سرقت قلبي

الحلقه ٥

معلش يا جماعه اعزروني كان عندي ظروف امبارح و ملحقتش انزل و هعودكم النهارده
وقفنا عند لما ادهم و علي هيكلمو دينا و يقولولها
ادهم : ماشي كلم دينا
علي بحماس : ماشي حتصل بسرعه اهو
ادهم: استنى عايز اسألك ع حاجة
علي : ارغي
ادهم : انت ايه نظامك مع دينا و من غير لف و دوران
علي : بصراحة مش عارف انا من زمان بحترمها و معجب بأخلاقها .. و دلوقتي لما بقت معايا اتجدد الاحساس و شكلي كدا هتدبس ف جوازة
ادهم :حلو اوووي يبقى تقولها .. و تطلبها رسمي
علي : بالسرعه دي
ادهم : خير البر عاجله
علي : طيب هشوف بس لما نخلص حكايتك الاول
و يتصل بيها
علي : السلام عليكم
دينا :و عليكم السلام
علي : ازيك
دينا : تمام الحمدلله .. مرسي ع التوصيل
علي : لا شكر ع واجب
دينا : المهم انت وصلت كويس
علي : اه الحمد لله .. دينا بصراحه عايزك ف موضوع
دينا : اامرني
علي : الامر لله وحده .. بس هيكون سر ما بينا
دينا: متقلقش سرك ف بير
علي : هو بخصوص جوانا .. و سرد عليها الحكايه
دينا : بس جوانا مش من النوع اللي بيستسلم بسهوله
علي : ادهم هيعرف يتصرف .. و بعدين هو حاسس معاها بالراحة عايز بس يتعرف عليها اكتر و بعدين نشوف
دينا : طيب هو معاه رقمها
علي : مرديتش احنا فكرنا ف الاكونت بتاعها ع الفيس .. هي اسمها ايه
دينا : اكونتها بإسم جوانا عبدلله
علي : يبقى هي اللي احنا فاتحين الاكونت بتاعها اهو .. طب ضيفها يا ادهم
دينا : اي خدمه عد الجمايل يا سي ادهم
ادهم : متشكرين يا شابه
دينا :ههههههههههههههههههههههه ماشي يا سيدي .. يلا سلام بقى
علي : بالسلامه يا قمر .. و متشكرين
دينا :اي خدعه
.......،.،
جوانا : البت دي مشغوله بتكلم مين .. اهو اخيرا جرس
دينا : الووو
جوانا : بترغي مع مين يا باشمهندسه
دينا : دا علي بيطمن اني و صلت
جوانا : اااه .. دا الحوار فيه علي
دينا : اتلمي يا بت .. بتعملي ايه
جوانا : بفتح الفيس .. ايه دا
دينا : ايه
جوانا : ادهم !
دينا : ماله
جوانا باعتلي ادد
دينا : طب اقبلي
جوانا : واقبل ليه
دينا : يا بنتي عادي .. احنا دلوقتي ف الكليه و طبيعي نتعرف ع ولاد
جوانا : انتي رأيك كدا
دينا : لو مكانك هقبل .. دا كله ادد .. مجاش طلب ايدك هو اصله
جوانا : بطلي لماضه .. خلاص قبلت
دينا ف نفسها .. اهو اول خطوه تمت بنجاح اخيرا لقتلك عريس دا نا كنت خايفه تعنسي معايا
جوانا : يلا بقى كفايه عليكي كدا الرصيد هيخلص
دينا : هههههههه ماشي باي
و قفلو .. و دينا بعتت لعلي اللي حصل بينهم ع الواتس
....
