سرقت قلبي

الحلقه ١٨

Happy new year all ..
سوري امبارح مش نزلت بارت كان النت فاصل عندي
..................
اما عند رانيا و سالي . قاعدين ف الديسكو و لبسهم فظيع .. يعتبر مش لابسين ... سالي تروح للجرسون : بقولك ايه يا اسمك ايه " بدلع "
الجرسون : عمرو يا برنسيسه .. محسوبك عمرو
سالي : ماشي يا عمورة .. انا عايزة منك خدمه
عمرو : اامري يا فرولايه
سالي : بص هو مش ليا و لو مش عندك دلوقتي انا كدا كدا عيزاه بكرا .. بس تبقى حاجة ابهة بنفس الموصفات اللي هقولهالك
عمرو : اامريني
سالي : انا عايزة بيرة .. بس مش اي بيرة لا لا .. عيزاها اصلي .. تخليك مش واعي نهائي و بتعمل حاجات غريبه
عمرو : غالي و الطلب رخيص .. دي بيرة تركي .. مش هتحسي باللي انتي بتعمليه خالص و مش هتفتكريه لما تفوقي
سالي : ايوة هي دي .. تسلملي يا عمورة .. اموووواه " ع الهوا"
رانيا : ها عملتي ايه
سالي: جبتها .. اديها لكريم و خلي الورقه جاهزة معاكي
......
جوانا : احنا انبسطنا اوووي النهارده
ادهم : جوانا هو موبيلك فين
جوانا : ف الاوضه ليه
ادهم : بباكي لسه متصل بيا و كان قلقان عليكي لان مش بتردي ع الموب .. و بيسلم عليكو كلكو
دينا : بقولكوا ايه كفايه كدا تعالو نرجع الاوض.. عايزين نلحق المسلسل
علي : مسلسل ايه
جوانا : من النظرة الثانيه
ادهم : الهندي ؟
دينا : اه .. دا روعه
علي :طب متفرجونا معاكو
دينا : تعالو
راحوا كلهم اوضه جوانا و دينا .. و قعدوا يتفرجوا ع الحلقه .. كانت دي اول حلقه ف الحزن .. كانت حلقه ان دخل شخص " شيام " بين الحبيبه " ارناف و كوشي " عشان يبعدهم عن بعض.. و ابتدا الكره و الحقد بين الابطال
طبعا ادهم و علي مش فاهمين حاجة .. عشان اول مره يشوفوه .. اما جوانا و دينا ف دور امينه رزق شغال عندهم و خلصو علبه المناديل عياط و قالبنها مناحه بقى
ادهم : ههههههه يالهوي ع مناظركم .. تموت من الضحك .. كل دا عشان سوشي و ناناف
جوانا : فصلتني يا ادهم .. بوظت الاسماء .. اسمهم كوشي و ارناف
علي : خدي يا اختي انتي و هي مناديل امسحوا وشكم
دينا : اهئ اهئ .. حرام .. شيام دا حيوان " الشيطان اللي دخل بينهم "
جوانا : منه لله .. ربنا ياخدو
ادهم : حرام عليكو موتوا الراجل .. دا مجرد تمثيل يا ماما انتي و هي
دينا : لااااااا .. بقى حرام .. ليه خلص .. حبكت يعني
علي : لا انتو اكيد مش طبيعين .. انا اخاف ع نفسي معاكو
ادهم : قوم يا عم نرجع اوضتنا .. احنا جاين نفرفش مش نعيط
علي : تصبحوا ع خير
جوانا و دينا : وانتو من اهلو
نام الجميع فمنهم من ناوي ع الشر ف الصباح .. و منهم من يعشق و يحضر مفاجأت للصباح .. لكن كلو متقدر و مكتوب
...........
ام جوانا : انا قلبي واكلني ع البت اوووي يا عبدالله مش مطمنه
عبدالله : متقلقيش ادهم معاها .. و ادهم راجل يعتمد عليه و يعرف يحميها
ام جوانا : جيب العوايب سليمه يارب
..............
