#عابد..
بعد مرفعت ايدي للتحيه وطبعاا متوقع الرفض
لقيتها رفعت ايدها وسلمت وقالت اهلاا انا ريم وانت
عادي يعني مش اول واحده اتعرف عليها بس انا مش عارف فيا ايه وانا بكلمها ... مش عارف اجمع الكلام ومش مركز
بس طبعاا رديت وقولت وانا عابد
هي: تشرفت
انا: انا اكتر
حبيت استغل الفرصه واتكلم في اي حاجه
انا: تعرفي اني كنت تعبان الايام الي فاتت دي
هي: لا ألف سلامه الحمدلله انك بخير
بردوا مفيش اهتمام منها
انا: طب ممكن طلب بقا احنا مش بقينا اصحاب
هي: اتفضل
انا: عاوز الكشاكيل بتاعتك انقل الدروس الي فاتتني
هي: اه بس انا اول يوم ليا هنا وانت ليه مش تاخدهم من اصحابك
انا: ااا. اصل خطهم وهش ومش بفهم حاجه
هي: طيب خلاص هنقله من صحباتي واجيبهولك
انا: ايوه كدا ماشي
كنت فرحان جداا وانا بتكلم معاها مش عارف ايه السبب
بس الحمدلله وصلت مي وبوظت كل حاجه
طبعا انا اول مشوفت مي قولتلها اني همشي بقا
خلص البريك ودخلنا الفصل تاني
بس المرادي مكنتش مركز مع اصحابي وبتكلم معاهم
كنت مركز مع ريم وهي بتكلم مي ومنظرها وهي بتضحك
اول متشوفني ببصلها الف وشي بسرعه
#ريم..
غريب اوي الولد ده وتصرفاته معايا كمان غريبه
بس شكله هيبقي صديق مقرب
لالالا صديق مقرب ايه هو اخره صديق وبس
طلبت من مي الكشاكيل بتاعتها انقل الدروس
خلصت المدرسه وروحت البيت عادي جداا يوم طبيعي
كتبت كل الدروس الي فاتتني وكنت جاهزه ومستعده اني اديله الكشاكيل بكره
من كتر مكنت بظبط في الكشاكيل واتاكد اكتر من مره ان خطي حلو
واتاكد من ان الكشاكيل في الشنطه عشان مش انسي
حسيت ان في حاجه غريبه انا مش كداا
مش مهم ... ولما خلصت نمت طبعاا
#ابراهيم...
من كام يوم قابلت عم جمال في الشارع
سلم عليا عادي وسالني عن شغلي واخباري
بس اغرب سؤال قاله : واخبار الحب معاك ايه
ههه ابتسمت وقلتله لسه جاري البحث
ابتسم ابتسامه خفيفه كدا وقالي : ماشي ياعم براحتك .. جاري البحث مش مشكله
سؤاله وترني بس طريقته طمنتني
#عابد..
خلصت المدرسه وروحت البيت اكلت وخرجت مع اصحابي
قعدوا يتريقوا عليا بيقولوا اني سرحان علي طول ومش مركز
.....
يوم جديد
.....
صباح الخير ياماما
امي:صباح النور يحبيبي يلا عشان تفطر
حاضر
خلصت فطاري ورحت الدرسه ومتحمي للكشاكيل مع اني واثق اني مش هنقل الدروس
بس كفايه تسالني عليهم كل يوم واقول لسه مش خلصت
وصلت المدرسه وهربت من الطابور بس محمد ومحمود اتمسكوا
ههه انا عرفت اهرب حظي بقا
طلعت استنيتهم علي مطلعوا
وعدت الحصص عادي جداا زي كل يوم
في البريك لقيتها قاعده في نفس مكانها بس عماله تبص يمين وشمال
رحتلها وقولتلها ازيك ردها الحمدلله وانت
انا تمام الحمدلله
يارب تكوني نقلتي الدروس من صحبتك
هي: اه طبعا نقلته اتفضل
شكرااا
بقولك ايه هو احنا ممكن نبقا اصحاب
هي: اكيد طبعاا
لا مش اقصد صحاب عادين وخلاص
هي: امال تقصد ايه
اقصد اصحاب مقربين ..تحكيلي عن مشاكلك واحكيلك وكدا يعني
هي: مش عارفه بصراحه ولسه مش متعوده عليك اصلاا
ماشي خلاص
روحت البيت وكملت يومي الروتيني عادي
بس صحيت باليل علي صوت الموبايل بيرن
ده رقم غريب
فتحت الخط وانا مغمض عيني ونايم اصلاا
بس الي سمعتي كان كافي اني اقوم اتنفض من ع السرير
كان كافي اني افضل ساكت افكر فيه
------------
