Who Let You In?

انطوانيت مين ده احنا من عابدين

ميرو اغمي عليها فراحو بيها علي المستشفي بسرعة ودخلت اوضه العمليات.

كلهم قاعدين بره مستنيين لحد ما الدكتور خرج...

لوي:"ها يا دكتور؟"

الدكتور:"طبعا انتو مستنيين دلوقتي تعرفوا هي كويسة ولا لأ، ودي الحاجه اللي مفيش غيري يعرفها..."

زين مسك الدكتور من البالطو وزقه علي الحيطة....

زين:"انت بتستهبل يا روح امك؟ لو مقلتش البت مالها قسما بعزة جلاله الله وانا مسلم يعني هنفذ حلفاني، لأكون مشرحك ف ام المستشفي دي دلوقتي ومش هيلاقوا فيك حتة سليمة"

الدكتور:"اهدي بس يا كابتن هقول اهو والله، الانسه فقدت دم كتير من النزيف اللي حصل لها، هي الحمدلله كويسة دلوقتي بس مش هتخرج من المستشفي الا بعد اسبوع علي الاقل، محتاجه محاليل وعناية طبيه متكامله، عشان كده تقدروا تروحوا انتو واحنا هنقوم باللاز....."
(في الطب معنديش يما ارحميني)

هاله:"بس يا دكتور مفيش الكلام ده"

دكتور:"نعم حضرتك؟"

هاله:"معندناش بنات تبات ف مستشفيات"

دكتور:"بقول لحضرتك هي نزفت جامد ومحتاجه عنايه طبية "

نايل :"خلاص اشطه هنجيب ممرضه تعتني بيها ف البيت"

دكتور:"خطر جدا علي صحتها دلوقتي انها تتنقل كتير، علي الاقل تبات النهاردة ف المستشفي، ولو عايزين ممكن حد يبات معاها"

هاله و هاري ف نفس واحد:" انا "

هاله عملت كأنها بتنضف ودانها وكأنها مسمعتش هاري كويس

هاله:"بتقول ايه يا روح طنط مسمعتش؟"

هاري:" انا ا..اقصد يعني عشان...اممم..عشان انتو الاتنين بنات ومينفعش نسيبكوا تباتو بره البيت لوحدكوا ف عشان كده انتي هتروحي وانا هقعد معاها علي الاقل راجل يحميها لو اي حاجه حصلت يعني لا قدر الله"

نايل عايز يضحك وكاتم ضحكته بصعوبة، لكن اول لما هاري بص له انفجر..

هاري:"بتضحك علي ايه؟" وهو بيبصله بصه تهديد ووعيد..

نايل:"لا ابدا، افتكرت حاجه بس"

هاري:"طب لم نفسك عشان متتعورش ها؟"
قالها ف ودانه عشان محدش يسمع وكان شادد ياقه نايل ف ايده.

نايل:"خلاص خلاص اسف، ابعد بقي انا هموت كده"

هاله:"بص يا هاري من غير اساءة ادب، انا مش هسيب اختي لا مؤاخذة مع راجل غريب يبات معاها، ف خدها من قاصرها واتكل علي الله يلا"

الدكتور:" ايوه صح يا استاذ هاري، روح انت وسيب المزز هنا...قصدي الآنسات "

نايل وشه احمر وراح علي ودن هاري بيهمس له
نايل :"انا مش مطمن"