ادهم : قبلت اكلمها ولا ايه
علي : دينا اللي اقنعتها ع فكره
ادهم : يارب يخليكي يا دينا يا بنت ام دينا
علي : طب يلا كلمها
ادهم : بقولك ايه .. انا جاتلي حته فكره
علي : ايه
ادهم قالو ع فكرته الشريره .. بس دا كلام سر هنعرفوا بعدين
ادهم و علي اتفقو ع الفكرة و كلمو دينا و قالولها ع الخطه
دينا : لا حرام تقطعوا قلبها كدا
ادهم : متخافيش والله ما هجرحها و لا هضايقها بس هعرف مشاعرها
دينا : بس لو عرفت هتزعل مني
ادهم : اوعدك مش هدخلك ف الموضوع لو حصل
دينا : طيب هنبدأ امتى
علي : بعد فرح اختي
دينا: اوك اتفقنا
ادهم : بس عليكي تجيبيها الفرح بأي طريقه
دينا: اوك
...... مشي علي من عند ادهم و قعد يفكر انه يروح لاهل دينا ماهم يردو قرايبو
و كمان يزود ف الزيارات لحد ما ياخدو عليه و يعرفوه .. عشان بعدين يقدر يتكلم و يطلب ايد دينا
.....
تاني يوم ( الجمعه )
عند ادهم
يارا : ادهومتي ممكن ادخل
ادهم : انتي دخلتي خلاص .. عايزة ايه مدام قلتي ادهومتي بقى عايز ه مصلحه
يارا : انا ملاحظه ان في ناس مهمه معاك انت و علي اليومين دول و في اجتماعات سريه بتحصل
ادهم : خليكي ف جوازتك يا يارا
يارا بزعل : كدا .. يعني انت لو قلتلي هفضحك مثلا .. دا حتى الحوار شكله عن بنات و انا ممكن افيدك
ادهم دور كلام يارا ف دماغه : ماشي يا ستي بس عارفه لو حد عرف
يارا : عييييب
حكالها ادهم كل حاجة من طق طق ل سلام عليكم
يارا: بص يا اخويا لو عايز تقرب لقلبها .. كل يوم ع الصبح كدا ورده لو كلمه حلوة بس بحدود .. اي حاجة ترسملها ابتسامه ع وشها
ادهم : سهله و بسيطه
يارا : و غير كدا .. تعرف كل حاجة هي بتحبها و كل حاجة هي بتكرها .. يعني بمعنى اصح ادرسها كويس و بعدين بينلها ان كل حاجة انت بتحبها هي بتعشقها
ادهم : ها زي ايه مثلا
يارا : مثلا شكولاته او اغنيه
ادهم: و مال الاغاني بكدا
يارا : بص يا حبيبي اللي متعرفش تهبر عنه تخلي الاغنيه تعبر عنه و تبعتهالها و قولها عجبتني اووي اسمعيها
ادهم : قشطه ... ع فكره انا عزمتها ع فرحك
يارا : اراك تعزم من جيب امك
ادهم : هههههههه
يارا : ماشي يا عمنا و نعملك شغل جامد ف الفرح كمان عشان المزة
ادهم : اتلمي
........
دينا : ازيك ياعلي
علي : تمام و انتي
دينا : بخير الحمدلله
علي: بقولك انا كنت عايز اجي اقعد معاكو شويه لو فاضيين بكرا
دينا : ااه تنور .. بس الكلام دا مع بابا انا معرفش مواعيده
علي : صح عندك حق طب هو عندك
دينا : اه عايزه؟
علي : ياريت
ناولت دينا لباباها الموب و قالتلو ف ودنو ع علي
ابوها : سلام عليكم
علي : و عليكم السلام ورحمه الله و بركاته .. واحشني يا عمي
ابوها: ماشي ياعم البكاش .. اومال مش بتسأل ليه
علي : معلش حقك عليا .. و عشان انا واحشك بقى عادي لو حضرتك فاضي بكرا اجي اقعد معاكو شويه
ابوها : طبعا يا حبيبي تنور ف اي وقت
علي : اشكرك يا عمي .. طب يلا بالإذن عشان متقلش عليكو
ابوها : ماشي بابني مستنينك بكرا و اعمل حسابك هتتغدي معانا
علي: انشاء الله
......
