Who Let You In?

ابويا الله يخربيتك عملت اييييه؟

*ميرو*
سمعنا صوت
" فيه حد هنا؟"

انا وهاله
"الحقوووونا ........احنا مخطوفين الحقوووووونا"
قعدنا نصوت علشان سمعنا الصوت وقلنا اكيد حد جاي ينقذنا.، بس للأسف.

"معلش يا انسه وطي صوتك شويه، طرشتيني."
ولقينا صوت تاني.

"ايوة فعلا يا ريت توطي صوتك.. احنا مش في باريس احنا في الاوضه اللي جمبيكوا"

هاله:"ايه ده ......يعني انتو مش هتنقذونا؟"

"ننقذ مين حضرتك ؟ احنا بندور علي حد ينقذنا"

ميرو:"يعني انتو مخطوفين زيينا؟"

"بغض النظر عن كلمه زيينا، أه احنا مخطوفين "

هاله:"يلهوتييييييييي طلعوا مخطوفين زيينا، هنعمل ايه دلوقتي؟ هنموت ولا ايه؟..يعني يا رب يوم ما نسمع صوت ونقول فُرجت يا رب، حد هينقذنا يطلع الحد ده مخطوف هو كمان؟ ده إحنا لو في فيلم كرتون مش هيحصل كده"

ميرو:"اسكتي يا حبيبتي اسكتي، اسكتي وخلينا نشوف حل للي احنا فيه"

هاله:"اه صحيح " وعلت صوتها" هو انتو كام واحد في الاوضه؟"
محدش رد عليها
هاله:"يا كااااااااابتن"

"انتي بتكلمينا احنا؟"

هاله:"لأ بكلم ولاد خالتي، انت عبيط ياض هو في حد غيركوا معانا؟"

"معلش يا انسه مأخدتش بالي، احنا اممم ..5 "

ميرو:"5 و معرفتوش تهربوا من العصابه؟
أو تخرجوا من الاوضة حتي ؟"

هاله:"ده مفيش غير جون ودوايت واتنين كمان بس ، ازاي معرفتوش تهربوا منهم؟"

"انتي فاكرة ان هي ديه العصابه بس؟ ده احنا الناس اللي هجموا علينا عشان يخطفونا كانوا علي الاقل عشرين"

ميرو:"ياااااه، ده جون طلع خطير بجد، طب هو خطفكوا ليه اصلا؟"

"بصي يا ستي، كان يا مكان ك...."

هاله:"لأ بقولك ايه يا شهرزاد إحنا بننام بدري، مش وقته كان يا مكان دلوقتي "

"حاضر حاضر براحه شويه، انتي متأكده انك بنت بصوتك ده؟"

هاله:"ايوة بنت يا حبيبي، مش عاجبك ولا ايه؟"

"انا مقلتش حاجه بس يعني طريقتك......"

ميرو وهي بتزعق:"انتو هتقعدو تتخانقوا كتير؟ انت ياض، احكي حكايتك واخلص....."

"بصي يا ستي....احنا 5 مشهورين في عالم الفن ف الموديست بتوعنا قرروا ان هما يدبروا لخطفنا عشان نعمل ضجه ونتصدر الاخبار ونتشهر اكتر، ف اتفقوا مع جون ان هو يخطفنا ويخفينا في مكان لفترة معينه وبعدين نظهر تاني ف نتصدر الاخبار و كده، بس للأسف جون طمع وقرر انو ميرجعناش الا لما يدوه فلوس، ف عشان كده احنا ملطوعين هنا بقالنا امممم حوالي اسبوع"