Who Let You In?

☆جعلتني مجرما☆

*مريم*
عدي اسبوعين علي الحفله والنهاردة اخر يوم امتحانات
امتحان فيزيا ،طبعا كان امتحان زي الزفت ،
ولما خرجت من الامتحان لقيت هاله خارجه من اللجنه اللي جنبي بتحسبن علي المدرسين بتوع اللجنه عشان مخلوش حد يغش.

ميرو:"هدي نفسك يختي متعمليش في نفسك كده"

هاله:"اسكتي يا اوختي اللجنه كانت زي الزفت ،هسقط ياناس يا محمد قول لأبوك هاله هتسقط ،يا ست يا أمو نياظي صحي نياظي وقوليله هاله هتسقط "

ميرو:"متبقيش متشائمه كده خوفتيني ،انا حاسه ان انا كمان هسقط"

هاله:"طب يلا بقي نخرج نتفسح يمكن ننسي"

وفعلا خرجنا نتفسح ورحنا دريم بارك وركبنا معظم الالعاب
ولما ركبنا الديسكافري هاله قعدت تصوت وتقول يالهوي نزلني يابن ال****.

وبعدين بعد ما روّحنا ، لقيت ماما واقفه في الصاله مستنياني ،مع ان مش من عوايدها تستناني يعني .

ميرو:"ازيك يا ماما " قلتها بقلق كده ،كأني بقول لها "هو فيه حاجه ؟"

ماما:"وانتي كمان يا حبيبتي ، المدرسه اتصلت وبيقولوا انك هتسافري بكره"

ميرو:"ايه ده؟ بكرة؟! انا افتكرت هيسيبونا شويه بعد الامتحانات مش علطول كده"'

ماما:"هتوحشيني اوي "وبدأت تعيط "انا مش عارفه ليه قلبي مش مرتاح للسفريه ديه"

ميرو:"متقلقيش يا ماما هيحصل ايه يعني"
في الحقيقة انا كمان قلبي مش مرتاح...

*عند هاله*
هاله:"سلاموعليكوو ،الغدا ايه النهاردة؟"

ماما(ديه مامة هاله) :"محشي يا حبيبتي"

هاله:"ايوة بقي يا ماما يا جامده"

ماما:"هاله، المدرسه اتصلت وبيقولو هتسافري بكرة"

هاله:" بجد؟ طب الحق اجهز حاجتي بقي"

تاني يوم نزلوا هما الاتنين وركبوا الباص اللي هيوديهم المطار.،وهما في الباص.

هاله:"ياااه اخيرا يا اعتمااااد هنسافر"

مريم:"، بذمتك ده منظر واحده تسافر لندن!"

هاله:"بقولك ايه ،معاكي سندويتشات ايه؟"

مريم:"سندويتشات؟"

هاله:"معلش يا اوختي من التوتر بس، اصل انا لما بتوتر باكل"

مريم:"ولما بتكتأبي بتاكلي ولما بتفرحي بتاكلي ولما بتعطشي بتاكلي، قوليلي حاله واحده مبتاكليش فيها"

هاله:"لما بكون نايمه مباكلش، لا استني، تقريبا باكل رز مع الملايكه"

ميرو:"بت انتي مش ملاحظه حاجه؟"

هاله:" لأ ،ايه؟"

ميرو:"مها مجتش معانا"

الميس اللي بتراقبهم و سامعه كلامهم:" مها تعبانه و مش هتقدر تسافر معاكو اهلها اتصلو امبارح و اعتذرو"