*AnjSmykynyze*
Alam mo bang hindi ako siya?
Hindi ako si Cinderella,
Na hindi umiimik at nagpapaapi.
Hindi rin naman ako si Snow White,
Na mahinahon at maalam sa gawaing bahay.
Lalong hindi ako si Sleeping Beauty,
Na may maamong ngiti at mahumaling na boses.
Dahil ako ang babaeng sinasabi ng mga diwata na iwasan mo,
Ako si Ursula, ang bruhilda ng karagatan,
Sinasamantala ang bawat pagkakataon,
Makuha lang ang inaasam.
Ako si Valentina, ang babaeng ahas ang buhok,
Mabagsik, matapang at hindi nagpapatalo,
Kahit masama ang tingin sa akin ng karamihan.
Ako ang wicked witch ng mga fairytales,
Ako ang maramot na kerida ng mga kwentong romansa,
Ako ang kontrabida sa bawat libro o palabas,
Ako ang karakter na laging pinapatay sa mga isip ng mambabasa.
Hindi ako perpekto
Ngunit tao din ako
Nasasaktan, nag-aasam
Nabubuhay, nagmamahal
Tanggapin mo ako
Mamahalin kita ng buong-buo
Tanggapin mo ako
Dahil ipaglalaban kita.
______________________________________
A poem written under Semira Ernistine's POV for the story, TEMPTRESS 3: Tainted
BINABASA MO ANG
My Voice Within
PoezieThis is a collection of my thoughts and of my poems (both Filipino and English) about emotions.