FLAT NA PORMA

Ang Natatanging "Forever" Sa Pinas

Maraming Pilipino ang nagtatanong kung may FOREVER nga ba?

Dahil kay Enrique at Liza, marami ang umaasa

Na sana magkaroon ng katuparan ang kanilang pinakita

Para naman hindi kawawa ang mga bata

Na produkto ng dalawang magkasintahang nadisgrasya

Hindi sa kalsada, kundi sa kama.

Kung FOREVER lang ang hahanapin

Mapalad ang Pilipino at meron sila nito

Sa bansang kanilang sinilangan

At sa lupang kanilang tinitirhan

Na di kalaunan

Kanilang magiging libingan

FOREVER ba ang tanong nyo?

Sa pulitika meron nito

Forever na bangayan ng mga senado

Forever na pagtulog ng mga kongresista sa sesyon

At forever na korupsyon na walang solusyon

Ilang buwan na lang mula ngayon bago ang eleksyon

Mga probinsyano ay nagtatanong

Bakit laganap ang road construction?

Sa mga distrito ng mga probinsya

Na pinamamahalaan ng mga kongresista

Mga Pilipino ay nagtataka

Bakit hindi pa ito ginawa

Nung unang taon ng pag-upo nila

At ngayon pa talagang malapit na ang halalan

Magiging talamak ang paggawa nila ng kanilang proyekto

Mga mamamayan tuloy nalilito

Ano nga ba talaga ang misyon ninyo

Mapaunlad ang kalsada?

Oh para meron lang kayong maibulsa?

Para may pondo kayo sa pangangampanya

Huwag kayong mag-alala

Pilipino ay hindi manhid

Basta may isandaan sa balota na nakaipit

All we can do is "keep quiet."

Mga tao na may balak kumandidato sa pagkapangulo

Sa telebisyon ay maagang nagpapabango

May nagpapakita na ang mga tao ay gusto silang tumakbo

Dahil syempre yan ang mabisang panloloko

Eh sino naman ang hindi ma-eenganyo

Sa mga mabubulaklaking katagang binibitawan ninyo

At sa ganda ng plataporma na pinapangako nyo

Na di kalaunan

Makahakot lang ng kabang inaasam

Inyo nang kinakalimutan

Ang kapakanan ng mamamayan

Ano nga ba ang inyong tunay na hangarin?

Makatulong ba sa mga tao ng Pilipins?

O patikman lang sila ng ginhawang katiting?

Na hanggang ngayon

Ang taumbayan na umaasa pa rin

Dahil sa Pilipins ang korupsyon ay FOREVER

Mga Pilipino ay POOR-ever

Sapat ba ang disiplin na sinasabi ni Ping?

Upang kaunlaran ay maranasan din?

O kailangan pa ang kaibuturan ng dagat ay sisirin

Para lang matunghayan

Ang tunay na Perlas ng Silanganan?