(( ليس هناك مفاجأة أكثر روعة
من مفاجأة أن يحبك أحد ما
أنها أنامل الرب على كتف الرجل ))
-
چارلز مورگان
Zahraa's P.O.V
أخيرا اليوم المنتظر اللي جنة دنخططله وي إياز گعدت من الصبح حضرت نفسي ، هدومي و مكياجي و أشيائي و انتظرت مريم تجي تاخذني .. ورة شوي جتي مريم وياها طيبة ورحنة للقاعة ، چيكنة الحجز و الديكور و الأكل وكذا .. أجة إياز وصاني اني اصور ردة فعل سيلين من يجيبها ، اني هم أخذت وحدة من كاميرات المصور اللي متفقين وياه و وگفت انتظرهم .. وراها جتي مريم صاحت علينة انه إياز و سيلين جوي .. اني وگفت بمكان ظلمة قربت على الباب وبديت اصور واللي جايين دخلوا نص للمطبخ و نص بالرسبشن برة القاعة بحيث بقيت بس اني و ظلمة المكان كلشي ميبين بيه بس المكان اللي حيمشون إياز وسيلين عليه بي ضوة
شغلت التصوير و انتظرت إلى أن دخلوا و اني بقمة الحماس و الضحكة شاگة حلگي بس من دخلوا شفت سيلين بالبجامة جاية و حاطة هاي الكمامة اللي تنحط ع العين من ينامون 😦
- سيلين : الگاع تزحلگ جواية شنو هاي
رجعت ليورة وجتي ركض شحطت ع الگاع الخبلة مثل اللاعبين اللي يشحطون من يجيبون هدف 😂
- سيلين : والله حلو أريد اعيدها
- زهراء : انتي مال مفاجآت انتي 😂😂
- سيلين : هاي منو هنا ؟
أجة إياز يضحك شال الكمامة من على عينها
- سيلين : شو المكان ظلمة
بعدها محاچية ، انفتحت الاضوية و بين الديكور مال قاعة و الورد اللي حطيناه بكل مكان .. جتي مريم شالت باقة ورد ودته گدام سيلين و سيلين فاتحة حلگها من الصدمة والدمعة بعينها ، حطت إيدها على وجهها و طامت تبجي و تضحك أجة إياز يمها و هي گعدت بالگاع
- مريم : لج گومي بابا وين گعدتي
- سيلين : 😭😭😭
- إياز : سيلين گيان (حياتي)
- مريم : أحاسيسها المعوقة تأثرت
حط إياز ايده على جتفها
- إياز : چاوه كانى ( عيوني )
- سيلين : نگس 😭😭
- مريم : أي كلبي باع شدتگول 😡
شالها إياز من الگاع وهي حضنته حيل عبالك تريد تخنگه
- إياز : تۆ حەزت لە ئەو كرد ؟ (عجبچ ؟ )
- سيلين : زور جوان ( كلش حلو ) 😭
- إياز : من تۆم زور خۆش دەوێت ( اني كلش احبچ )
- سيلين : من يش ( اني هم ) 😭
- مريم : يا جماعة ميصير هيچ حطوا سپتايتل (ترجمة) ليجوة حتى نفهم ، ميصير هيچ نتأثر بدون منفتهم شنو السالفة 😢
- إياز : هاي اللحظة خاصة بيناتنة احسن بس احنة نفتهمها 😌
- سيلين : اني مذابحني غير شي واحد
- مريم : شنو ؟
- سيلين : جيت لعرسي بالبجامة لا وبجامة ستن همين مو فد شي عادي 😭
- مريم : 😂😂😂😂
- إياز : كولي لنفسچ 😑
Aiaz's P.O.V
# Flashback
اليوم أخيرا اليوم الموعود ، طلعت من الصبح لان الليل كله معرفت انام اصلا بحيث محضر نفسي من البارحة 😐 ، رحت لبيت أهل سيلين و متفق وي نياز هي تفتحلي الباب .. صعدت لغرفة سيلين چانت متلفلفة ب اللحاف و معلية السپلت .. بحيث حسيت نفسي داخل بالقطب الشمالي من البرد .. هو بلا شي الجو برة ديبرد شلون متحملة تنام ع السپلت لا وفوگاها حامل
- إياز : سيلين گيان 😐
- سيلين : 😪
- إياز : بعدچ عايشة لو تجمدتي
- سيلين : إياز ؟ انت هنا
- إياز : يي اني هنا
- سيلين : الحگني إياز 😨
- إياز : شكو 😦
- سيلين : خشمي مدا أحس بيه 😵
- إياز : 😑 طبعا من البرد اللي انتي نايمة بيه شو وين الريموت خل اطفي
- سيلين : لا لطفيه. .
- إياز : بابا ترة حتصير شتى بعد كم أسبوع واصلا الجو ديبرد شلون تنامين جوة السپلت
- سيلين : ع الضيم اللي شفته بالصيف لا عيني خليني ع البرد احسن 😑✋
- إياز : يلة گومي دا اخذچ
- سيلين : وين نروح ؟
- إياز : لفد كان حلو
- سيلين : ما بية أگوم ابدل خل نروح العصر
- إياز : لا ميرهم العصر يلة گومي
- سيلين : اني مرة حامل عوفوني أرتاح
- إياز : يلة حت لو أني ابدلچ 😎
- سيلين بالمصري : بتكسف 😆
- إياز : لا والله 😂 .. حضرتچ لعد شلون حبلتي 😏
- سيلين : حضرتك مچان عندي كرش يمشي گدامي قبلها ..
- إياز : يلة گومي ترة اخذچ هيچ
- سيلين : أخذني هيچ بعد احسن
- إياز : اوكي تمام
اني هم رحت و شلتها من الفراش
- سيلين : هاي ويييين ؟!
- إياز : لشيب أبوچ 😒
- سيلين : شيب أبوك انت 😡
- إياز : انتي گلتي أخذني هيچ حاخذچ هيچ 😏
