Sa isang magulong labanan
Pilit akong lumalaban
Ipinaglalaban ang pangarap na kapayapaan
At tigilan na sana ang malaking kahibangan
Sa bawat panaghoy ng kahirapan
Sa bawat hagulhol ng mga luhaan
Alam kong hindi ito ang magiging katapusan
Dahil mayroon pa ding magandang kinabukasan
Nakipaglaban sa mga dayuhan
Ibinuwis ang munting buhay para sa karamihan
Bumagsak man itong aking katawan
Naniniwala akong babangon din ang kapayapaan
Sa huling hininga ng aking katawan
Inihihingi ko nang tawad ang lahat ng makasalanan
At sana'y ang kanilang puso't isipan ay mabuksan
Na ang karahasan ay hindi ang s'yang kasagutan
Ang alaala ko ay hindi malilimutan
Dahil sa puso ng mga taong aking naiwan
Ang bagay na aking buong pusong ipinaglaban
Ay patuloy na mabubuhay magpakailan man
