و كتبوا الكتاب و بعدها شغلوا اغنيه انا كلي ملكك .. و دخل العروسين للdance و بدأوا يرقصوا سلوو .. و فجأه وقفت الاغنيه و ادهم طلع ع ال stage
ادهم : اهلا وسهلا بيكو جميعا .. اعقبالكو كلكم طبعا .. انا بشكر كل اللي شرفنا النهارده .. و بقول ليارا اخت و امي و حببتي و صاحبتي. كل حاجة ليا .. الف مبروك يا حببتي .. و بارب تعيشي عمرك كله ف سعادة .. و محمد مش هوصيك قدام الكل اهو .. خلي بالك منها و شيلها ف عينك .. مش هطول عليكو .. بس في كلمتين عايز اقولهم .. انا بحب ولحدة هنا .. بحبها اوووي .. و نفسي اقولها .. و جه الوقت دا انها تهرف اد ايه انا بحبها .. و بقولها قدامكم كلكم ..
بحبك يا .....
و سقف بأيده نزلت صحيفه كبيرة مكتوب فيها
بحبك اديني هقولها
بقالي كتير بطولها
و بحلم اكون وياك
و جمبك ايامي هكلمها
قدام الناس هقولها
و مش مكسوف انا بهواك
و الليله ديا بعمرنا
انا و انت محدش قدنا
هنسبنا من الناس و الحياه
و كفايه انا قلبي معاك
بحبك يا جوانا ...❤❤❤❤❤❤
جوانا \\\ ادهم
....
جوانا برقت و معرفتش ترد .. فجأه لقت ابوها و امها وراها و فرحانين اوووي
فلاش باك
ادهم : سلام عليكم
عبدلله : عليكم السلام اي خدمه
ادهم : حضرتك استاذ عبد.الله والد الانسه جوانا
عبدالله بخضة : ايوة انا .. ملها بنتي حصلها حاجة
ادهم : لا هي بخير متقلقش انا ادهم الاسيوطي زميل جوانا ف الجامعه
عبدالله : اه اهلا وسهلا .. انت اللي انقذتها
ادهم : متقولش كدا يا عمي دا واجب و اي حد مكاني كان هيعمل كدا
عبدالله : ربنا يحفظك يابني
ادهم : اولا انا اسف اني جيت من غير ميعاد بس بصراحه انا جاي و قاصد ان جوانا متبقاش ف البيت
عبدالله : خير يابني ..
ادهم : يا عمي انا يشرفني اطلب ايد بنتك جوانا
عبدالله : بصراحه يابني انت فاجئتني .. وانا طبعا معرفش عنك حاجة .. فلازم اخد رأي بنتي و اسأل عنك الاول
ادهم : طبعا يا عمي حقك .. بس انا عندي طلب .. انا مش عايز جوانا تعرف دلوقتي .. انا نفسي بعد اذن حضرتك طبعا .. اني افاجئها ف فرح اختي و طبعا حضرتك هتكون موجود
و اتفقوا ع الخطه ...
باك
.
عبدالله : ايوه ادهم جالي و طلبك رسمي و انا سألت عليه و موافق .. فاضل رأيك يا عروسه
جه ادهم و نزل قعد ع ركبة واحدة و فتح علبه قطيفه فيها خاتم رقيق اووووي و نطق بكلمه واحدة : تتجوزيني
جوانا ابتسمت و هزت راسها بالموافقه
ازداد تصفيق الجميع و ادهم مسك ايد جوانا و باسها و لبسها الخاتم و اداها ورده حمرة رقيقه اوووي
جائت دينا و حضنتها : تعبتينا اوووي ف تنفيذ الخطه
جوانا : يعني طلعتي عارفه و مخبيه عليا
دينا : ايه رأيك بقى
جوانا : فكريني اموتك ههههه
و بدأ الكل يبارك لهم و يارا و الحجة نورا " ام ادهم "كانو فرحانين اوووي
و نرجع بقى للفرح .. شغلوا اغنيه هاديه .. و كل كبل رقصوا سوا .. يارا و محمد .. ادهم و جوانا ... علي و دينا .. و الفرح كان رائع
و لما خلص .. راحت جوانا بعد ما استأذنت باباها توصل يارا لحد بيتها و رجعها ادهم و كانوا فرحانين اوووي هما الاتنين
ادهم : هتوحشيني
جوانا : احم احم .. انا هطلع بقى تصبح ع خير
ادهم : هتيجي معايا بكرا ليارا
جوانا : هشوف بابا لما اطلع و ارد عليك ع الواتس
ادهم : اوك تصبحي ع خير
جوانا : باي و الف مبروك ليارا
ادهم : عقبالنا بقى
جوانا : احم احم .. طب عن اذنك بقى
ادهم : انا هستناكي لحد ما تطلعي و تبصيلي من الشباك
جوانا : حاضر
طلعت جوانا و فعلا شاورتله من الشباك و مشي . .. سألت باباها اذا ينفع تروح ليارا و وافق .. بعتت مسج لادهم و قالتله
و اتفقوا يروحوا ع ٥ المغرب كدا
و ناموا كلهم بسلام ......
