(( الحب هو رغبة لا تقاوم
أن تكون مرغوب بلا مقاومة ))
-
روبرت فروست
Celine's P.O.V
صارلي 5 ايام ب تركيا و كلش متونسة .. كومة فرفرت بس اهم شي شفت قصر السلطان ❤
هسة إياز طلع مدري وين علمود يسوي مكالمة دولي يريد يخابر أهله .. مدري ليش يخابرهم مو اكو انترنيت يگدر يچي وياهم بيه اني احچي وي أهلي من النت 😕 ..
اني هم مليت أنتظر نزلت جوة للمطعم اللي بصف الفندق دا اكل ، ها وحزروا من يشتغل بهذا المطعم .. ... جوكان 😆
قبل يومين جينة اني وإياز هنا وشفته ، لا هي وحدة من الاثنين يا هو لاحگني يا اني ب فلم هندي و وين ما اروح أشوفه .. بس لا البحر هو دلاني عليه يعني اكيد حشوفه و المطعم صدفة طلع يشتغل هنا لأن من چنت ضايعة ومعرفت مكان الفندق گبل عرف المحطة اكيد يعني لأن يشتغل قريب هنا .. جوكان صاير كلش صديقي حت ضفته ع الفيس ..
المهم تغديت و گعدت اسولف وراها رجعت للفندق فتحت الباب چان اكو صوت جوة .. اكيد إياز
- سيلين : إياز هذا انت ؟
- إياز : يي تعاي
- سيلين : شكو ؟
- إياز : طيارتنة متقدم الحجز مالتهة صاير اليوم
- سيلين : يي شنو المشكلة
- إياز : بعد 3 ساعات الطيارة لازم نبدي نحضر الغراض بسرعة حتة نلحگ
بديت ألم الغراض مالتنة والغراض اللي اشتريناها ، هاي مو خوش دگة مال طيران العراقي ... كملت الغراض وبدة إياز ينزل الجنط يحطها بالتكسي اني و دا اروح التكسي شفت جوكان
- جوكان : (( شنو حتروحين ؟ ))
- سيلين : (( يب حروح ))
- جوكان : (( مو ع الأساس باچر ؟ ))
- سيلين : (( تقدم الحجز مال طيارة مالتنة ))
- جوكان : (( أها توصلين بالسلامة ))
- سيلين : (( الله يسلمك شكرا ))
- إياز : يلة سيلين حنتأخر
- سيلين : جااية (( يلة اني اروح ))
- جوكان : (( قبل لتروحين .. هذي هدية صغيرة مني حتة لتنسين تركيا ))
فتحت أيدي وحط بيها يمكن سلسلة أو گلادة بس ع الأغلب سلسلة
- سيلين : (( شكرا .. بعدين محسسني بعد ما أجي ل هنا اكيد حجي مرة اللخ و بعدين نگدر حت نتواصل ع الفيس بوك ☺ ))
- جوكان : (( أن شاء الله ))
- سيلين : (( يلة بيباي ))
- جوكان : (( مع السلامة ))
رحت للتكسي و مناك للمطار .. طبعا الإجراءات بمطار تركيا مطولت بگد مطار بغداد بحيث بسرعة وصلنا وچان اكو وقت بعد منا للطيارة وگاعدين اني وإياز واحد مگابل اللاخ بالسوق الحرة مال مطار .. ظليت اباع يمنة يسرة
- سيلين : إياز ..
- إياز : هاا
- سيلين : جيبلي من ذاك
- إياز : شنوة ؟
- سيلين : هذاك الويسكي
- إياز : ها هية مبقة شي تسويه بس تجربين الويسكي
- سيلين : مبقة شي بنفسي بس هو
- إياز : يي شفتي قصر السطان و لبستي مايوه و ذبيتي روحچ بال مظلة وصعدتي دباب و ..
- سيلين : ع فكرة اني مچنت لابسة مايوه چان لبس سباحة 😆
- إياز : واللاهي 😑
- سيلين : شبيك صاير متتحمل شقة 😆
- إياز : صاعد الكيف عندچ
- سيلين : يب
- إياز :بابا عمرچ 25
- سيلين : منو كلك عمري 25 اني عمري 23
- إياز : 😐
- سيلين : يي والله 23
- إياز : حتفرق يعني هي سنتين
- سيلين : أخصص حت عمري متعرفه 😒
- إياز : انتي تعرفين عمري ؟
- سيلين : يب انت أكبر من 5 سنين يعني 28 😒
- إياز : لا لعد حقچ علية
ظلينة شوية وراها رحنة للطيارة ورجعنة ل بغداد ، اتعس فقرة بهذا كله لازم ارتب الجنطة بالكنتور .. والله ما بية حيل .
ثاني يوم رحت يم صديقاتي دا اشوفهم و انطيهم كم شغلة جبتها وياي ..
