#عابد
انا سمعت صوت واحده وبتقول عابد انا بحبك انا ياسمين
اعتقد الي سمعته كان كافي اوي انا اقوم من ع السرير فجأه
كان ردي ع الكلام ده هو سكوتي
هي: عابد انت مش بترد عليا ليه انا بحبك
انا: وانتي غبيه عشان انتي زي اختي
هي: لا مش زي اختك وعمري مهكون زيها
انا: ياسمين حاولي تفهمي انا كل علاقتي بيكي كانت انك صديقه مش اكتر
وبعدين احنا لسه صغيرين اوي للكلام ده
هي: الحب ملوش سن
انا: انتي ايه الي عرفك كل الكلام ده
بوصي انتي مش هتبقي اكتر من صديقه وانا بحترمك زي اختي واسف
اعتقد انها اتصدمت من ردي بس اعمل ايه
اليوم ده انا كنت متوقعه من زمان ومكنتش عارف هواجهه ازاى
#ياسمين...
كنت فكراه هيحس بيا بس اعمل ايه بس دلوقتي
حسيت ان الدنيا ضاقت عليا اوي وحاسه اني مش عارفه اعمل حاجه
الحل الوحيد اني اكلم منى بكره واحكيلها وهي هتساعدني خصوصا انها بتحب زي
#عابد
قعدت افكر في الي حصل كتير بس نمت في نص تفكيري
.........
يوم جديد
.........
#عابد..
صحيت من نومي وكان بداية يوم ممل طبعا خصوصا ان مزاجي مش حلو
خرجت من غير مفطر وعديت علي محمد ومحمود والحمدلله صاحين المرادي
وصلت المدرسه وكنت شارد جداا
بس اول مشوفت ريم داخله اتغير مزاجي تماما
مش عارف في ايه في البت دي
الحصه الاولي بداءت وانا مش مركز في حاجه اصلاا
وكل الحصص عدت كدا بردوا
اول اربع حصص خلصوا وجه البريك
فضلت واقف مع اصحابي من غير متعمل حاجه
ريم كانت قاعده وعمالي تبص عليا شكلها عاوزه تقولي حاجه
روحتلها وقلتلها ازيك عامله ايه
الحوار عادي جداا ولفيت وشي وبداءت امشي
مسكتني من ايدي وبتقولي هو ..ااا
ومكنتشي عارفه تجمع كلامها
قولتلها في ايه قولي قالتلي مفيش هو انت خلصت الكشاكيل
اكيد مش ده السؤال الي كانت عاوزه تساله بس غيرته ورجعت في كلامها
قولتلها لا لسه والله هخلصهم واجيبهم
قالتلي طيب ممكن سؤال
قلتلها اتفضلي
هي: هو ايه الي حصل
انا: ايه الي حصل مفيش حاجه
هي: لا في حاجه مضيقاك
انا: ايه ده وانتي يهمك امري ولا ايه
هي: انت مش قولت نبقا اصدقاء
انا: ده انا اتمني ده
هي: طب احكيلي الي حصل بقا
حكيتلها كل الي حصل بس بعد اصرار كبير منها انها تعرف
الي ريحني اكتر اني قولتها انها فيها حاجه غريبه بحسها اول مبشوفها
ههه ردها كان احلي من كلامي
هي كمان طلت بتحس نحيتي نفس الاحساس
معرفتش تنصحني بحاجه بس كل الي قالته انها هتنسيني الي حصل وتغير مزاجي ( بحكم ان احنا اصدقاء يعني)
قولتلها ازاى
قالتلي فاضي انهارده بعد المدرسه
ليه
قالتلي هنخرج شويه ولا في مشكله
قلتلها لا طبعا مش ورايا حاجه ولو ورايا افضيلك نفسي
ضحكت ضحكه نستني انا فين وانا مين
قولتلها يلا بقا البريك خلص
دخلت الفصل وقاعد مع اصحابي ورا
محمد ومحمود بيقولولي ياعم لو هي بتعرف تغيرلك مزاجك نجيبهالك كل يوم
قعدوا يهزر ( شكل الحفله هتتعمل عليا انهارده)
بعد المدرسه قولتلهم اني خارج ولوحدي
يارب ريم مش تجيب مي معاها انهارده
ههه فعلا هي جايه لوحدها
وصلت وقالتلي جاهز
قلتلها طبعاا جاهز
قالتلي طب كلم اهلك في البيت بقا واقفل التليفون
فعلاا عملت كدا وهي كمان عملت كدا
ماشين في الشارع وفضلنا نتكلم ونضحك وكل واحد يحكي للتاني اي حاجه
مش مهم ايه الكلام المهم انه بيتقال معاها
كان في ميا ع الطريق وعربيه جت فجأه والميا كانت هتغرقنا
ههه احلي حاجه ان ريم اتخضت واترمت علياا
هههه ده احلي موقف حصلي في حياتي خصوصا لما جت عينيها في عيني
واتكسفت ونضفت هدومها
انا فضلت مبتسم للي حصل
بس كمانا طريقنا روحنا كلنا ايس كريم ورحنا الملاهي طبعاا (هي الي طلبت)
وبقينا الساعه 8 بليل
وصلتها البيت
وروحت انا اول مدخلت الشارع لقيت الناس كلها بتجري
جريت وفجأه وقفت مكاني
فضلت واقف مكاني مش عارف اتحرك
-----------
