#الروايه..
بعد ما الام وقعت ع الارض الدكتور طلب حب يدخل معاه عشان يتعرفوا ع الجثه
بس الام هي الي طلبت تروح معاه
#الام..
مشيت مع الدكتور وكان وشي كله احمر والدموع نازله من عنيا ومش قادره اقف علي رجلي
بس الي رعبني اكتر منظر المشرحه
مكان ضلمه بضوء خافت وفيه سراير كتير اوي فضلت ماشيه مرعوبه من المنظر بس وصلت لاخر المشرحه
الحيطه متقسمه ادراج كتير سمرا
الدكتور بصلي بصه غريبه كدا اكنه بيقولي جاهزه
وسحب درج من الادراج دي
والدكتور بيسحب طلع دخان فجأه من الدرج اتخضيت بس الدكتور قالي متخافيش مفيش حاجه
الدكتور كمل سحب الدرج طبيعي جداا
وانا كنت لسه بعيط
طلعلي في الدرج واحد نايم
ومتغطي بملايه بيضه
الجسم كان شبه جسم عابد اوي
لدرجة اني عيط اكتر قبل مشوف وشه
بس الدكتور شال الملايه من عليه
وكان منظر عمري مشوفته قبل كدا ولا هشوفه
بس الي طمني فعلا انه مش عابد ابني
قولت للدكتور بحماس وبلهفه زايده : مش ابني يادكتور ده مش ابني مش ابني
كنت عامله زي الي بيغرق ومصدق لقي طوق نجاه
الدكتور دَخل الدرج بسرعه وخرج يجري وانا وراه
الدكتور قالي اتفضلي معايا
خرجنا من المشرحه وانا عماله بتشاهد
الدكتور دخلني اوضه تانيه كان في اجهزه في كل حته
بس المريض كان ابني عابد
جريت ع السرير بتاعه وفضلت ألمس شعره واقول عابد رد عليا يابني انا هنا انا هنا ياعابد متخافش ياحبيبي انا جمبك مش هسيبك
بس الدكتور قومني
وقالي مش تقلقي ياحجه ابنك بخير الحمدلله هو عدي مرحلة الخطر
بس كان فيه غلط بس عشان الحالتين كانوا قريبين من بعض
مش عارفه انا بعيط ولا دي دموع الفرح بس الي انا عرفاه ان ابني معايا ولسه بخير
الحمدلله الحمدلله فضلت اكرر الكلمه دي ونا ماشيه بسرعه راحه للي مستنين برا
وصلت وقلتلهم بالهفه رهيبه عابد بخير عاعاعا عابد بخير والله الي الي مات ده مش عابد هههااا ايوه ابني لسه بخير
بس جمال (ابو عابد) شدني نحيته وقعد يهدي فيا ويقولي الحمدلله علي كل شئ
كل الي واقفين ظهرت علي عيونهم الفرحه من تاني
......
عدت ايام وعابد بداء يتحسن الحمدلله
خدناه معانا البيت يبقا في وسطنا
بس كان المهم دلوقتي ان جمال يروح المدرسه يعمل شهاده مرضيه لعابد وده الي حصل فعلاا
...
بعد ايام مَرِت بشكل طبيعي جداا
عابد بقا كويس او اتحسن بمعني اصح
عابد خلاص فك الخياطه الي في بطنه
الحمدلله
...
#عابد..
مصدقت اقوم من ع السرير واخرج
بس كان بيقعد معايا كل يوم محمد ومحمود واصحابي كتير اوي من المدرسه جولي البيت
وياسمين مكنتشي بتروح من عندنا غير باليل بس ع النوم
ياسمين زي اختي وهتفضل زي اختي
بس مصطفي شككني في الموضوع
انا لو اتاكدت انها بتحبني معنتش هكلمها ... هي اصلا مش ينفع تكون غير زي اختي
اكتر حاجه كانت بتضحكني هي ابتسامت اختي لما ابراهيم يجيلي البيت
بحسها بتكون مرتبكه اوي وهي بتكلمه
وخصوصاا لما خدودها تحمر فجأه
وهو لما يلف وشه عشان محدش يقفشه
بس الحمدلله اخيراا هروح المدرسه بكره
الفرحه دي محتاجه الواحد ينام علي طول فضلت افكر هعمل ايه بكره اول مهروح المدسه
ياري هقول ايه وهعمل ايه
كنت زي الاطفال الي اول يوم ليها في المدرسه بكره بتفضل تحلم بشكل المدرسه والمدرسين وكل حاجه
ياااه اخيراا هنام مرتاح
قطع تفكيري صوت رساله ع الموبايل
مسكت الموبايل بسرعه ودهشه عشان الوقت متأخر
قراءت الرساله واتغيرت ملامح وشي
شكلي مش هنام مرتاح كمان انهارده
-----------------
البارت الجاي هيحصل فيه حاجات هتغير القصه للافضل والاحلي #(الرومانسيه)❤❤