- زهراء : يلة المهم تونستي
- سيلين : يي ترة تخبل تركيا
- طيبة : يي واكو تطور وي إياز أخيرا
- سيلين : حيل صار أكثر من شهرين من ازوجنا يمكن 3 شهور
- طيبة : لا مو عبالك أكثر ما ادري يمكن اني دا أحس الأيام تمشي بطيء
- زهراء : على كيفكم ذاك اليوم تخرجنا
- سيلين : عاا صارلي 3 شهور مزوجة مدا اصدگ
- طيبة : يي ضربتي رقم قياسي.. متوقعناه
- زهراء : عوفچ صارلچ 3 شهور بعدج virgin
- سيلين : يا أدب سزية يا نگسيين 😂😂😂
- طيبة : متحچين مريم شو ساكتة
- مريم : ما ادري شگول
- زهراء : شبيچ ضايجة من شي ؟
- مريم : لا بس ..
- سيلين : مريم صايرلچ شي ؟
- مريم : سيلين أريد اكولچ شغلة بس مو تزعلين مني ولا اضوجين
- سيلين : لا عادي احچي
- مريم : خل نكون صريحين ترة صارلچ فوك ال 3 شهور مزوجة و إياز حتة ممنطيچ مجال تكونين مرته .. الولد مديتصرف وياچ غير ك بنت عمته يعني وين اكو مزوجين لحد الآن ما بينهم أي شي
- زهراء : هاي شبيچ مريم شنو لزمته هالحجي
- مريم : بس اسمحيلي .. سيلين ترة اني كصديقتچ دائما اشوف المنظور من جهتچ. . بس و إياز شنو وجهة نظره .. يعني مثل ما انتي أزوجتي غصب هو هم مثل حالچ. . بلكي چان يحب وحدة بلكي چان عنده غير حياة قبل الزواج
- طيبة : مريم كافي لتحچين ترة مصخت
- مريم : يعني اني آسفة ما أريد اضوجچ انتي صديقتي وأني اموت عليچ بس خل نكون صريحين ما اگدر اوگف اباع عليچ هيچ تسوين بروحچ ترة انتي اكو الف واحد يتمناچ مو شرط تنتظرين اليوم اللي إياز يحبچ بيه بلكي محبچ .. بلكي أجة يوم وياه وحدة يحبها مستعدة انتي تواجهين هيچ يوم؟
ما اعرف شگوللها ل مريم بعدني مصدومة .. اعرف حچيها صحيح لهذا مدا اگدر حت اعترض بس الواقع مرير من ترسم أحلامك الوردية وراها يجيك الواقع اللي متگدر تغيره
- زهراء : بس مريم بعد لتحچين حچي زايد
- طيبة : خطية سيلين انتي هيچ دمرتيها. .
- سيلين : لا حجلچيها صحيح 100%😔
- مريم : سيلين اني كلش آسفة بس انتي صديقتي ميهون علية اشوفچ وضعچ هيجي وما انصحچ
أجتي مريم حضنتني
- مريم : لچ .. ترة ل مصلحتچ دا احجي
- سيلين : أدري
وخرت إيدها وشلت غراضي دا اطلع . أحس نفسي اختنگت .. اعرف كل كلمة گالتها ما بيها شي غلط .. بس گلبي ديوجعني مدا أريد أتقبل هالفكرة مدري ليش .. حت قررت اطنش اللي گالته مريم .
رجعت للبيت حت بدون ما أگول أي شي للبنات . دخلت جوة شفت إياز گگاعد
- سيلين : هلوو
- إياز : هلوو .. شبيچ شو ضايجة ؟
- سيلين : لا ما بية شي چنت دا اقرة رواية ب بيت زهراء و انقهرت
- إياز : صدگ خابرت امج
- سيلين : يعني ليش تخابر عليك ليش متخابر علية مو المفروض اني بنتها 😐
- إياز : شمدريني .. المهم سمعي باچر الصبح نروح ل سليمانية
- سيلين : ليش ؟
- إياز : أبو أحمد گرايبنة مسوي عملية و لازم نروح نشوفة
- سيلين : باع اني ما اعرف هلگد ب الأقارب بس ما طول انت حتروح أجي وياك
- إياز : اوك حضري غراضچ ع گد يوم واحد
وصدك ثاني يوم رحنة ل سليمانية .. حيل صارلي شچد مجاية هنا .. شگد متغيرة سليمانية مدا أعرفها .. وصلنة لبيت گرايبنة .. حزروا بيت منو ..
