سرقت قلبي

حلقة ١٦

تاني يوم بعد الحفله بتاعه بالليل كان عيد ميلاد جوانا بقى .. صحيت الصبح و بأعلي صوتها النايم
حوانا : صباح الخير يا اهل البيت .. طن طن طن .. انهارده ليله هنا و سرور و كبايات ف صواني بتدور .. انهارده عيد ميلادي عاااااا
امها داخله ماسكه نفسها من الضحك بالعافيه : صباح النور البسي اسدالك و تعالي هنصلي كلنا جماعه
اتوضت و لبست الاسدال و طالعه بصوتها النايم انتو عارفينه طبعا : انا جيت اهو ي ....... ادهم
ادهم : صباح النوم يا هانم الساعه بقت واحدة .. ههههههه و بعدين صحيالي بتغني هتعملي كدا ف بيتنا .. لا و صوتك مسمع العمارة كلها ههههههه
جوانا بكسوف : انت هنا من امتى
ادهم : من ساعه .. احنا مش متفقين هنخرج و مش هنروح الجامعه ..ولا متفقين تنامي
جوانا : هنخرج دلوقتي
ادهم : ايوه .. يلا خشي البسي
جوانا : حاضر
ادهم : ع فكرة انا بعت الموافقه و مصاريف الرحله للجامعه بتاعتي انا و انتي جهزي شنطتك لانها بكرا
جوانا : لما ارجع هجهزها
دخلت لبست و كانت لابسه فيست جينز حلووو اوي
.....
علي كان عند دينا
علي : ها ياعمي مش هنحدد ميعاد الدخله
ابو دينا :انت مستعجل ليه يا ابني دا انتو لسه مخطوبين مش كملتو اسبوع
علي : بص يا عمي فاضل شهرين و نص و اتخرج.. ايه رأيك لو نحدد ميعاد الفرح بعد ٣ شهور
ابو دينا : والله يابني مش عارف انتي رأيك ايه يا دينا
دينا : علي .. انا لو وافقت هتخليني اكمل دراستي ف بيتك؟!
علي : طبعا
دينا : خلاص يا بابا اللي تشوفه
ابو دينا : خلاص ع بركه الله
.....
جوانا : احنا رايحين فين
ادهم : هخطفك
جوانا : بجد بقى
ادهم : حاجزلك مركب ع النيل ليا انا و انتي بس
جوانا : حبيبي ربنا يخليك ليا .. بس ممكن نقلل من المصاريف شويه عشان نعرف نحوش لحياتنا و لا انت بقى مش عايز تجوزني و هنفضل مخطوبين و كل ما يجيلنا قرش نصرفه .. بص مش تزعل مني انا عارفه ان كل دا عشاني بس بردو ممكن تفرحني من غير ما نتكلف انا لو ودتني اي حتة انشاله ايه معاك جنه
ادهم : كل يوم بتعلي ف نظري اكتر و اكتر .. حاضر يا حببتي .. بس يلا بقى وصلنا
جوانا : الله كل دا عشاني
كانت شايفه مركب مكتوب عليها جوانا و متزينه بالانوار و للزينه ..و جواها قلب كبير بالانوار مكتوب جواه ادهم و جوانا .. و ف النص فيه ترابيزة محطوط عليها اكل و كيكه تانيه صغيرة ع قدهم محطوط عليها صورتها
ادهم : اتفضلي جلالتك
جوانا : ربنا يخليك ليا
ادهم : طب ندخل بقى .. ( دخلو و قعد يأكلها بأيده ) مبسوطه ؟
جوانا : فرحتي متتوصفش
ادهم : طب يلا عشان نقطع الكيك
مسكت جوانا السكينه فمسك ادهم ايديها و قعدو يقطعو الكيك و عينيهم ف عيون بعض ( هييييييح بقى ايه رأيكم اسناجل لسه المرارة موجوده ولا خلاص زي حالاتي ههههه)
ادهم سرحان ف سحر عنيها : بعشقك
خفضت بصرها للاسفل
ادهم : بقولك ايه يلا ناكل الكيك بسرعه عاملك مفاجأه
جوانا اكلت بسرعه : ها انا خلصت قولي ايه هيا
قام ادهم شغل موسيقى فيلم تيتانك و وقفها ع اخر المركب و مسك ايدها نفس حركه تيتانك
و بأعلى صوووت : بحبببببببببببببببببببببببببببببك.
