araw na dumarampi sa aking pisngi. Nakatulogan ko palang bukas ang bintana ng aking kwarto.

Bumangon na ako, naligo at nag bihis, hinanda ko ang sarili sa pagpasok sa opisin kahit pa nag leave ako para sa wedding na hindi naman natuloy.

"Good morning po ma'am!" Bati sa 'kin ng Isang empleyadong babae nang makapasok ng building. Tinanguan ko lang siya at dumiretso na sa loob.

"Margaux, bakit pumasok kana? Dapat nagpahinga ka muna." Bakas ang gulat sa boses ni Karen na siya kong secretary. Parang kapatid ko na siya kung ituring kaya hindi na iba ito kung makipag-usap sa akin.

"Karen, maloloka ako kung mag mumukmok lang ako sa condo ko, besides madaming gagawin dito ngayon at mag ha-holidays nanaman," sambit ko na hindi man lang lumilingon, nakasuot rin ako ng sunglasses kaya 'di niya pansin ang namumugto kong mata.

"Talaga bang ayos ka lang?" nag-aalalang tanong nito. Ngumiti lang ako sa kanya na tinanggal ang suot na sunglasses bago humarap sa mga papeles sa lamesa.

"Margaux, kung kailangan mo ng kausap, wag kang mag atubiling tawagin ako," saad nito sa concern na tinig.

"I'm okay Karen, ayoko nalang munang pag-usapan ang mga nangyari, gusto ko munang mapag-isa, I'll call you when I needed something," wika ko sa kanya bago bumalik sa aking ginagawa.

"Okey," she softly said, Tumalikod na ito palabas ng pinto.

Inumpisahan ko na ang trabaho. Ayokong mabakante ang utak ko kahit sandali. Hanggang sa tumunog ang itercom sa aking lamesa na siya kong sinagot.

"Lester is on the line, you wanna talk?" ani Karen sa kabilang linya.

Umakyat ang dugo ko sa ulo nang marinig ang pangalan niya.

"I'll talk to him." Agad kong pinindot ang enter button.

"Hello?" Nagsalita ito sa kabilang linya, ngunit hindi ako sumasagot, paano'y hinihiwa ang puso ko ng marinig ko ang tinig niya.

"Margaux, baka pwede tayong mag-usap, please?" he begged.

Wala pa rin akong sagot sa kabilang linya, napansin ko nalang na tumutulo na pala ang aking mga luha..

"Baby, I love you.. alam kong alam mo yan. May bigla lang kasing nangyari, and I couldn't make it to our wedding. Please, I need to talk to you." Nag mamakaawang tinig nito.

"Babe?" bigkas pa nito.

Humugot muna akong ng malalim na buntong hininga bago magsalita. "Okay, mag-usap tayo pagkatapos ng office hour." Matapos ay mabilis kong binaba ang tawag.

Alam kong marami pa kaming dapat pag-usapan at sa tingin ko ito na ang tamang oras para gawin iyon.

Mabilis lumipas ang oras, ginawa kong busy ang aking sarili sa maghapon. Hanggang sumapit ang six o'clock.

"It's Lester again." Karen said on the line.

Pinindot ko na agad ang enter button,"Hello?"