جتي فتحتلنة الباب أفين ، الله شلون انسانة لطيفة حگعد مكابلتها يوم كامل 😒
سلمت ع إياز و اكيد مسلمت علية عافتني وراحت اني هم طنشت لأن إياز گلي عيب .. دخلنا جوة والعائلة الكريمة كلها هنا .. عائلتي و خالاتي وخوالي وجهالهم والدنيا محروگة ، سلمت عليهم كلهم يمكن ربع ساعة اني بس أسلم ، بس يلة ع الأقل ناس أعرفهم .. إياز طلع هو و أحمد مدري شديجيبون وأني بقيت وحدي گاعدة يم نياز
- أم أفين : ع الخير زواجچ عروسة ، تعذرينة مكدرنة نجي نباركلچ
- سيلين : تسلمين خالة من ذوقچ
- مرام (خالتي ) : عيني من همة و صغار مفصلين واحد للاخ
- مدينة (مرة خالي ) : يي الحمد لله ازوجتوا
- أم سيلين : يي الحمد لله إياز خوش ولد
- مرام : وين يلگة بنية مثل سيلين معدلة
- أفين : يي تشربون شي اجيبلكم
موتي قهر يا نگسة 😈 يا ربي عبالك مي بارد و على گلبي .. ظلوا يسولفون النسوان على كم شغلة إلى أن دخلت وحدة من بنات خالاتي شايلة ابنها يمكن عمره 4 شهور هيچ شي.. حبيبي يخبل كلش صغيروني ..
- مرام : انطوه للعروسة خل تشيله
- سيلين : اني ؟
- أيلاف (أم الطفل ) : هاچ عروسة شيليه
يعني اني عندي أخوية صغير ودائما اشيله و أهتم بيه و اخواني كلهم أني شايلتهم.. بس من شلت هذا الطفل مدري اكو إحساس غريب جواية ، نيالها ، أول كلمة گلتها من أخذت هذا الطفل من أمه
- سيلين : شنو اسمه ؟
- إيلاف : هاي بنية .. اسمها أتنة
جنت واگفة و البنية بين ايديناتي لزمت إيدها الصغيرة وبستها وبديت العبها وهي حبيبي شلون حلو تضحك
- مرام : يوم اللي تنرزقين انتي وإياز بهيچ طفل
- أم سيلين : امين
- إيلاف : هاي اذا ما اكو حاليا واحد هنا
وضربتني على بطني خفيف
- مرام : حت لو اكو وگعتيه
وگاموا يضحكون .. بس اني لزمتني عبرة .. إذكرت حچي أفين و حچي مريم ، وگفت دمعة بعيني و غصة بس ردت اطلع منا .. أنطيت البنية لأمها و على وجهي ابتسامة مصطنعة و طبيت جوة للحمام حت أغسل وجهي ، انوب طلعت جان إياز جاي ومستلميه هو هم يصيحوله العريس .. وشوكت تصير اب و نفرح بيك .. وأني واگفة بعيد اباع و اعض على شفتي حتة ما ابچي ..
رجعنة ثاني يوم ل بغداد وجنت كلش مكتأبة ، الطريق كله محچيت شي وحت من رجعنة گبل رحت نمت
گعدت من النوم ، نزلت جوة ماكو أحد بالبيت يجوز إياز طالع ... مالي نفس أكل .. بس شفت زهراء دازتلي رسالة ، مالي خلگ اجاوب اكيد دتسألني على نفسيتي من ورة حچي ذاك اليوم بس خطية اكيد ظال بالهة .. أخذت تلفوني و صعدت فوگ .. گعدت على الفراش وخابرتها ظلت تواسي بية و من هالحچي بس اني گلبي اصلا چان يوجعني ، انتظرتها تخلص وسديت التلفون ، متحملت گمت ابچي .. بچيت حتة اطلع الحرگة اللي ب گلبي بلكي أرتاح .. اني ودا ابچي دخل علية إياز
- إياز : سيلين ؟؟ هاي شكو صايرلچ شي ؟؟
انوب من شفته وسمعت صوته شلون ظال باله گمت ابچي بالزايد
- إياز : گوليلي شبيچ ؟ منو بچاچ ؟؟
- سيلين : 😭😭
- إياز : شكو عمر صارلة شي
- سيلين : لا اسم الله عليه اهئ ما بي شي 😭
- إياز : لعد شكو ؟ سارة وعمر تعاوفوا ؟؟
- سيلين : لا 😭😭 اصلا تزوجوا 😭
أجة يمي وبدة يمسح دموعي
- إياز : أدري لعد شبيچ فهميني ؟
- سيلين : معليك وخر من يمي ما أريد اشوفك😭
عافني إياز و نزل جوة .. شگد خرة اني انوب طلعت قهري ب إياز عود هو جاي ديواسني ..
و ع غفلة ما شوف غير شلال مال نساتل وحلويات بحضني . رفعت راسي شفت إياز جايب علاگة نساتل كلها فرغها بحضني
- سيلين : هاي شنو 😢
- إياز : دائما اسمع انه الحلويات تحسن مزاج البنية .
- سيلين : يي و جبتلي حلويات ؟
- إياز :يب .. يلة هاي كاكو و حلويات اكلي حتى تصيرين زينة
- سيلين : انوب فوگ قهري اسمن 😢
- إياز : اصلا الأكل مخدرات حلال
- سيلين : تفهمني 😂😂
مدري اضحك مدري اكمل بچي بالزايد .. وخرت الحلويات من حضني وبديت اكل و امسح دموعي .. يلة كيلو زيادة ولا هذا النكد اللي اني گاعدة بيه
