nagmula ako sa pamilyang mahirap
sa pamilyang pera ang hinahanap
dito kung saan isang kahid isang tuka
at kung magiging tamad ay mababatukan ka
wala kang karapatang magsalita
kung wala kang perang maipapakita
wala kang karapatang magbigay opinyon
kung wala kang narating sa nakalipas na panahon
ang mundo ay umiikot nalamang sa iisang bagay
ito ay ang pera, kung saan marami ang nagawang makapatay
dahil dito maraming lumuha at nangulila
marami rin ang iniwan at namuhay nang mag-isa
pero sa kabila ng lahat ng negatibong bagay
masasabi kong dahil din dito marami ang nabuhay
sa bawat pisong iyong ibinigay na donasyon
isang puso ang napuno ng masayang emosyon
marahil sa mata ng iba ang pera ay ugat ng kasamaan
pero sa isip ng iilan ito naman ang susi sa kabutihan
nasa atin ang desisyon sa bawat bagay na ating gagawin
kaya sa'tin din nakasalalay ang destinasyon ng bawat pisong iipunin.