السلام عليكم | تشجيع للإستمرار . . . . موضوع اليوم عن : المقشر الياباني من يوم ماقالت لي جدتي كل شي ولاتبذير وآنا في آحسن حال كل شي ينرمي فوائدة لاتعد ولاتحصى ( قشور الفواكه + ماي الرز الخ ... ) اليوم الخلطه جميله وسهله والكل يقدر يسويها | أنا ما أحب الخلطات إللي من ضمن المقادير نجيب لبن العصفور وحتى لو حلبنا العصفور وسوينا الخلطه ضرتنا ماتفيد ترا مو شرط تعقدين السالفه وتحطين ٤٤ صنف في خلطه عشان التساقط ياشيخه راضين بالصلع بس فكينا من خبيصك زبدة الموضوع آبيكم تعرفون إن العنايه سهله والخلطات من آجمل مايكون بس شدي حيلك وخليك معي حبه حبه عشان تتمزمزين بدون تعب ولامصاريف . . . خلطة اليوم عن مقشر يزيل الجلد الميت وتنشط الدورة الدموية ويزيل القشور ويغذي البشرة ويحمي البشرة من حب الشباب ويعالج المسامات الواسعه و ينعش الجلد وينعمه وش آقول وش آخلي على فكرة الشاي فيه نسبه كبيرة مضادات آكسده ويحتوي على بولي فينولات لحيوية البشرة . . . ( كيستين شاي أخضر + ملعقة صغيره من زيت الزيتون ) . . . تسوون الشاي عادي مثل كل مرا تحطون ماي وكيسة شاي آتركوها شوي وبعدين قصو الكيسه وآخذو إللي فيها آخلطوه مع الزيت بس نحتاج اللي داخل الكيسه . . . وبعدين وزعوه على البشرة عادي إذا تبون للوجه آو الجسم عادي آنا آحط ع وجهي ويديني جميييييل خلوه خمس دقائق وآغسلوه بس آهم شي دلكوه بحركه دائريه خفيفه آجمل مقشر سهل ومايكلف وغير كذا خفيف . . . تمزمزو يابنات #منشن للفايده . .
أنت تقرأ
الصحة و الجمال
Non-Fictionالكتاب يناقش اهتمامات الفتيات الصحية بالاضافه الى اخر صيحات الموضة ........اذا كانت الريِاضة تغذيِ الجسم والعبادة تقويِ الروح والعلم يِنميِ العقل فان الجمال يِحيِيِ الوجدان ويِسمو بالانسان الى ارقى المراتب. مااسامح الي قبل ماتقراء تصوت . ان كنتي ته...
