همسات حائره ..

أخاف من الحب... ولكنني أحببت...!(10)

"بعد كلامي ده معاها ... وبعد سكوت منها قالت بصوت هادي ..."
هي ... يعني ما فيش أمل خالص ...؟؟!!
أنا .... اكيييد هيبقي في أمل ... كفايه انه الامل ده جزء من أسمك .. بس متخافيش أنا بقدرك وبحترمك وبخاف عليكي وأخاف أخسرك ...أرجوكي اوعي تفهمي كلامي غلط خالص ...
هي ..... لا متخافش كلامك واصل جدا وفهمت قصدك كويس وأنا مش عايزه أخسرك ...
أنا ... خلي وقت ما بينا ..نحاول نفهم بعض اكتر ..وبما إننا متفاهمين ان كل واحد فينا مش عايز يخسر التاني ده في حد ذاته نتيجه كويسه ونقرب من النتيجه اللي نحلم بيها اكتر...
هي ....اوك... اتفقا ناخد وقتنا في اختيار القرار الصح اللي يوصل في النهايه إننا منخسرش بعض ...
أنا ... إتفقنا ... يلا نقفل بقي علشان عندنا محاضرات بكره بدري وأشوفك بكره في الجامعه ..
هي .... اوك ...تصبح علي خير
أنا ..... تصبحي علي واقع اجمل واحلي ...وأحلام سعيده وجميله ..
"بعد نهايه اليوم.... بقدوم الليل ..يغلبه النوم ..والاحلام الجميله ...الي صباح اجمل وواقع احلي وشروق الشمس.... وإبتسامه علي وجه اليوم التالي ......"
--إستيقظت من النوم مبكرا لكي ألتحق بالمحاضرات-- خرجت من البيت قبل شروق الشمس بقليل ...ركبت السياره متجها الي الجامعه ...
كانت الشمس قد بدأت في الشروق ..اشعتها الصفراء الجميله تعطي الكون سحرا وجمالا تغني علي ضوئيها كل الطيور ..ونسمات الهواء الرائعه تملئ المكان من حولي الشمس الذهبيه مع نسمات الهواء الدافئ ترسم للكون جمالا لا يوصف ....
كان الطريق الي الجامعه سهلا ..حيث الشوارع شبه فارغه من الناس ...وبعض من عمال النظافه في جوانب الطريق يقومون بأعمالهم ..... لان الوقت مبكرا ..والهدوء يعم الشوارع ...وصلت الي الجامعه ونزلت عند باب كليتي الجميله ... قمت بمرور الطريق الي ان مررت من باب الكليه ...وجدت بعض من اصدقائي بإنتظار الباقي سلمت عليهم وقلت ..
أنا ...صباح الخير يا رجاله ..صباح الخير يا بنات ..
"كلهم بصوت واحد صباح الخير ...."
صديقي ... صباح الخير يا صاحبي اخبارك ايييه جاهز للمحاضرات النهارده ...؟
أنا ...طبعا جاهز يا بني دي خلاص اخر المحاضرات قبل الامتحانات ربنا معانا يااارب وننجح كلنا بقي ونتخرج لحسن الواحد زهق من الدكاتره كلهم ..
صديقي ... ليه كده بس دي حتي سنه جميله وحلوه كفايه اننا بنشوف ناس زي الفل ...
أنا ... طبعا يا واااد ... بقولك ايييه فلانه جت ولا لسه ؟
"نظر إلي صديق بنظره وابتسامه بسيطه ....وقال "
صديقي ... لا لسه موصلتش ...اهدي شويه بقي خلينا نركز ونشوف الدكتور هيتكلم هيقول ايييه ..
"قامت صديقه لنا ..وقالت ..يالا يا جماعه المحاضره هتبدأ ..علشان نحجز مكان لا المدرج هتبقي مليان النهارده ..لانها المحاضره الاخيره للدكتور ..."
--قمنا جميعا وكلا منا نتهامس مع بعضنا البعض ....حاولنا عبور الطلاب للدخول الي المدرج وحجز مكان أمام الدكتور ....اختارنا مقعد كبيير لكي نجلس عليه جميعا .... كلا منا إختار مكانه وإنتظرنا حضور باقي أصدقائنا ... سمعت احدي صديقاتي تتحدث في التليفون ..وبتقولها انتي فين ..يلا علشان المحاضره خلاص هتبدأ...وقفلت معاها ..
وبعد دقائق معدوده نظرت الي باب المدرج ..فأذا هي تدخل وعلي وجهها خجل كعادتها وإبتسامتها الجميله ...أشارت لها صديقتنا وأتت نحونا ....سلمت علينا جميعا وجلست بجوارها .... نظرت إليها وجدت علي وجهها كلام كثير .وكأنها كتبته بملامح وجهها ..رفعت عينيها نحوي وجدتني ناظرا لها ..تقابلت عيني مع عينها ..وأبتسمت ابتسامه هادئه وهزت رأسها وحركت شفتيها دون أصدار صوت .. وأشارت أمامي ..وقالت ...الدكتور قدامك .... "
"أبتسمت .... ونظرت امامي .... وجدت الدكتور يفرغ حقيبته ويخرج ما بيها ..
وقال ..صباح الخير يا ولاد .....
قلنا جميعا ..صباح الخير يا دكتور ....
قال ..النهارده المحاضره الاخير في ماده Insurance....وهوضح النهارده فيها بعض النقاط الهامه اللي بتيجي في الأمتحان ..وهقول ليكم شكل الامتحان إزاي ....يالا نبدأ ...
(كانت المحاضره كلها اسئله ...ومع كل سؤال من الدكتور أنظر ليها ..وهي بتكتب ومركزه مع الدكتور ..أنتبهت للمحاضره جيدا ..الي ان انتهينا منها ....)
في اخر المحاضره قال الدكتور ..... ان شاء الله بالتوفيق للجميع ومتخافوش من الاسئله وركزو كويس في الاجابات ...
" خرج الدكتور من باب المدرج ...والطلاب خرجوا خلفه ..بدأنا نحن في تجهيز انفسنا للمغادره المدرج والذهاب لمدرج اخر لدكتور الماده التانيه ..أتجهت أليها ..كانت تقف مع صديقتها ..اقتربت منها وقلت ...
أنا .... المحاضره كانت اسئله النهارده ..ربنا يسهل في الامتحان
هي .... ان شاء الله هنذاكر كويس وهننجح ..
أنا .... ان شاء الله .... يالا علشان المحاضره الدكتور هتبدا في المدرج التاني كمان نص ساعه ..وانا عايز اتكلم معاكي قبلها لو سمحتي ..
هي .... اوك حاضر .... يالا بينا
"واتجهنا الي النزول من المدرج والخروج منه ..الي المدرج الاخر .."
.......
ما هوا الحوار الذي قيل بيننا ..؟
وما كان رد فعلها ..وماذا قالت ...؟
....
إنتظروني في الجزء القادم ...