........
تاني يوم .. علي راح بيت دينا عشان الاتفاق ..
ابو دينا : انا موافق يا علي ع بركه الله .. انا مش هلاقي احسن منك لبنتي
علي : ربنا يخليك يا عمي و انشاء الله هكون عند حسن ظن حضرتك ... طيب نتفق بقى انا عندي شقه .. كامله من كل حاجة و العفش جديد .. تيجو تشوفوها لو اي حاجة عايزين نغيرها انا تحت امركو لو عايزين نغير الشقه كلها انا من ايديكو دي لدي
ابو دينا : يبقى نقرا الفاتحه
......
يارا : اهلا وسهلا عروسين المستقبل عندي
جوانا : صباحيه مباركه يا عروسه
يارا : الله يبارك فيكي عقبالكو
ادهم : يسمع منك ربنا
محمد : منورين والله يا جماعه
.
.
.
و بعد طول حوار لاشئ يذكر فيه
..
ادهم: يلا بقى احنا هنتكل
محمد : ماتقعدوا شويه يابني
ادهم : معلش بقى نسيبكو لوحدكو
جوانا : معلش بقى يا يارا هنيجي مره تانيه
يارا : نورتونا والله
مشيوا جوانا و ادهم وصلها للبيت بس مسكت فيه انه لازم يطلع .. و بالفعل طلع ادهم .. سلم ع اهلها و قعد معاهم شويه و اخد منهم ميعاد بكرا عشان يحددوا كل حاجة
...
دينا: اه والله
جوانا : مليون مبروووك ياعروسه
دينا : وانتي عملتي ايه
جوانا : هيجي بكرا هو واهله
دينا : طب حلو اوووي
.....
تاني يوم زار ادهم وامه بيت جوانا و اتفقوا ع كل حاجة
ادهم : بص يا عمي انا محوش حاليا حوالي *** الف جنيه دا فلوسي + ميراثي من بابا .. زائد اخر الشهر اخد مرتبي و الفوائد من البنك و اكمل عليهم يبقوا *** الف .. انا شفت شقه حلوة جدا قريبه من هنا و كبيرة ب *** الف جنيه و انا هجيب كل الخشب و النجف . و انتو كملو
عبدالله : بص يابني ..الكلام اللي انت قولته دا جميل جدا .. ننزل دلوقتي نشوف الشقه لو في نصيب فيها .. نتكل ع الله
ادهم : ع بركه الله نقرا الفاتحه
الكل بسم الله الرحم الرحيم ..............
و بعد ما قرؤوا الفاتحه نزلوا شافو الشقه و و عجبتهم و اتفقوا عليها و هبكتبوا العقد الاسبوع الجاي
روح الاهالي و ادهم اخد جوانا
جوانا : انت واخدني ع فين
ادهم : عاملك مفاجأه
جوانا : مفاجأه ايه
ادهم : و تبقى مفاجأه ازاي يعني
وقف قدامها و قرب منها اوووي ..
جوانا بخوف : ادهم انت هتعمل ايه .. ادهم فوق
ادهم ربط شريطه ع عنيها و قال : ما تصفي نيتك شويه هههههههه
و ركبها العربيه و راح المكان اللي مجهزه
ادهم : خلاص وصلنا
جوانا : ايه دا الدنيا ضلمه كدا ليه .. انا خايفه
ادهم نظر لها و سقف بأيده .............
...........
و كدا خلصت حلقه النهارده .. مستنيه رأيكو فيها ..
# فوت + #كومنت
.. عايزة توقعاتكم ايه للي هيحصل
أنت تقرأ
سرقت قلبي
Storie d'amoreاول روايه اكتبها .. باللهجة المصريه .. روايه كوميديا ..رومانسيه .. اتمنى تعجب اللي يقرأها و تقولولي رأيكم مشاركه في مسابقة #افضل_كتاب_عربي
