Captivated

CHAPTER 6

CHAPTER 6

ANG BAGONG bodyguard ang nagmaneho kay Hawk patungong opisina ng araw na yon. Walang naging problema si Hawk sa pansamantalang kapalit ni Dust. Ang nakakairita lang ay hinahanap niya ang ugali ng bodyguard niyang palasagot at sarkastiko kung makipag-usap sa kaniya minsan.

His new bodyguard bores his mind off.

"Park the car on that Restaurant. Doon nalang ako kakain." Sabi niya sa Bodyguard niya na pinagmamaneho siya para maghanap ng makakainan.

Ipinarada ng bodyguard niya ang sasakyan niya. "I will check the perimeter for your safety, Mr. Laxamana."

Bahagyan siyang natigilan. Palagi niya iyong naririnig kay Dust. "Matatagalan ka ba? Sumama ka na sa aking kumain."

"Busog pa ho ako, Sir." Napaka-pormal ng pakikipag-usap nito sa kaniya.

"Sige. Ikaw ang bahala." Kung si Dust siguro 'to, mas nauna pa ito sa loob ng Restaurant.

That thought made him smile. Iba talaga si Dust sa mga normal na bodyguard.

Lumabas siya ng sasakyan saka malalaki ang hakbang na pumasok sa loob ng Restaurant. Kaagad siyang nilapitan ng maître 'de at iginiya sa pina-reserve niyang mesa. Pagkatapos ay lumapit sa kaniya ang isang waiter para kunin ng order niya.

After he ordered, his eyes roamed around the place. Délicieux Restaurant is indeed a very popular and high class Restaurant in the country.

Natigilan si Hawk ng tumuon ang mga mata niya sa isang lalaki na masayang kausap ang isa pang lalaki na kasama nito. Sa mga mata ng mga tao, normal lang yon, pero sa kaniya, nakakairita iyon sa paningin niya.

So ito ang pinagkakaabalahan ni Dust? Ang lalaking yon ang mas inuna nito keysa sa kaniya?

Nalukot ang mukha niya ng bigla siyang nawalan ng ganang kumain. Fuck those two love birds!

"Hey, handsome? Is this seat taken?" Anang boses na pumukaw sa galit niyang diwa. "Mind if I join you?"

"Yes. I would mind." Tumayo siya saka inayos ang Suit na suot. "It's all yours."

Pagkasabi niyon ay naglakad siya palapit sa table ni Dust at ng kasama nitong lalaki na tiyak niyang boyfriend nito.

"YOU KNOW, it's really weird to see you dress like a man. Lalo na't alam kong babae ka naman talaga." Natatawang sabi ng kaibigan ni Dawn na si Cali Sudalga habang magkaharap sila sa isang mesa sa Délicieux Restaurant.

She and Cali had been friends for years. They grew up in the same neighborhood. Mas matanda nga lang ito sa kaniya ng tatlong taon. Kaya naman ng tumawag ito kanina at sinabing may emergency ito, kaagad siyang nakipagkita dito ng hindi nagpapalit ng damit.

"Huwag mo nalang pansinin." Inirapan niya ito. "Anyway, ano yong emergency mo?"

Nawala ang masayang kislap sa mga mata nito saka may iniabot sa kaniyang folder. Nang tanggapin ang buksan niya iyon, napakunot ang nuo niya.

"Anong mayroon sa babaeng 'to?" Tanong niya kay Cali habang nakatingin sa larawan ng isang magandang babae sa folder.

"Puwede mo bang alamin ang lahat ng tungkol sa kaniya?" Tanong nito.

"Puwede." Aniya. "Pero baka maasikaso ko to pagkatapos ng ng misyon ko ngayon."

"It's okay." Cali is now smiling. "I understand. Basta kapag may oras ka na, alamin mo."

"Why not let Mr. Kim investigate it for you?" Alam niyang kaibigan nito si Shun Kim, isa sa magagaling na Agent na kilala niya.

"Tsismoso ang isang iyon." Natatawang sabi ni Cali. "Saka may bayad, sayo libre."