Who Let You In?

تترجع فيا...تبكي عليا

لقوا زين متجبس في كل حته في جسمه، هاله جريت عليه واحنا كلنا استغربنا.

هاله:"زين، زين انت كويس؟"

زين:"اااااااه"

هاله:"يا عيني يا زين، انت بتقول ايه؟، بتقول ان انت لو مت هتديني اللاب توب بتاعك والموبايل؟ مش قادره اصدق، انت حنين اوي يا زين، فعلاً، الخال والد"

زين:"ل.....ا......ل....ا "

هاله :"خلاص يا زين متحاولش تتكلم، انا بنفسي هفضل جمبك لحد ما تموت وبعدين انفذ وصيتك، انت كنت بتقول هتسيبلي كل حاجتك صح؟ يا حبيبي يا زين، طول عمري وانا معتبراك اخويا الكبير"

زين:"ها....ري، الح....قني"

هاري:"ايه يا ميرو ما تلمي صحبتك، ديه عايزة تورث الواد بالحيا"

ميرو:"مليش دعوة يخويا اتصرف انت"

هاري:"استهدي بالله يا هاله، احنا مش عايزين الواد يموت من الحسرة، وبعدين احنا لسه مقابلينك النهاردة"

هاله:"مليش فيه، هو قال هيديني حاجته وخلاص ووعد الحر دين عليه، مش كده يا زين؟"
بتقولها وهي بتدوس علي رجل زين المتجبسه.

زين:"ااااااااااه"

هاله:"شفت بقي"

هاري:" طب يلا نروح نتغدي في اي حته و نسيب الواد يرتاح"

هاله:"اه تصدق صح، ده انا علي لحم بطني من الصبح، مع السلامه يا زينهم، هنتكلم تاني لما اخلص اكل، عندنا إجراءات قانونية كتير عشان تكتب لي البيت بإسمي"

ليام:"ها، هنروح فين بقي؟"

لوي:"انا بفكر نروح عند زيزو نتانه"

نايل:"الله يقرفك "

هاري:"انا هوديكوا مكان علي زوقي"

راح هاري عند السواق وهمس له بحاجه واحنا مسمعناش.

فضلنا كتيير في الطريق بس محسناش بالوقت لأن نايل كان عمال يقول نكت

رحنا المطعم وقعدنا ناكل وطول القعده نايل بيكلم هاله وهاري باصص عليا وليام ولوي قعدين يبصوا لهاري ويضحكوا لحد ما

لوي:"ايه يا هاري؟ انت اكلتها بعنيك"

انا وشي بقي احمر من الطماطم، ونايل قعد يضحك.....

هاري:"انا..اسف"

ميرو:"لا عادي ولا يهمك، انا هقوم اغسل ايدي"

هاله:"انا جايه معاكي استني"

*هاري*

بعد ما مشيوا لقيت العيال بيبصولي
هاري:"ايه؟ في ايه؟"

لوي:"انت هتستعبط؟ انت عارف فيه ايه كويس"

ليام:"هاري ا..."

هاري :"انا عارف، متقلقوش مفيش حاجه"