Nakatagong damdamin
Sa loob ng aking puso
Bawat nakaw tingin ko sa iyo
Napakasaya ng aking nararamdaman
Ang bawat ngiti't tawa mo
Napapangiti ako
Tuwing napapadaan ka sa aking harapan
Nang hindi ko namamalayan
Ang bilis ng tibok ng aking puso
Ang mga mata ko'y mas lumilinaw
Ang hindi maintindihang nararamdaman
Pero ang nangingibabaw ay ang pagsinta sa 'yo
Napapaisip ako
Napapansin mo kaya ako?
Sana'y wala ka pang iniirog
At kung meron ka mang iniirog
Mapapadalas ang aking pighati
Sana'y mapansin mo ako
Sana'y ang bawat nakaw tingin ko sayo'y
Hindi lagi hangin ang sumasalo
At sana'y saluhin mo ang aking inaasam na damdamin
Dahil minamahal kita
BINABASA MO ANG
Inker - The Random Poetry
PoetryMy own random poems. Karamihan dito ay nasa isip at nararamdaman ko lamang at isinusulat ko. At ang iba naman dito is through my experiences. :) Please don't steal my work. PLAGIARISM IS A CRIME! ctto to my book cover: artacademy.com.tr