Walang Perpekto
Ang mundo'y puno ng pang-aakit.
Ngunit lahat ay ipinagkait.
Mga tao'y inggit abot langit.
Walang ginawa kundi manglait.
Ang mundo'y puno ng pagkalito.
Ngunit ang daan nama'y deretso.
Minsa'y malayo'y nararating mo.
Malapit ay kinaligawan mo.
Hindi ba't dito'y walang perpekto?
Bakit mata nila'y pang-perpekto?
Mga matang nakamasid sayo.
Susuriin ka hanggang sa dulo.