جوانا : اسكت يا مجنون
ادهم : انا فعلا مجنون .. مجنون بيكي
و قعدو ساعتين ف المركب يحبو ف بعض و اخدها و اتمشوا ع النيل و جابلها ترمس و ذره
و بعدين روحوا عشان ترتب شنطتها .. خلصت ترتيب الشنطه و قاعدت تكلم ادهم ع الواتس .. و هي بتكلمه لقت طوبه اتحدفت ع شباكها .. راحت تبص ... لقت ادهم واقف تحت لابس عبد الحليم و بيغنيلها اغانيه ... كانت ميته من الضحك ع منظره
جوانا : كفايه بقى انت مزهقنش مني
ادهم : في حد بيزهق من قلبه
جوانا : احم احم .. ثبتني .. بس روح نام عشان تصحى فايق
ادهم : حاضر يا ست الكل تصبحي ع خير
جوانا : وانت من اهلو
رجع ادهم البيت و نامو هما الاتنين مبسوطين .. صحيو الفجر عشان ينزلو .. كل واحد سلم ع اهله.. و علي راح جاب دينا و اتجمعوا كلهم عند عماره ادهم ..مشيو سوا و لما وصلو للباص قعدت جوانا جمب ادهم. و علي جمب دينا ..
ادهم مسك ايد جوانا و هي نامت ع كتفه
جوانا : انا جعانه نوم عادي انام
ادهم : نامي يا حببتي كتفي تحت امرك
جوانا : تسلملي يا حبيبي
....
علي : هتبقى الرحله حلوة اووووي عشان قمري معايا
دينا : عايزة اعترفلك بحاجه مهمه
علي : قووولي
دينا : احم احم .. بحبك اووي
علي : طب ما نا عارف ايه الجديد
دينا : بقى كدا . . طب انا زعليت منك
علي: طب عيني ف عينك كدا
دينا : لا مخصماك
علي : خلاص براحتك ...." و سكت شويه " اااه ايه اللي دخل ف عيني دا
دينا بخضه : ايه ايه وريني
علي : تصدقي عينك حلوة اوووي
دينا : تصدق انك رخم وسع كدا انا اصلا مخصماك طول الدنيا دي كلها
علي : طب بحبك
دينا : انا شكلي كدا هصالحك .. بس لا بردو زعلانه .. بس مش اوووي
علي طبع قبله رقيقه ع خدها : طب و كدا .. لسة بردو زعلانه
دينا مصدومه من اللي عمله و حطط ايدها ع خدها و بقت مكسوفه اوووي
علي : ايه لدرجادي عجبتك .. اديكي واحدة كمان
دينا : شششششش خلاص فضحتني
علي : و ايه يعني احنا مع صحابنا و كلهم عارفين اننا مخطوبين .. و بحبك كمان .. ايه بقى هتصالحيني و لا اصلحك انا بواحده تانيه
دينا : خلاص صالحتك .. بطل اللي بتعمله دا بقى
علي : طب ع فكرة دا مش عدل ... انا اديتك و انتي مش ادتيني
دينا : علي هتضرب
علي : و ايه يعني .. ضرب الحبيب زي اكل الزبيب
دينا : طب اسكت بقى
علي :و هو السكوت ببلاش
دينا : بحبك .. بس اسكت بقى
علي : مش كفايه
دينا : امال عايز ايه
علي شاور ع خده : وحدة بس
دينا : بعينك .. بعد الجواز
علي : خلاص اخد انا بقى وحدة كمان
دينا : علي
علي : يا عيون علي
دينا: بلاش نزعل من بعض بجد
علي : مش احنا مخطوبين
دينا : اديك قلت مخطوبين .. مش مكتوب كتابنا .. وانت عملتها مره و سكت خلصنا
علي : خلاص اسف .. بكرا نتجوز وابقى براحتي
دينا : طب يلا ننزل عشان و صلنا
........
ادهم طول الطريق بيتأمل ف وش جوانا و هي نايمه
ادهم. : جوانا جوانا .. حببتي قومي احنا و صلنا
جوانا : امممم صباح الخير
ادهم : صباح النور يلا ننزل
جوانا : يلا يا حبيبي
ادهم : ايه يلا يا ايه
جوانا : يلا يا ايه ؟ . تقريبا بيتهيقلي حاجات وانا نايمه
ادهم : بقى كدا ماشي .
جوانا : بقولك ايه... و ف ودنه : انا بموت فيك
ادهم : و انا بعشق امك ...
جوانا : طب يلا انزل متبقاش غيرنا
ادهم : يلا
........
كفايه كدا النهارده .. لو خلصت مذاكرة بدري هنزل جزء تاني بالليل .. بس ادعولي بليييييييز
و مش تنسو تقولوا توقعاتكم. و ايه هيحصل ف الرحله
و رأيكم ف الحلقه
فووووت + كومنت بليييييز