((سر السعادة ليس بالسعي أكثر
إنما بالقدرة على التمتع ب الأقل ))
-
سقراط
Celine's P.O.V
طبعا ضوة الشمس ديحرگ عيني كلش شنو هاي منو عاف الشباك مفتوح .. أنطيت ظهري للشباك حتى انام بس بعد مگدرت أغفة فتحت عيني حتى انصدم بهاي العيون الخضر تباع علية .
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
عززة ، من الفزة سحبت نفسي ليورة دا أوخر و مثل الثول وكعت بالگاع على ظهري .
- سيلين : أييي ظهري
- أياز : خوما تأذيتي ؟
- سيلين : يا تأذيت ظهري ديموتني
- أياز : شبيچ هيچ جريتي نفسچ عبالك وحش نايم بصفچ
- سيلين : اني شبية ؟! لو انت شعندك جاي نايم هنا !
- أياز : نسيتي أفين بايته عدنة شحتگول من تشوفنا كل واحد ينام بغرفة
- سيلين : يي جنت تگدر تفرشلك ع الگاع أو تگعدني حتة انام اني ع الگاع
- أياز : نومة الگاع تأذيني و وراية دوام ثانيا يا رجال يقبل هو ينام ع السرير و البنية تنام ع الگاع
گلت بصوت ناصي بهدوء حتة ليسمعني إياز ..
- سيلين : لعد يا رجال يقبل يزوج بنية غصبا عنه لأن أمه رادت
- أياز : ها شگلتي
- سيلين : أگول أفين مگعدت من النوم ؟
- إياز : ما ادري .
- سيلين : أروح أشوفها وأجي
طلعت من الغرفة حتة أشوف أفين ... طبعا نزلت للصالة شفتها گاعدة هناك تتفرج تلفزيون . منو اله نفس يباع تلفزيون من الصبح .
- سيلين : صباح الخير
- أفين : صباح النور
- سيلين : صارلچ شكد گاعدة
- أفين : من فترة
- سيلين : أها تمام
أفين بنت خالة إياز . يعني قريبته هي مو قريبتي بس بحكم أمها وأم أياز مدري شيقربولنة من بعيد يعني مثل اللي تربينة سوية .. اني أعرفها من هي وصغيرة وهي هم بس ما اعرف شحچي وياها مدري احسها متحبني
- أفين : سيلين انتي تلبسين هيچ بالبيت يعني گدام إياز هيج
- سيلين : يعني شلون شبيه لبسي
دا اباع ع لبسي ترة ما بيه شي لابسة بدي عريض جدا لان اني أحبه هيچ و بجامة مو مال بدي بس اني احبها لأن عليها ميكي ماوس
- أفين : سيلين انتي مزوجة مو المفروض تلبسين ملابس مال مزوجات
يا حظي باع هاي شدتحچي يا الله أحنة حت نوم منام نفس الغرفة
طبعا هاي الخربطة كلها صارت قبل أسبوع من اجوي بيت خالي اذا تذكرون .. ماما من صاحتني وحچت وياي
# Flashback
