#مصطفي
بعد مايسمين بصتلي انا مشيت من غير مقول ولا كلمه
#الروايه..
بعد رد فعل مصطفي الكل اتاكد ان ياسمين ماسكه عليه حاجه
#ابراهيم..
روحت البيت وكنت تعبان جدا ونمت
#عابد ..
بعد كل التفاصيل دي روحنا البيت كلنا بس كان في اساله كتير بتطرح نفسها
#مني..
روحت البيت وكنت مضايقه من الي حصل بس كنت عارفه هعمل ايه
#ابراهيم
الحمدلله امبارح عدي علي خير
ببص في الموبايل بتاعي لقيت رساله من مني بتقولي قابلني انهارده الساعه واحده قدام الجامعه
#عابد ..
صحيت من النوم لقيت امي مجهزه الاكل
ياااه الحمدلله مفيش محاضره انهارده عن النوم والبوظان
انا: صباح الخير
امي: صباح النور ياحبيبي
امي: انت عامل ايه دلوقتي
انا: الحمدلله احسن كتير
انا: امال فين احمد ومني وبابا
امي: ابوك في الشغل واحمد بيلعب في الشارع ومني في الجامعه
انا: طيب ياحبيبتي انا هقوم اخد شور بقا سريع كدا عشان ورايا مشوار كدا مهم
امي: مشوار ايه انت لسه تعبان
انا: لا هو مش يتأجل
امي: ماشي افطر بقا الاول
#الروايه..
وصل ابراهيم في الميعاد وقابل مني
#مني...
اول مشوفت ابراهيم كان في اساله كتير اوي عاوزه اقولها
ابراهيم: ايه يامني في ايه قلقتيني
انا: لا مفيش حاجه انا بس عاوزه اعرف انت تعرف سالي دي منين
ابراهيم: بوصي ياستي مني دي اخت وليد صاحبي كنت بروح اذاكر عنده واتعرفت عليها بس ياستي واكتشفت انها بتحبني ومن ساعتها وانا مش بروحله
انا: اه عشان كدا لما شافتك عيطة
ابراهيم: ايوه هي دي كل الحكايه
انا: طيب ومش قلتلي قبل كدا ليه
ابراهيم: موضوع مش مستاهل
انا: طيب بس انا زعلانه بقا عشان تعرف واحده غيره
ابراهيم: ياربي ع الهبل طيب تيجي نروح الملاهي وهصالحك هنالك
انا: اه اه ماشي موافقه طبعا
#الام...
عابد خلص اكل وخرج وكان بيتكلم في الموبايل وشكله مضايق
انا مبقيتشي فاهمه في ايه
انا (بصوت عالي من الشباك): احمد ... احمد ... تعالي هنا عاوزاك
احمد: نعم ياماما
انا: بوص ياحبيبي هتروح لياسمين وتقولها تعالي كلمي ماما ماشي ياعثل
احمد: حاضر بس انا عاوز اجيب شيبسي
انا: حاضر خد اهو هات شيبسي وناديلها
احمد : حاضر رايح اهو
بعد دقايق وصلت ياسمين
انا: ازيك ياياسمين عامله ايه
ياسمين: الحمدلله ياطنط احمد قالي انك عاوزاني خير ياطنط
انا: امبارح انتي لما بصيتي لمصطفي هو خاف ومشي في ايه
ياسمين: لالالا ياطنط مش عارفه حاجه انا بس اضايقت منه عشان الي عمله مع عابد قبل كدا
انا: لا انتي زي بنتي وانا عارفه ان في حاجه قوليلي ومش تخافي مش هقول لحد خالص
ياسمين: وعد ياطنط
انا: اه طبعا ياياسمين قولي
ياسمين: بوصي ياطنط من كام يوم مصطفي وقفني وقعد يقولي كلام اهبل كدا انه بيحبني وعابد مش حاسس بيا وهو عارف اني بحب عابد وكدا
انا: اييه ... انتي بتحبي عابد فعلا
ياسمين: لا ابدا ياطنط ده مصطفي الي قعد يقول كلام اهبل كدا
ان هو مستعد يعمل اي حاجه عشاني وكدا وان عابد وحش ومستعد يعمل فيه اي حاجه عشاني
وانا قلتله اني هعرف ماما وبابا وهخليهم يتصرفوا معاك وكدا وهي خاف وقعد يقولي لا انا بحبك وكدا بس
انا: طيب ياحبيبتي لو عملك حاجه بعد كدا عرفي مامتك بسرعه
ياسمين: حاضر ياطنط
#عابد..
طلعت الموبايل وكلمت محمد
#المكالمه. .#
عابد: محمد انت جهزت ولا لا يلا عشان مستعجلين
محمد: انا جاهز اهو والله بس لسه محمود
عابد: ماشي مستنيك خف يلا
#مصطفي..
لازم اشوف حل لعابد ده مش ينفع كدا
بس انا خلاص عرفت هعمل ايه
الروايه..
بقينا 7 المغرب والاب وصل البيت والام وعابد لسه برا البيت ومني كمان
مني وصلت البيت
#الام..
انا: اهلا بست هانم الي مش بترد ع الموبايل كنتي فين يااستاذه
مني: كنت مع اصحابي والموبايل فصل شحن اعمل ايه
انا: ومش كلمتيني من موبايل اي واحده من صحباتك ليه
مني: مهو ...مهو محدش فيهم معاه رقمك ومش حفظاه
مني: انتي مالك مضايقه ليه
الاب: عابد لسه مجاش والموبايل غير متاح مش عارفين راح فين
مني: طب متشوفوا محمد ومحمود
انا: هو احنا مستنين حضرتك هما كمان برا البيت ومحدش عارف حاجه والموبايل بتاعهم بيرن ومحدش بيرد
مني: خير ان شاء الله
#مني. .
فجأه الباب خبط وسمعنا حد بيزعق وبيطلب النجده (الحقونيييي)