بليل خرجه يارا و مامتها و ادهم و محمد و جابو النواقص بتاعه الجواز و حجزوا الكوافير و اشتروا الفستان و كلو ميه ميه و كمان محمد عزمهم ع العشاء و ايس كريم " يا بختهم "
.... و عدا اليوم وجه اليوم التاني
لبس علي و جهز نفسه هشان يروح لدينا
و لما وصل و رن الجرس " ترررررررررررن "
ابوها : افتحي يا دينا تلاقيه علي
دينا: حاضر ..
وراحت فتحت الباب و عنيهم يتلاقو .. فتنزل دينا و شها بسرعه و تقول
دينا : اتفضل
علي يزيد فضلك.. اتفضلي انت بقى " و اداها علبه كبيرة شكولاته كان داخل بيها مش زعقوله هيدخل ايده فاضيه يعني :
دينا : مكنش ليه لازمه التعب دا .. ميرسي
يدخل علي يسلم ع الحاج و الحاجة و اخو دينا الاصغر منها ف اولى ثانوي "يوسف"
ابو دينا : منورنا يا علي يا ابني
علي: بنورك يا عمي
ام دينا : هتتغدى معانا النهارده يابني دي دينا هي اللي طابخه
علي بيبص لدينا و قاصد يهزر : طب وانتي مستغنيه عني يا طنط
دينا : لا والله ماشي يا علي
يوسف : ماشي بعرج هاهاهاهها
علي :ههههههه انتي صدقتي ولا ايه .. دا انا حتى خايف اكل صوابعي بعد الاكل. و امشي من غير صوابع .. الا صحيح انتي عاملالنا ايه ؟
دينا : بيتزا
علي : اوووووووبا .. طب انا جعان بقول نتغدى دلوقتي
الكل :هههههههه
و فعلا هيتغدى معاها و يعجبو الاكل جدا و يزداد اعجابه بدينا اكتر و اكتر
ع الغدا
ابوها : معلش يا هلي يا ابني اعمل نفسك بتاكل لحد ما يقوموا و اطلب ديليفري
الكل ماعدا دينا : هههههههه
دينا : كدا يا حاج .. وانا اللي كنت بقول اخويا اللي بيحبني و بيشجعني
علي : لا يا دينا .. متاخديش ع كلامهم دول بيغيظوكي و لو عليا نفسي اكل من ايدك كل يوم
دينا و تقلب طماطم : شايفين الناس اللي تفتح النفس
يوسف : اغشك يعني يا اوختشي .. دا علي مجرد بيجامل
دينا : بس ياض انت بالذات متتكلمش .. اشحال مخلص نص الاكل ... نصه مين دا تلت ترباعه
يوسف : بتذليني .. طب مش واكل .. بس هخلص اللي ف ايدي و ابقى اقوك
الكل : ههههههههههههه
دينا : وانت لسه كنت هتاخد حاجة تانيه بعد اللي ف ايدك ..يلهوي انا هقفل عليا بالمفتاح بالليل يدخل ياكلني
يوسف : بنتك يا ماما مش عيزاني اتغذى كويس عشان البنات لما يشوفوني يتهبلوا عليا
دينا : والبنات هيبصولك انت
يوسف : طبعا .. مش شايفه العضلات ماتقول حاجة يا علي
علي : الصراحه يا دينا ملكيش حق .. الراجل مربي زتونتين اهو ومش عاجبك
ههههههههههههههههه
يوسف : لا والله دا اللي ربنا قدرك عليه
علي : اغشك يعني
يوسف : الله الله دا الكلام اللي بقوله لدينا بيرجعلي كمان
علي: عشان تحرم .. من هنا و رايح انا اللي هدافع عن دينا
ام دينا : ايوه بقى يا ست دينا و جالك اللي يدافع عنك
دينا و هي طماطم : محدش هيعرف يتكلم معايا خلاص
ابوها :بتقولي حاجة يا دينا
دينا : سلامتك يا حبيبي
يوسف : ايوه كدا ناس تخاف متختشيش
..... و بكدا خلصنا الحلقه دي كمان .. و اهي طويله اووووي تعوض امبارح .. و انشاء الله لو قدرت هكتب واحدة بالليل
سامحوني لو فيه اغلاط مطبعيه ..