همسات حائره ..

أخاف من الحب ...ولكنني أحببت ..!!(8)

هي .... اصلهم اكتر من سؤال بصراحه ...
أنا ... أييييه هوا ده ..... أنا اللي زعلان وفي الأخر إنتي اللي تسألي كمااااان ..إيييه البنات دي ....هههههههههههه ما فيش حد عدل خاااالص ...طيب أنا هسمعك... بس من غير تردد اوك ..
هي ... هحاول .ً... بس بقولك ايييه ..تعال نلعب لعبه "س" سؤال .."ج" "ص" جواب صريح ....؟؟!
أنا ... اوك موافق يا سيتي ... بس إنتي تسألي سؤال وأنا أسأل سؤال .... هااااا تمام كده ..
هي ... اوك موافقه .....يلا نبدأ ..أسأل انت الأول ..
أنا .... نعم ....هوا مين اللي هيسأل مش انتي اللي هتسألي ...وأنا سهلتها عليكي ..يلا إتشجعي وإسألي .ً.....
(بعد سكوت لبضع ثواني...لتجميع اسألتها ..قالت )
هي ... هو أنا بالنسبه ليك اييييه ..؟!!
(ضحكت ضحكه خفيفه كده ..وقولتلها ..)
أنا .... انتي بالنسبه ليا أأأأأأأأأأأأ ...أأأأأأأأأأأأأ..طبعا من غير تفكير اقرب صديقه ليا وبحترمك وبقدرك ..!!!
هي..... بس كده ما فيش حاجه تاني ...
أنا ... يعني دووول اهم حاجه دلوقتي ...
هي ...طيب اوك ...انت اللي عليك الدور ..إسأل بقي ..!
أنا .....بس أنا هسأل أسأله مختلفه شويه ...علشان اعرف طريقه تفكيرك وشخصيتك اكتر بما إننا اصدقاء ...بس هسأل سؤالين في سؤال اوك...
من الذي يحب اولا ..العين ..ام ..القلب ؟!!
وما هي اول درجات الحب ..هل هي الخيال ..ام ..الاعجاب ..؟!!..وخدي وقتك في التفكير ..
هي.....اوك ..حلو السؤال المجمع ده ...مااااشي .... الذي يحب اولا بالنسبه ليا "القلب " ..واول درجات الحب هو "الخيال".....
أنا ....متأكده من الاجابات دي ... لانها مختلفه شويه ..لان السؤالين بيعتمدوا علي بعض .
هي .... اااااه متأكده طبعا .. بس إزاي بيعتمدوا علي بعض ..وايييه الاختلاف في الاجابات .؟؟!!
أنا ..... بصي بقي .. اجابتك الاولي الذي يحب اولا القلب اوك انا معاكي في ده ...لكن اول درجات الحب ..هي الخيال ...لا طبعا ...هو الاعجاب .. يعني انتي ممكن تحبي حد في خيالك وتعشقيه ...ولا تتعاملي معله الاول وتفهميه وتعجبي بشخصيته واسلوبه ...يبقي الاعجاب لانه بيجي من تعاملنا مع الاشخاص... لكن الاعجاب في اخطاء كتييير ...لانك يتفكري في كل إيجايبات الشخص وبتبعدي عن سلبياته اللي في شخصيته ... بالتالي هوا حب خيال ... اما الاعجاب العكس .. نرجع للسؤال الاول ..القلب يحب اولا صح ..لانه هوا اللي بيدق وينبض ... اما العين بتختار غلط .. بمعني ان العين بتشوف الاشياء الحلوه في الحب ...حب شخصيه كل واحد
هااااا اقتنعتي ولا ايييه ..؟
هي ... طيب ما انا ممكن اتحكم في كل الحاجات دي ...من الحب والاعجاب والاسلوب وكل ده ...
أنا .... اوك تتحكمي لكن هتتحكمي مده طويله ولا قصيره ...ويا تري هتقدري تستمري في التحكم ده ...اعتقد صعب جدا ...
هي ... يعني ...ممكن ومش ممكن
أنا .... شوفي هيا بتعتمد علي شخصيه وطريقه تفكير كل شخص في المقام الاول ...
هي .... اوك ..بس دي وجهه نظر في الاول ..