جوانا : حرام عليكو سيبوني ف حالي و سيبولي ادهم
........: ههههههههههههههههه دا ف المشمش يا ماما .. احنا هناخد ادهم و خليكي انتي مربوطه ف العمود لحد ما تموتي
جوانا : لا حرررررررام عليكم .. سيبوني انا ادهم ف حالنا .. لاااااااا ادهم متمشيش و تسيبني
كان ادهم عايز يلحق جوانا بس في حد بيبعدوا عنها و مش قادر يقاوم عشان يوصلها .. في حد مش عايزهم يكونوا لبعض
ادهم: سامحيني يا جوانا .. بحبببببببك
جوانا بصريخ : لاااااااااااااااااااااااااا
و فاقت جوانا ع طول كان حلم بل كابوس .. فاقت و هي بتصرخ : لااااااااااا
دينا : في ايه يا جوانا سرعتيني
الله اكبر الله اكبر ... الله اكبر الله اكبر " اذان الفجر "
جوانا بخوف: كدا دا مش حلم .. دا رؤيه .. خير اللهم اجعله خير
دينا : في ايه
جوانا :حلم .. حلم وحش اوووي يا دينا .. دا كابوس
دينا : قولي خير اللهم اجعله خير و استغفري و استعيذي من الشيطان
جوانا : اعوز بالله من الشيطان الرجيم .. استغفر الله استغفر الله
دينا :طب بما اننا صحينا بقى تعالي نقوم نصلي
جوانا : يلا
................
تاني يوم الصبح
سالي : ياااه النهارده هاخد حقي تالت و متلت
رانيا : ابسطي يا ستي .. الدنيا تليل بس و هنفذ
سالي : مش مصدقه .. فرحانه اووووي .. عشان بعدين ادهم يعرف هو بيكلم مين ...دا انا سالي المصري يتقالي لا ... لا لما تلؤوا
رانيا : طب قومي نروح نفطر
طلعوا البنتين من اوضتهم ع اساس رايحين يفطروا .. قابلوا كريم بره
سالي : كريم .. اي غلطه منا احنا التلاته هنروح كلنا ف داهيه
كريم .: متقلقيش يا برنسيسه كلو هيتنفذ بالحرف الواحد
سالي : جدع يا كيمو
و جه صوت من بعيد ينادي ع كريم ..
كريم : عن اذنكم هشوف اختي
....... : مين دي يا كيمو .. انت بتظبط من ورايا ولا ايه .. دانا اختك حتى ياراجل كريم : يابت اظبط مين .. دي زميلتي بس
....... ماشي يا سيدي هحاول اصدقك ... بس تصدق حلوة .. عارف لو خطيبتك شافتها دلوقتي هتاكلك
كريم : بقولك ايه يا لولو ما تيجي نروح نفطر
ليلي " صاحبه جوانا اللي قالتلها ع الرحله لو فاكرنها .. نعم هي اخته : يلا
...............
دينا : صباح الخير
جوانا : صباح النور .. موبيلي فين
دينا : ع الشاحن كان فاصل وانا لسه حطاه دلوقتي
جوانا تفتح الموب : ايه دا ... خمس اتصاللات من ادهم الفجر .. في ايه ؟؟
دينا : مش عارفه .. طب البسي .. نطلع نقابلهم برة و نعرف
جوانا : طيب ماشي
خلصت جوانا و طلعوا لشباب
جوانا: في ايه يا ادهم قلقتني .. متصل خمس مرات الفجر ليه
ادهم : جوانا انتي كويسه .. انا مش عارف انام من امبارح من ساعه ما سمعت صوت صريخ من اوضتكم الفجر
جوانا : اااه دا انا كان كابوس
ادهم : انا صحيت اصلي سمعت صويت و اتخضيت قعدت ارن عليكي مكنتيش بتردي و بعدين الموب اتقفل
جوانا : معلش حصل خير الموب كان صامت و بعدين فصل .. بس معقوله صوتي وصلكم
ادهم : دا ع اساس ان بينا و بينك عشرة كيلو دا الاوض لازقه ف بعض دا بيفصلنا باب
جوانا : طيب خلاص قفل ع السيرة ويلا نروح نفطر و بعدين ننزل المايه
علي: عايزين ناخد شويه سلفيهات اجدعان
دينا : طيب يلا مستني ايه
....................
طبعا محدش عارف مستخبيله ايه بعد شويه .. اليوم دا كانت جوانا مبسوطه فيه اوووي .. بس الشر و الحزن كان ف انتظارها .. اليوم عدى بسرعه و جه بالليل وكان في عرض رقص بلدي و شرقي و عروض تجذب السياح .. و رقص بالعصيان .. يعني القريه كانت مظبطاهم .. كان جوانا و ادهم و دينا و علي قاعدين ع ترابيزة سوا بيتفرجوا
جوانا : العرض جامد اوووي
ادهم سحب ايديها يبوسها : و اللي محليه انك قاعدة فيه
يجي كريم الزفت ... كريم : ادهم
........
يا تري عايز ايه .. يا خبر بفلوس بكرا يبقى ببلاش .. توقعاتكو بقى
فووت + كومنت + فولو بلييبيببز