صحيت الصبح بدري
هو مش بدري اوي يعني تقريبا 1ونص الضهر
"يلا يا ميرو الحقي البسي اتأخرتي علي المدرسه" دي ماما بتنده عادي
اعرفكو بيا بقي ،انا "مريم كريستوفر واين"
اسم غريب انا عارفه بس ما يغركوش الاسم *انا ابن بلد ومدقدق*
عندي ١٨ سنه ،ودي اخر سنه ليا في المدرسه وبعدين هروح الجامعه
مش قادرة اصدق نفسي يا لمبي انا هبقي في الجامعه كمان سنه ،
انا عايشه في مصر مع امي واخواتي الاتنين
جو وريتشارد طبعا هتستغربوا انهم عايشين في مصر بالأسامي ديه بس هما اتعودوا خلاص.
السر ورا الموضوع ،ان بابا اصلا بريطاني ولما نزل مصر حب ماما واتجوزها وقالها انا هسمي الولاد ولو جبنا بنت انتي تسميها وهي كلمه ومش هتنّيها ،ف ماما قالتله علي راحتك يا ابو العيال.
،بابا مسافر لندن وبييجي 3 شهور في السنه
حلم حياتي ابقي زيه ،اسافر واشتغل برة والاقي فتي احلامي ، اوصفلكوا شكلي ولا بلاش
هوصفلكو اصل انا رخمه
انا مش طويله ومش قصيرة، مش تخينه ومش رفيعه (مش طيبة ولا شريرة ههه) ، شعري اسود قصير
طبعا من وصف شكلي مستحيل اكون طالعه لبابا
بس في الحقيقه انا ملامحي كلها اجنبيه
اللي خلاني اتأكدت من كده ،ان انا اول مرة رحت للكوافير قالتلي "دو يو سبيك انجلش؟ " ف ساعتها حسيت انا اد ايه شكلي اجنبي
اه اخواتي بقي شبه بابا بالظبط يعني اجانب اجانب "جو" اصغر مني بسنتين
ريتشارد اصغر بسنه
ندخل بقي علي المهم*
"ميرو، المدرسه يا حبي" ماما لسه بتنادي ،الست دي مبتفقدش الامل في اني اصحي، زي بقيه الامهات.
بس ثانيه كده، دي بتقولي يا حبي
شكلهامبسوطه النهاردة ،بس ليه؟
هو النهاردة ايه! النهاردة ايه؟
عيد الام مثلا؟ عيد ميلادها؟ عيد الحب؟ طب عيد العمال طيب؟ لأ برضه
امال ايه؟
"حاضر يا ماما انا جايه"
نزلت تحت ،ماما قاعده قدام اللاب توب وبتضحك بخجل وبتكلم حد تقريبا ف وقفت وراها
"مريومه حبيبتي ازيك"
"يا حاااااااااااج ،ازيك يا حج وحشتني اوي"
ابويا بقي عالِم و عايش بره وبينزل اجازات، ماما بتقول ان شغله بيفرض عليه كده، مع اني مش مقتنعه يعني..
" وانتي اكتر يا حبيبتي"
"معلش أبابا انا همشي الوقتي عشان عندي مدرسه"
لقيت جو قاعد علي السفرة وبيفطر ف عديت من قدامه رايحه المطبخ
"ميرو حبيبتي ،اختي الوحيدة والفريدة والأكيدة وال.."
"عايز ايه ياض انجز؟"
"معاكي حق نتكلم في المفيد، انا كنت متفق مع اصحابي هنروح دريم بارك ،بس امك قالت لو جبت درجات حلوة ، وانا بصراحه يعني،
اقصد اقول يعني ان انا..."
"متنطق يلا!"
"حاضر حاضر ،انا بصراحه كده شلت مادتين"
"يا فرحه امك بيك، وانا ايه المطلوب مني،؟"
أنت تقرأ
Who Let You In?
Fanfiction"عارفه لو كانت حياتي قصاد حياتك هختار مين؟" "مين؟" "هختار نفسي طبعا ايه الهبل ده" ................................................................................ "وانتي حبيتيه بجد وقتها؟" "اه..حبيته لأني كنت حاسه انه الشخص الصح..الحد اللي هيعوضني...
