سرقت قلبي

الحلقه ١٩

جوانا : العرض جامد اوووي
ادهم سحب ايديها يبوسها : و اللي محليه انك قاعدة فيه
يجي كريم الزفت ... كريم : ادهم
ادهم : اهلا اهلا ازيك يا كيمو .. اعرفكم يا بنات .. دا كريم .. دفعتي انا و علي
علي : فينك يابني مستخبي فين
كريم : موجود والله .. المهم ادهم عايزك دقيقه
ادهم : طب عن اذنكم يا جماعه
علي ف اذن دينا : انا عاملك مفاجأه
دينا بصوت واطي : مفاجأه ايه
علي : قومي معايا و انتي تعرفي
دينا : مش وقته دلوقتي استنى لما ادهم يجي مش هسيب جوانا لوحدها
جوانا : ع فكرة انا سامعاكم و صوتكم عالي .. ع العموم قوموا انا عادي هستنى ادهم هو مش هيتأخر .. روحوا انتو انبسطو .. انا مش زيكم بحقد و بس ههههههه
علي : بقى احنا بنحقد اجوجو
جوانا : بالله عليك يا علي انتو بتعملو حاجة غير الحقد علينا
علي : بصراحه لا هههههههه .. ع العموم تشكري اجميل .. يلا يا دندن
دينا : بس
جوانا : مبسش .. يلا يا علي خد خطيبك و هوونا بقى .. مفيش اكسجين
علي : يعني عجبك الطرد دا .. قومي بقى جبتلنا الكلام
و مشيوا علي و دينا .. و جت واحدة قعدت جمب جوانا
........: مساء الخير
جوانا : مساء النور
.......: انتي اكيد مش تعرفيني بس انا اعرفك اوووي .. انا رانيا دفعه ادهم
جوانا : اه اهلا وسهلا بيكي
رانيا : ممكن اتكلم معاكي شويه بس مش هينفع هنا .. تعالي نروح اوضتك او اوضتي
جوانا : اوك
...........
ف اوضه كريم ..
كريم : ايه يا باشا طول الوقت قاعد مع خطيبتك .. واخداك مننا و مش عارفين نتلم عليك
ادهم : اديني معاك اهو .. بس اوضتك قريبه اووي من اوضتي اكيمو
كريم : ابقى تعالى بقى
ادهم : انشاء الله ها كنت عايزيني ف ايه
كريم : هقولك .. بس الموضوع طويل تعالى نشرب حاجة الاول
و قام كريم حط البيرة ف كبايه ادهم و عصير التفاح ف كبايته و ادهم مش اخد بالو .. و اول ما بدا يشرب سكر و بقى مش حاسس بالدنيا ...
..........
جوانا : منورة اوضتي .. ها قولي كنتي عايزه تقولي ايه
رانيا : بصي انا عرفت انك بنت غلبانه و ع نياتك و صعبتي عليا عشان كدا جيت اكلمك .. انتي خطيبه ادهم مش كدا
جوانا بدات تقلق : اه
رانيا : بصي عشان انتي اختي او زي اختي .. انا عايزة احظرك
جوانا بعدم فهم : من ايه
رانيا : من ادهم
جوانا : نععععععععععم !!
رانيا : ادهم مش زي ما انتي فاكرة طيب و راجل .. و لا بيشتغل ف شركه تكيف و تبريد .. ادهم بيلعب بالبنات
جوانا بعصبيه : انتي بتقولي ايه .. و بعدين انتي ايش عرفك
رانيا : عارفه انك مش هتصدقيني .. بصي هحكيلك .. من سنتين ادهم مثل عليا الحب و خطبني و بعد كدا قال انه مش معاه فلوس نتجوز فاقترح ان نتجوز عرفي كبدايه .. انا رفضت .. راح خدرني و اخد مني اللي هو عايزه ..... " و بدأت تعيط " ... و بعدين لما قلت هفضحو قال مين فينا اللي هينفضح بالظبط .. و اكتشفت ان شغله كله ف الكباريهات مش زي ماقالي و قالك انه بيشتغل ف شركه تكيفات .. و انه بمعنى اصح دنجوان .. و بيعمل كدا مع كل البنات و اللي تبقى محترمه يخشلها من سكه الجواز .. انا مردتش ان يحصلك كدا عشان كدا جيت احظرك خصوصا لما عرفت حاجة كمان .. شريكتي ف الاوضه حكتلي انها اتجوزتوا عرفي قبل ما نيجي الرحله بيومين .. و انها النهارده مش عيزاني اروح الاوضه عشان هتبقى معاه .. و لما حظرتها كذبتني .. انا سرقت ورقه الجواز العرفي من شنطتها و جبتهالك عشان تصدقيني .. بلاش ترمي نفسك لحيوان زي دا
جوانا بتسمع و هي مصدومه و دموعها ع خدها : فين الورقه دي
رانيا بابتسامه انتصار : اتفضلي .. و ع فكرة هو معاها دلوقتي لو عايزة تصدقي .. انا عارفه انه صعب عليكي .. بس تعالي معايا اوريكي بعينك
جوانا : مستحيل .. انا اكيد بحلم
و راحت معاها ...
..........................
