Captivated

CHAPTER 7

CHAPTER 7

NAKANGITI si Dawn na bumaba sa sasakyan ni Hawk. Gustong-gusto niyang kutusan ang sarili dahil sa kalandiang pinaggagagawa pero hindi niya puwedeng palampasin ang pagkakataong ito.

Habang nakasuot siya ng damit panlalaki at nagpapanggap na si Dust, hindi niya magawa ang gustong gawin dito. She had dream of kissing Hawk after that hot kiss they shared on the elevator. Kaya nga nahalikan niya ito nang siya sa Dust dahil sa panaginip na yon. That was a mistake in need of correcting.

Pero hindi muna ngayon. Siya ngayon si Dawn Montreal, not Dust. At sisiguraduhin niyang mag-i-enjoy siya kasama si Hawk. Because she knew, this can't happen again. Kailangan niyang seryusohin ang pagbabantay kay Hawk. Nakatanggap siya ng tip galing sa isang source niya na mas nagiging desperado ang masasamang loob na makuha ang software na yon kay Hawk.

"Saan dito?" Tanong ni Hawk na pumukaw sa kaniyang naglalakbay na diwa.

Hindi niya namalayang nakalabas na pala ito ng sasakyan.

Nakangiting bumaling siya rito saka iminuwestra ang dalawang kamay sa maliit na kubo na ilang metro ang layo sa kanila.

"Tsaran! Diyan tayo kakain." Malapad ang ngiting sabi niya.

Palihim siyang natawa nang makita ang pagkalukot ng guwapong mukha ni Hawk.

"Diyan?" Alam niyang pinipigilan nito ang mga komento ng negatibo.

"Oo, diyan." Hinawakan niya ito sa pulsohan. "Halika na."

Nagpahila naman sa kaniya ang binata patungo sa maliit na turo-turo restaurant kahit halata ang disguto na hindi maipinta nitong mukha.

"Magandang tanghali po, Manang Inday." Nakangiting bati niya sa babaeng abala sa paglilinis ng mesa.

Bumaling ito sa kaniya at agad na ngumiti ng makita siya. "Kayo ho pala ma'am Dawn." Kaagad nitong pinagpag ang kamay sa likuran at pinaghila siya ng upuan. "Upo ka, ma'am Dawn."

Sinimangutan niya si Manang Inday. "Manang, ilang ulit ko bang sasabihin sayo na huwag niyo akong i-special treatment."

Nahihiyang ngumiti ito. "Pasensiya na, hija."

"Ikaw talaga, manang." Hinila niya si Hawk at pinaupo sa bakanteng silya. "Siya nga pala, si Hawk, ka date ko ngayon."

Natigilan si Manang Inday at hinagod ng tingin si Hawk. "Hija," bumulong ito pero naririnig naman ni Hawk sigurado, "parang hindi naman yan ang mga tipo mong lalaki manamit."

Mahina siyang natawa. "Para maiba naman, Manang." Umupo siya sa kaharap na upuan ni Hawk. "Anong gusto mong kainin?" Tanong niya sa binata na nahuli niyang nakatitig sa kaniya.

Hawk shrugged. "I don't know. May menu ba sila rito?"

Tumawa siya. "Menu?" Hindi niya talaga mapigilang tumawa ng malakas. "Hawk naman, kaya nga turo-turo diba kasi ituturo mo ang gusto mo. Pupunta ka don," tinuro niya ang estante na maraming lamang pagkain, "saka ituturo mo ang gusto mo. I-order mo na rin ako, ha?"

Naiilang man, tumayo si Hawk saka nilapitan ang estante pagkatapos ay tinuro ang Ginisang baboy at Bistek tagalog.

"I pick that and that." Wika nito sa tindera na anak din na Manang Inday.

Tumango ang dalagita. "Ilang cup ng rice?"

Bahagyang kumunot ang nuo ni Hawk. "Ahm, ilan ba dapat?"

Kinunotan ito ng nuo ng dalagita. "Kayo po, Sir, ikaw naman ang kakain, e."

Lihim na natawa si Dawn sa pag-uusap ng dalawa. Nakamasid lang siya. Halatang-halata na hindi sanay ang binata sa mga ganitong klaseng kainan. Well, he was raise with a golden spoon on his mouth. What does she expect?