لوسي:"نعم يختي؟؟؟؟!" هي حرفيا صوتت فيا و البيت اتهز من صوتها...
انا:"م..م..مش انتي اللي قولتي..."
لوسي:"هتجنن يا ربي هتجنن...الخطه كلها ماشية تمام وربنا يسرها وملقتيش الحارس..مش تهربي بقي لأ الهانم اعتبرت الخطه فشلت ورجعالي،زي خيبتها بتعيط "
انا:"طب براحه طيب..مش انتي قولتي الحارس هيسألني وبعدين يعديني؟؟..يعني بعد كل اللي انا حفظته ده اعدي كده بالساهل؟!..انا مقبلهاش علي نفسي انا عندي مبادئ"قلتها وانا رافعه راسي بشموخ وفجأه لقيت لوسي وشها بيحمر كأنها هتنفجر...
لوسي:"سيبوني عليهاااااااا..هموتهاااااا" وجت تجري عليا...وانا مش مستغنيه عن عمري النهاردة ف..
انا:"يلهوتيييييي..الحقوووني..البت اتهبلت...اهدي يا منااااااااار" كنت بجري منها ف الاوضه زي المجنونة وهي مش راضيه تهدي...
لوسي:"مش ههدي يا عاطف الا لما اموتك" قالتها وعنيها بتطلع شرار...يا بنت المجنونة...دي شكلها ناوية تقتلني بجد....
دخلت الحمام وقفلت بالترباس وهي بتخبط كأنها هتكسر الباب...
و بعدين قالت بأكتر نبرة حنينه ولطيفه ممكن حد يسمعها ف حياته:"افتحي يا ميرو ده انا صاحبتك...افتحي يا جميله انا مش هعملك حاجه.. " وفجأه صوتها اتحول زي افلام الرعب ....
"انا بس هكسر عضمك واقطعك حتت وارميكي لكلاب السكك..وهاخد قلبك اشويه عشان استمتع بانتقامي..نياهاااااهاهاها"
انا:"ابوس ايدك لأ..انا مش عايزة اموووووت..مش عايزة اموووووووووت.........ايه الاوفر ده؟..كل ده عشان خطه باظت؟!"
لوسي:"اه صح..ايه الاوفر ده؟..هو انا متضايقه ليه كده ؟! "
في نفس الوقت ده كان في حد واقف علي الباب بيسمع كل حاجه ودخل عليهم الاوضه...
الشخص:"انا سمعت كل حاجه..."
لوسي تنحت وميرو خرجت من الحمام وهي مصدومة..بصو لبعض بخوف...وبعدين...
لوسي:"ااااا...ستيف؟؟؟؟"
ستيف:"هتشرحوا كل حاجه بالتفصيل ولا اروح اقول لأنطوانيت؟"
ميرو:"سؤال بس يا اخ ستيف..انت مش بتقول عليها ماما ليه؟"
ستيف:"عشان هي مش امي"
ميرو ولوسي شهقوا ف نفس اللحظه وقالوا:"مش مامتك؟؟؟؟؟!" انا بجد مصدومة..بس لوسي ضحكت..
لوسي:"بهزر..انا عارفه اصلا من زمان بس حبيت اتفاجئ تاني "
ستيف بصلها وضحك وبعدين رجع بصته الرخمه تاني وهو بيقول:"ها؟..اشرحوا بقي اللي بتعملوه ده"
لوسي:"ستيف ارجوك خليك بره الموضوع ومتجيبش سيرة لأنطوانيت"
ستيف:"ده يعتمد علي اللي هتقولوه"
أنت تقرأ
Who Let You In?
Fanfic"عارفه لو كانت حياتي قصاد حياتك هختار مين؟" "مين؟" "هختار نفسي طبعا ايه الهبل ده" ................................................................................ "وانتي حبيتيه بجد وقتها؟" "اه..حبيته لأني كنت حاسه انه الشخص الصح..الحد اللي هيعوضني...