ادهم كان سكران : ايه يا كيمو هههههههههه ماتجيب تاني ههههههه
كريم : بس كدا حالا اروح اجيب
دخل كريم المطبخ و طلعت بداله سالي بالبيرا .. و كانت لابسه لانجري قصير يبين اكتر ما يستر .. و خرجت تدلع و هو يعيني ف زمن تاني
سالي : ادهومتي حبيبي
ادهم : ههههههه اهلا .. مين مزه جامعتنا هههههههه
رانيا فتحت الباب ف الوقت دا لما كانت سالي قاعدة ع رجل ادهم و بتلعب ف شعره .. تدخل جوانا عشان تشوف .. تنصدم
جوانا و دموعها ع خدها : ادهم !! .. فعلا رانيا عندها حق .. عمري ما توقعتك بالقذارة دي .. مش عايزة اعرفك تاني " و قلعت الدبله رميتها ف وشه "
ادهم كان ابتدا يفوق : انا فين .. جوانا .. جوانا استني
.......
علي : يلا غمضي عينك
دينا : اهو
علي : ٣ - ٢ - ١ .. فتحي
دينا : ايه دا
علي : ايه رأيك مش دي كانت امنيتك
دينا : اه .. كان نفسي اووي اركب خيل .. عرفت منين
علي : من العصفورة .. يلا اركبي .. هوبااا
........
ادهم قام غسل وشه بسرعه مكنش شرب كتير ..سالي .. انتي ازاي تعملي كدا .. انا هوديكي ف داهيه
سالي : هههههههههاي .. جاي لحد اوضتي و بتهددني كمان ..،دا ايه قله الزوق دي
ادهم : اوضتك ازاي .. دي اوضه كريم
سالي : قلتلك زمان يا ادهم مش هسيبك ف حالك .. انت بتاعي انا .. انا و بس
ادهم ضربها بالقلم ع وشها : انتي مريضه ولازم تتعالجي
و طلع يجري ورا جوانا ...
........
دينا: ميرسي اوووي يا حبيبي .. ربنا يخليك ليا
علي : اهم حاجة انك اتبسطي .. يلا بقى نرجع نشوف جوانا و ادهم بيعملوا ايه..
دينا : يلا يا بيبي
.......
جوانا وصلت اوضتها و كانت منهارة بمعنى الكلمه .. اللي شافته و سمعته مش قليل .. و صعب انها تدوس ع قلبها فجأه بعد ما وقع ف الحب ..
دخلت الاوضه و فضلت تعيط كتير و بعدين قامت جابت شنطة سفرها و حطت هدومها جواها و بدأت تجهز عشان تسافر راجعه القاهرة
سرحت شويه ف نفسها و مصيرها : معقوله اتخدعت فيك ..،انت الانسان الوحيد اللي حبيته من اول ما شوفته .. مثلت عليا الدور و اتقنته كويس اووي .. و ف الاخر طلعت شمال .. ليييييبه .. ليه كدا يا ادهم ؟ حرام عليك .. و كل المفاجأت اللي عملتهالي .. كل الهدايه و الحب اللي بينا .. لا .. لا والف لا .. انا لازم ابقى اقوى من كدا .. دا واحد ميستاهلش .. ايووة انا بكرهك يا ادهم .. خلاص يا جوانا اجمدي .. الحب دا كلام فارغ .. انا هنز ل القاهرة .. و هعيش لاهلي و دراستي و بس !!
يجي ادهم يخبط عليها : جوانا .. جوانا صدقيني انا مظلوم .. طب جوانا افتحي نتفاهم .. جوانا هكسر الباب افتحي ..
.........
علي: هما راحوا فين
دينا : مش عارفه طب رن ع ادهم شوفوا
علي : اه صح .. جرس .. الو .. ايه يا كبير اخدت خطيبتك واختفيتو فين
ادهم : الحقني بسرعه يا علي انا واقع ف مشكله كبيرة
علي : مشكله ايه .. انت فين
ادهم : تعالى بسرعه عند اوضه جوانا
علي : طيب احنا جايين حالا
دينا : في ايه يا علي
علي : ادهم بيقول انه واقع ف مشكله .. تعالي بسرعه لازم نروحلهم
.........
جوانا ف نفسها : مش لازم اسمح لحد يأثر عليا .. انا مش لازم اخليهم يشوفوني .. بس هخرج ازاي.. البيه واقف برة .. و دينا جايه معاها المفتاح ..لقيتها .......
.............
علي : ايه يا ادهم في ايه
ادهم : هفهمكو .. بس الاول افتحي الباب يا دينا لتكون جوانا عملت حاجة ف نفسها
دينا: انت بتقول ايه انتو اتخانقتو
ادهم بعصبيه : مش وقته دلوقتي تحقيق .. قلت افتحي الزفت نطمن عليها
فتحت دينا الباب .. و دخلوا يدوروا عليها مش لقوها ف الاوضه خالص
دينا : دي مش ف الاوضه .. و هدومها كمان مش موجوده
علي: حد يتصل بيها
ادهم : مقفول .. تعالو نلحق ندور عليها قبل ما تهرب من الفندق
و طلعو ا جري يسألوا عليها
..........
طلعت جوانا من المخبأ و كانت واقفة ف البانيو و قافله عليها الستارة هي و شنطها .. لحد ما اتأكدت انهم مشيوا ..
جوانا لنفسها .. هعمل ايه دلوقتي .. مش هينفع اسافر دلوقتي هما اكيد واقفين عند الابواب .. مش هعرف اخرج ... بس هروح فين .. ايوة صح .. مفيش غيرها . ..
...............
كفايه كدا النهارده .. عارفها الحلقه كلها حزن .. هسيبكوا تفكروا يا ترى هتستخبه عند مين .. قولولي توقعاتكم .. و رأيكم ف البارت
فووت + كومنت + فولو بليييز