همسات حائره ..

أخاف من الحب ...ولكنني أحببت ..!! (5)

حقا إني كنت معجب بها ..وكانت مثل صديقه فاضله علي قلبي ..ولكن حدث شئ منها .....!

في يوم من الأيام حضرت متأخر عن المحاضرات ..وقالوا لي بعض أصدقائي انها إفتعلت مشاجره مع إحدي صديقتها المقربات وتخاصما ....وقالو لي أن السبب هو أن صديقتنا أعطت رقم تليفونها الي صديق لها ..لكي يطمئن عليها لانها لم تأتي من يومين الي المحاضرات كانت مريضه .....مع العلم أنه ليس صديقي أنا... بل صديق لها وصديقتها فقط ..

كان سبب الاختلاف بينهم واضح لانها لا تريد ان تعطي رقمها لاي شخص ...بعد أن إتصل بها لكي يطمئن عليها ....وكانت المحادثه عبر التليفون ...
جرس تليفونها يرن برقم غريب ..قررت أن تحيب عليه .قالت .....ألو.. ألو ..!!
قال...الو ..اخبارك اييييه ..عامله ايييه النهارده ..؟
عقدت حاجبيها عن سماع صوت شخص ..!!
قالت ...مين معايا ..؟!!
قال ..أنا فلان ..صديقك في الجامعه ..
قالت ....ااااه ..أهلا ..أنا كويسه الحمد لله ...
وسألته إنت جبت رقمي إزاااي ...؟!
قال ....من .. (فلانه ).....!!
قالت .. اوك ...شكرا علي سؤالك ...باي باي
قال ... العفو ...باي باي
.................
طبعا قامت بمعاتبه صديقتها علي تلك التصرف ..وكيف فعلت هذا وأعطت الرقم له ...
وقالت لها بإنفعال ...إنتي إزاي تعملي كده وتديه الرقم بتاعي مش كنتي تقولي ليا الاول ..!!!
قالت صديقتها ...هوا اللي طلب ده بعد ما عرف إنك مريضه ...وأنا إديته الرقم يطمن عليكي ..!
نظرت لها بغضب شديد بعض أن ضربت إحدي رجليها بالأرض ..وضربت كف علي كف ..!!
وقالت ...يا سلااااااام ..اوك ..ماشي
......
هذا ما حدث علي لسان أصدقائي ...
طبعا كانت الاجواء متوتره وبدايه اليوم لا تبشر بالخير
ولكنه مر كباقي الايام ..
حاولت ان اتدخل في حل المشكله ...ولكنهم لم يعطوا فرصه لأحد ...

إتفقنا انا واصدقائي بإعطائهم يوم او يومين يرتاحوا منها ..وبعد ذلك نتدخل لحلها ....
مع العلم أني لم أحصل علي رقم تليفونها ..ولا حاولت احصل عليه ...كلامي كله معاها كان في الجامعه فقط
ولكن بعد ذلك حصلت عليه شخصيا منها ...
كنت أنظر لها نظره إعجاب نظره إحترام ..وجدت بها أشياء كثيره ...ولكن كعادتي لم تسلم من إختباراتي العجيبه والمعقده ...
مع مرور الايام القليله وإنتهاء الأمتحانات السنه الاولي في الجامعه ...
كانت تزيد نظره إعجابي بها كل يوم أكثر من الثاني..
كنت أمشي معها وأتكلم اكثر ...الي أن وضعنا بيننا الثقه والاحترام ...

كنت أكلمها نهارا وليلا ...نعيد يومنا الدراسي كل ليل نحكي ما حدث فيه من ضحكات من مواقف جميله بيننا وبين أصدقائنا ...
ولكنني كنت اجد شئ داخلي يقول لي كثيرا ...يحاول أن تكسر مشاعري علي جدرانها .. .ويقول لا ترسم أحلامك علي ورق مبلل بالماء ...بل أرسمه علي جدران السماء ....