أنا .... طبعا كلها وجهات نظر ..وكل شخص ليه وجهه نظره تختلف عن التاني ... وفي مقوله بتقول .." لولا إختلاف الازواق لفسدت السلع " ....ها السؤال ده خد وقت كتيير .. يلا انتي اللي عليكي الدور إسألي سؤالك .....
هي .... ااااه طيب .... انت ليه بتحب اصدقائك الاولاد فلان وفلان كده ..؟!
أنا .... عااادي ده الطبيعي لانهم اللي هيستمروا معايا بعد المرحله الجامعيه ... هنتصل علي بعض ونطمن ونشوف بعض ونشتغل مع بعض ..ودايما وغالبا الصداقه في الجامعه بتستمر بعد كده لانها اخر مرحله في المراحل الشبابيه ...اما انتم كالبنات .. كل واحده منكم هنشغل بحياتها بعد كده وتنسونا ...
هي ..... لا طبعا ..مش هننساكم ...اكيد هنفتكركم بالخير دايما ....
أنا..... نتمني ذلك .. بس كل شخص اوقات الظروف بتبقي اقوي منه وبتجبره علي حاجات كتييير
هي ..... عندك حق .. يلا إسأل انت بقي سؤالك ...
أنا .... أوك ... شوفي السؤال ده .."عرفي معني الحب من وجهه نظرك العاطفيه ؟؟"
هي ... حلو السؤال ده ... الحب من وجهه النظر العاطفيه ...هو حاجات صعب انها تتوصف او تتحكي او يتقال عنها شئ....
أنا ... حلو اوووي الكلام ده .. بس ممكن اعرفه انا واضيف كلمات علي تعريفك ده ... هو "مجرد احاسيس ومشاعر تغير في حياه الشخص الطبيعيه "..لان استحاله اي شخص يخبي او يداري الحب اللي جواه .... يالا إسألي سؤالك انتي بقي ..
هي .... انت بتفكر إزاي في تعاملك مع الناس ..؟
أنا ..... شوفي السؤال ده كويس جدا ... انا بتعامل مع الناس حسب شخصياتهم ... بعض الناس بتعامل معاها بنفس طريقتها ...والبعض بتعامل معاه بالاحسن واكون احسن منهم اكيييد ...والبعض الاخر بالتجاهل والبعد عنهم ... والنوع الاخير ده لازم ابعد عنهم لانهم اكيد هيضروني ..مثل اصدقاء السوء ....
هي .... اوك ....تمااااام ..يالا سؤالك ..؟
أنا .... طيب ....اااااااا .." ممكن ترتبي الكلمات دي حسب الاهميه بالنسبه ليكي ... الزميل ...الصاحب ...الصديق..؟ "
هي ... بالنسبه ليا ...اااااا ..اولا الصديق في المقام الاول ...وثانيا الصاحب ...واخيرا الزميل ...
أنا ....تمااااام اجابه ممتازه جدا ....يالا سؤالك ...
"سكووووت منها وتردد في السؤال ...."
هي ....اوك ...أأأأأأأ ..السؤال ده انا هسأله وهقفل الاتصال معاك ...اوك
أنا .... نعم ....إزاااي هتفقلي الاتصال ... بلاش تسأليه ونقفل من دلوقتي ..!!!.
هي ...مش قصدي كده ..بس هوا سؤال صعب عليا شويه ومش عارفه أسأله إزااااي ...متردده فيه بس ..وفي نفس الوقت لازم أسأله ....!!
أنا .....يااااااااه للدرجه دي ...طيب حاولي تشجعي نفسك وتقولي ..خدي وقتك وبراحتك ..
هي .....اوك ...ثواني اشرب كوبايه ميه ..علشان اعرف اتكلم ..
أنا ... هههههههههه يااااه ده صعب اوووي ..
هي .... ااااه صعب اوووووي اوووي كمااااان ...
أنا .... اوك ...إتفضلي خدي وقتك ....
.............
.......
...
ما هو السؤال الغريب والصعب ده ..؟
وما الذي حدث بعد ذلك ...؟
وكيف انتهت المحادثه .....؟
.....
..
انتظروني في الجزء القادم
تحياتي واحترامي