سرقت قلبي

الحلقة ١١

ادهم : هي الاوقات الحلوة كدا دايما تعدي بسرعه .. ملحقناش نقعد مع بعد انهارده
جوانا : حرام عليك .. انا مستقبلي هيضيع ع ايدك .. انا طول اليوم معاكم و ضيعت محاضرتي .. و بعدين اصلا مش معنى اني قعدت معاك انهارده ان دا هيحصل كل يوم .. و قطع كلامهم ....
..... قفشتك متلبس يا ادهم
ادهم : يخرب بيتك خضيتيني
جوانا تنزل من العربيه بسرعه : يارا وحشتيني
يارا : وانتي اكتر بكتير .. ايه القمر دا يابت دانتي طلعتي مزة وانا مش عارفه
جوانا : انا مزة من زمان انتي اول مرة تعرفي.. و بعدين انا مدام مزة .. قوليلي عندك عريس
يارا : هههههههه كتير ياختي دا العرسان تقفلك طابور بس انتي شاوري
جوانا : هبقى اشوف جدول مواعيدي بقى لو لقيت وقت هبقى اشاور هههههههه
ادهم : الصراحه يا يارا انتي اللي اتقفشتي .. رايحه فين يا قطه
يارا : خارجه مع حبيبي
جوانا : ايوة بقى يا بنت المحظوظه .. طب خديني معاكي
يارا : الله اكبر .. الله اكبر .. هنقر من اولها
ادهم : صحيح يا يارا جوانا عندها حق مش تاخدينا معاكي
يارا : بس كدا بكرا نروح الملاهي كلنا
جوانا : انتي ما صدقتي ولا ايه
يارا : يا ستي خلينا ننبسط
جوانا : انتي لو عليكي مش عيزاني اجي عشان يخلالك الجو .. بس انا هقول لبابا .. واجي عشان ارخم عليكي
ادهم : لا رخمي براحتك وانا كمان جاي
يارا : وانت جاي ليه
ادهم : يعني انتي و خطيبك خارجين سوا و هتبقوا مع بعض ..ووهتسيبوا جوانا لوحدها .. فانا هاجي .. و نجيب علي و دينا كمان
جوانا : اوووبا دي شكلها هتبقى خروجه جامده اوووي
ادهم: طبعا مش انا هبقى فيها
جوانا : يا شيخ اتلهي
يارا : حبيبي جه يلا بلاباي
جوانا : باي
ادهم : متشكر جدا ع التوصيله يا جوانا
جوانا : العفو .. و بعدين مفيش شكر بين اخوات
ادهم : اخوااااااااات !! .. ا اه طبعا اخوات و صحاب كمان
جوانا : طيب يلا سلام
........
اليوم اللي بعده تجمعوا الشله و قعدوا ع سلم الكليه ..
علي : يا جماعه عايز اقولكوا ع حاجة
ادهم : ايه
علي : انا و دينا هنتخطب قريب اووووي
دينا و هي مرتبكه. : انا اصلا لسه موافقتش
علي : عيني ف عينك كدا .. انتي تلاقيكي اول ما مشيت اغم عليكي و قعدتي تقولي بحبه يا بابا
دينا : بقى كدا طب مش موافقه
جوانا : استني يابا انت و هي حد يقرصني انا بحلم ولا ايه .. ايه الحوار بالظبط
علي : حقولك انا امبارح بعد ما جريت وراكم بالجزمه يا جزم .. اخدتها و طلعنا ع اهلها زي القضى المستعجل و طلبتها رسمي
ادهم : كل دا حصل و محكتليش يا جزمه
علي : اتفقنتا نقولكوا انهارده
جوانا : مبروك يا دندن لولولولولولي .. انا هبقى اخت العروسه
دينا : عقبال ما تبقي العروسه
جوانا : يسمع منك ربنا
ادهم بصوت واطي مش سمعه غير علي : هو سامع بس انتي تخلي عندك دم و تحسي
علي مقدرش يكتم الضحكه : ههههههههههه
دينا : بتضحك ع ايه
علي : مفيش بس في واحد اخد حته قفا قدامي دلوقتي انما ايه فله
ادهم: علي و دينا احنا خارجين النهارده .. تيجو معانا
علي : ع فين
جوانا : الملاهي .. مع يارا و محمد
علي : اه اه نخرج
دينا : بس انا مش قايله لبابا
علي : متقلقيش هكلمهم و اقولهم انك جايه معايا
دينا :طب اوك
جوانا : انا هقوم اسلم ع واحدة صاحبتي بسرعه
و قامت
ادهم : علي و دينا اسمعوني .. الخطه ٧٠٧ لازم تننفذ بكرا
دينا : انت لسه مصر ع الخطه الشريرة دي
ادهم : جدا
علي : خلاص تمام .. بكرا يا دينا قوليلها .. بس قولي انك مش متأكده عشان نحبكها
دينا : اوك ماشي و هبلغكم بكل جديد
ادهم: و النهارده طبعا اي لعبه تركبوها مع بعض و تسيبوهالي
علي : طبعا يا عم هركب جمب روحي اومال هركبمبك انت
دينا : طب اتكتموا بقى عشان جت
جوانا : يلا يا دينا اخر محاضرة و هنروح
ادهم : تروحوا فين احنا مش خارجين
جوانا : هو احنا هنطلع من برة برة
ادهم : اه .. و يارا و محمد هيستنونا هناك
جوانا : اوك بعد المحاضره نتجمع هنا
دينا : متنساش تكلم بابا يا علي
علي : انا انسى نفسي و مش انساكي
ادهم : امشي يا عم الرومانسي قدامي .. ورانا محاضره
....
ووافق ابو دينا ع الخروجه بعد الحاح طبعا...
بعد المحاضره اتقبلوا الشله و ركبوا العربيات و طلعوا ع دريم بارك
و هناك اتجمعوا مع يارا و محمد
محمد : تعالو نركب قطار الموت
جوانا :اييييه ؟ no way .. دا مرعب اوووي
دينا : لا مرعب ولا حاجة انتي اللي خوافه و قلبك رهيف
جوانا : لو مستغنيه عن ودنك هركب .. بس مش تزعلي لو نزلتي من جمبي ف اللعبه طرشه
علي : نعم نعم يا جوانا .. دينا هتركب جمبي انا و فكل الالعاب كمان
يارا : وانا طبعا هركب مع خطيبي .. وانتي و ادهم اركبوا سوا و الله يرحمك يا اخويا
جوانا : لا طبعا .. مش هينفع .. انتو بتستهبلوا
ادهم : ايه يعني هكلك .. عادي في ايه
و بعد الحاح طويل وافقت جوانا
جوانا : خلاص انت اللي جبته لنفسك .. قول ع نفسك يا رحمن يا رحيم
..........
خلصنا الحلقه كدا .. بكرا هكمل انا النهارده نزلت اتنين اهو .. عدو الجمايل .. مش تنسوا تقيموا و تقولوا يا تري هيحصل ايه ف اللعبه
#فووت+ #كومنت = هكمل