هاري دخل عليهم و باين عليه انه كان بيعيط.
لوي:"هاري انت كويس؟"
هاري:"كويس، تصبحوا علي خير انا هنام"
طلع ينام واحنا كمان طلعنا ننام
*ميرو*
صحيت الصبح الساعه 6 علي صوت حاجه بتقع و بتتكسر...
نزلت تحت ودخلت المطبخ لقيت هاري بيلم الازاز من الارض وليو قاعد علي الكرسي بيحرك رجليه...
ميرو:"هاري؟"
هاري اتخض ونط من مكانه وحته ازاز دخلت في ايده
هاري:"اه" مسك ايده بألم
جريت عليه ومسكت ايده (استغفرالله، انا مش بعمل كده لكل الناس لعلمك😏❤️💃)
ميرو:"فين علبه الاسعافات؟"
هاري:"في الحمام اللي هناك ده" شاور علي الحمام
جريت بسرعه وجبتها، ومسكت ايده وكانت دافيه اوي.
شلت الازاز من ايده وعقمت الجرح *دكتورة من يومي* وكله تمام.
ميرو:"انت كويس دلوقتي؟"
هاري:"اه، شكرا" بيقولها وهو باصص بعيد مش عايز يبصلي، هو انا زعلته في حاجه؟
ميرو:"هو ايه اللي حصل؟"
هاري:"ولا حاجه، كنت بس بعمل السندويتشات لليو وبجيب الزمزميه بتاعته ف وقعت كوبايه"
ميرو:"هو ليو هيروح فين؟" *سؤال غبي جدا*
هاري:"عنده مدرسه"
ميرو:"طب، عايز مساعده ؟"
هاري:"يا ريت، اصل انا اول مرة اعمل كده، علطول ماما وجيما هما اللي بيودوه المدرسه، بس لو مشغولة أو هتعبك خلاص"
ميرو:"لأ عادي يعني، انا مش بعمل حاجه دلوقتي اصلا....
طب يلا، تعالي يا ليو عشان نلبس"
مرضيش ييجي، وفضل باصص في الارض.
هاري:"انا فعلا اسف، اصل ليو مش بيتعامل مع الناس كتير"
ميرو:"لأ ولا يهمك"
(انا هعرف اتعامل مع الاشكال دي كويس😈)
"ليو، يلا عشان نلبس"
ليو:"مش عايز اروح" كتف ايده وكشر وشه
ميرو:"لو مجتش معايا مش هتشوف المفاجأه اللي انا عاملاهالك"
ليو:"انتي كذابه"
هاري:"ليو" كان لسه هيزعقله بس انا شاورتله (مسيطرة😎)
ميرو:"طيب، لو مش عايز براحتك، انا مكنتش عاملهالك انت اصلا، انا كنت هاخد عمو لوي معايا، هروح اصحيه بقي"
قمت ومشيت لحد باب المطبخ....
ليو:"استني"
*هاهاها، خطتي نجحت*
لفيت وبصيتله بكل برود
أنت تقرأ
Who Let You In?
Fiksi Penggemar"عارفه لو كانت حياتي قصاد حياتك هختار مين؟" "مين؟" "هختار نفسي طبعا ايه الهبل ده" ................................................................................ "وانتي حبيتيه بجد وقتها؟" "اه..حبيته لأني كنت حاسه انه الشخص الصح..الحد اللي هيعوضني...
