سرقت قلبي

الحلقه ١

تبدأ الحكايه على صوت اغنيه .. يا حبيبي اهو بقولها بكل اللهجات و بعلو الصوت .. و لو عايزني اخترعلك لهجه حبيبي انا جاهز موووت ..انا قلتها و هفضل تاني اقولهالك انا و انت هنبقى حكايه الناس تحكيها ف كل مكان .. ( اغنيه تامر حسني بكل اللهجات ) .. الاغنيه دي بيحبها ادهم اووووووي .. و طبعا الصوت عالي جدا و هو قاعد يتمرن ضغط في اوضته .. هو ع فكرة رياضي جدا ..
تدخل عليه يارا بعصبيه: يا انت .. وطي الزفت دا .. مش تصتبح ع الصبح .. حرام عليك كل يوم كدا
ادهم برواقه : ايه دا انتي سخنه ولا ايه .. مكملتيش جملتك اللي بتسمعيهاني كل يوم
يارا : لا يا شيخ وانا نسيت حاجة ؟؟
ادهم : اهم حاجة يا رورو .. ( وقف حط ايده ف جمبه مقلد صوتها ) الله يكون ف عون اللي امها داعيه عليها و هتفكر تجوزك ..
يارا : انت ايه .. هههههههههههههه .. الكلام لا بيصد ولا بيرد فيك .. انا بتكلم كدا
ادهم .. واكتر يا اوختشي .. انتي معدنكيش ع موبيلك تسجيل صوت عشان تسمعي نفسك .
يارا حدفته بالمخده ..
ادهم : اااه .. ماشي يا بنت الاسيطوي .. الله يعينه محمد (خطيبها ) مش عارف هو ايه اللي عاجبه فيكي .. يكنش مغصوب
يارا : ملكش دعوة بمودي يا واد انت
ادهم : مووووودي ؟!! الله يرحم جدك
"و ف اللحظة دي يرن محمد على يارا "
يارا بفرحة : دا مووودي .. عمره طويل
ادهم : اوعي تقوليله حاجة من اللي انا قلتها والنبي .. دا انتي حببتي
يارا : لا حقوله اخليه يحبسك ( اصله ظابط )
ادهم : اه يا دزمه .. كدا تبيعيني .. طب اخلع انا بقى و ربنا يستر ميجليش الكليه
يارا : ع فين يا حبيبي .. استنى .. لسه هاخد حقي منك
" و ترد ع محمد "
محمد : يا صباح الفل يا نور حياتي
يارا بدلع : صباح الجمال يا حبيبي
ادهم : متلمو نفسكو بقى انا واقف بردو
محمد : قولتي ايه .. بالله عليكي تقوليها تاني .. وقولي للواد اللي عندك دا يخرس بدل ما اجيله
يارا وشها يحمر : أ أ.. اقول ايه
محمد : اللي قولتيه من شويه
يارا محاوله تغير الموضوع : لا لا مش وقته .. المهم دلوقتي حببتك اتزعقلها
محمد : نعم .. اكيد ادهم نهارو فل .. انا هوريه
ادهم وكان سامع : اسفين يا صلاح
محمد روح بوس ع دماغ يارا و خليها تصالحك
ادهم : امري لله .. سامحيني يا ست يارا .. حقك عليا
يارا : افكر
محمد : خلاص يا حببتي شكله غلبان صالحيه عشاني
يارا : خلاص عشان خطرك انت بس يا محمد .. يلا يا دهم افراج
.ّ.......................
في بيت جوانا
ام جوانا : يلا يا جوانا قومي عشان تروحي كليتك .. مش من اول يوم نوم
جوانا : صباح الفل يا ست الكل .. ازيك يا هوبا
هبه امها : صباح الخير .. كويسه يا حببتي .. يلا قومي عشان تجهزي
جوانا : عينيه .. امال بابا فين ؟
هبه : ابوكي جاله شغل مستعجل ف مشي
جوانا : ربنا يوفقه .. انا هقوم اخد دش و البس
هبه : ماشي يا حببتي و انا هحضرلك الفطار
جوانا : تسلميلي يا جميل
و قامت جوانا اخدت دش سريع .. وصلت و لبست و بقت ع سنجه عشرة و خرجت لمامتها
هبه .. بسم الله مشاء الله .. ربنا يكفيكي شر عيون الناس و يوقفلك ولاد الحلال
جوانا .. اللهم امييييين
و فطروا
جونا : يلا بقى يا هوبا انا هطير .. سلاموز
هبه : هطير و سلاموز .. ربنا يهديكي .. مع السلامه
............
في الكليه دخلت جوانا و ع ودنها الموب بتكلم دينا ..
جوانا : ايه يا بنتي انتي فين
دينا : انا داخله اهو انتي اللي فين
جونا : انا عند البوابه الرئيسيه .. استني اهو انا شوفتك
و شاورتلها و قفلت السكه
سلمو ع بعض تسليم يدل على الشوووق .. و كأنهم بقالهم ميه سنه مشفوش بعض
جوانا .. وحشتيني .. ووحشتني رخمتك
دينا .. بس كدا .. غالي و الطلب رخيص .. تحبي ارخملك ع مين
جوانا .. هههههههههههههه يخرب عقلك يلا عشان نجيب الجدول . ( وهي بتلف )
دينا : حسبي يا جوانا
بوووووووووووووف ( موسيقى تصويريه هههههه) خبطت جوانا ف شاب
الشاب : انا اسف جدا
جوانا : لا حصل خير
الشب : انا ادهم ٤ هندسه تكيف و تبريد ..
جوانا : اهلا بيك .. اتشرفنا .. انا جونا .. اول سنه هندسه اعلام
ادهم : اتشرفت بمعرفتك .. ولو احتجتي حاجة انا موجودة زي اخوكي
جوانا : ميرسي لذوقك .. عن اذنك .. يلا يا دينا
دينا متنحة
جوانا .. دينااااااااا
دينا فاقت : ايه في ايه
جوانا : يلا
دينا : طيب جايه
وبكدا اكون خلصت الحلقة الاولى .. اقولولي رأيكم عشان اقدر اكمل