كنت ابحث عن طريق لتلك المشاعر ..ولكني كنت اكتبها في بعض كلماتي علي اوراقي ...وكعادتي أضعها في حقيبتي لأحتفظ بها ...كانت كتاباتي من كانت تقف بجانبي تكلمني بحروفها ...
كانت تؤنسني في حيرتي هذه .....
....
بالرغم من إعجابي بها إلا انني كنت أداعبها بكلماتي لكي أرى إبتسامتها ..وضحكتها الجميله ...

وفي يوم إكتشفت كذبه صغيره منها ...مع موقف صغير ولكنني وجدت شئ داخلي يقول ...
لماذا تفعل معك هكذا ...لماذا تكذب عليك ..؟
ما الذي فعلته انت لكي تفعل معك هذا ..؟؟
قلت لنفسي ..هي لم تكذب ولكنها بررت ذلك ..!!
قاطعتني نفسي وقالت ..ما هوا الذي فعلته ...؟

تذكرت ذلك اليوم جيدا ...لأني في هذه الفتره كنت أعمل بجوار الدراسه ..اساعد نفسي واساعد ابي ..انا كنت في العمل وكانت المحاضرات مسائيه في اليوم ده ...وهذا حوار دار بيني وبينها في التليفون ....
أنا ...: اخبارك ايييه ...؟
هي ...: الحمد لله ..وانت اخبارك ايييه ؟
أنا ...:- هاااا هتروحي النهارده الجامعه عندنا محاضرات مسائيه ...ودكتور / حنفي ذكي ....دكتور ماده محاسبه التكاليف ..وبيقول انها محاضره مهمه هيقول حاجات بتيجي في الامتحانات .
هي .. : اوك انا هجهز وهنزل يبقي هكلمك اوك
أنا ...: اوك ...علشان انا هتحرك من الشغل وهستأذن بدري شويه ..وهحضر المحاضرات وبعد كده هروح البيت علشان عمي جاي النهارده يزورنا ..اوك
هي ..: اوك ..يبقي هكلمك ..باي باي
انا ...: اوك.. باي
طبعا انا اتحركت من الشغل بدري علشان المحاضرات
كلمتها وقلتلي نص ساعه وهتحرك ..وانا ظبط نفسي علي كده ..

وصلت الجامعه كان الوقت فات باكتر من نص ساعه .يعني باكتر من ساعه علي مكالمتي معاها ..كلمتها لكي اعرف اين هي ..؟ قالت انها في الطريق تحركت من منزلها .... إنتظرت لفتره ..كلمت اكتر من صديق وقابلتهم وجلست معهم نتحاول ونتكلم في محاضرات اليوم ... نظرت في ساعتي ..وقلت لقد تأخرت كثيرا ...
هي ..:.الووو ...ايوه انا جايه ..
أنا ....: إنتي فين المحاضره هتبدأ وكلنا موحودين ..
هي ....: انا لسه خارجه من البيت اهو ..هطلع اركب العربيه واجي ...
بدأت ملامح وجهي علي التغير وتعصبت وقلت بصوت عالي و.
أنا ....: نعم ..بتقولي اييييه انتي لسه خارجه من البيت انا كلمتك قبل كده قولتي انك في الطريق وخرجتي من البيت ودلوقتي تقولي لسه خارجه ..
هي...: معلش اتأخرت بقي ...
أنا ...: إتأخرتي إزاي يعني ..مش كنتي قولتي في المكالمه الي بيني وبينك قبل كده ..الحقيقه إنك لسه في البيت وهتتأخري..وكده .
هي ..: معلش بقي ..انا اسفه ..
انا ...: يعني ايييه انا اسفه ...كل ده وانا منتظرك ...وفي الاخر لسه خارجه دلوقتي ...بتكذبي ليييه هاااااا
........سكوت من عندها واجابت بصوت بعيد ....
هي ....: أنا اسفه مكنش قصدي ....
..بصوت عصبي مني قلت ....
أنا ...: اوك ...سلام ...
............

ماذا حدث بعد ذلك ..؟
هل سامحتها ...او ماذا فعلت معها ..؟

تابعوني علشان تعرفوا الباقي
تحياتي

..