هلو حبايب
قبل لا ابدي ب البارت
ردت اعتذر منكم لأن صار فوك ال 3 شهور اني ممنزلة أي شي ، بس والله ظروف 😅😞
تخيلوا دوخة التقديم مال كلية و القبولات وراها المباشرة وهاي لل شهر 11 يلة خلصت هالدوخة وانقبلت طب اسنان 😑و انوب انقلت من كلتي ل كلية اللخ وفايتني كومة قراية و أحس نفسي محنجح هالسنة مثل العار 😒
وفوك هاي الدوخة قبل فترة كسرت اصبعي وجبسولي ياه وعلما شلت الجبس 😂💔
المهم شكرا لكل اللي علقوا البارت الفات مكدرت اجاوبهم كلهم واكوللهم ياتني أخيرا راح أكمل 😊❤
يلة هسة نرجع للبارت 😆
(( حب الجميع ، ثق بالقليل ، أخطأ بحق لا أحد ))
-
وليام شكسبير
Zahraa's P.O.V
- زهراء : عليي .. حياتي .. حيوان .. علاوي .. جدوو
- علي : ممم
- زهراء : شكو خابرت اذا محتحچي 😑
- علي : ياتني واگف گدام الصيدلية
- زهراء : اوك جيت دقيقة
سديت التلفون و نزعت الصدرية البيضة ع السريع ، شلت جنطتي وقبل لا اطلع إذكرت
- زهراء : وسام مو تنسى تقفل ورة ما تطلع
- وسام : دائما اني اقفل مو جديدة 😑
- زهراء : يي واجي الصبح اشوف معزل بدون متقفل الباب مثل العباقرة 😐👏
- وسام : چانت زلة 😑
- زهراء : يي المهم متتكرر. . يلة اني اروح .. بيباي
- وسام : الله وياج
طلعت من الصيدلية وشفت سيارة علي ، رحت ركض فتحت الباب وگعدت
- زهراء : هلوو 😊
- علي : هلو
- زهراء : هاهية بس هلو ؟ 😐
- علي : 😐
- زهراء : مو من عوايدك 😐
- علي : عوايدي ؟
- زهراء : يي
- علي : ليش اني شنو عوايدي ؟ 😎
- زهراء : يعني ..... من.... نتشاوف 😳
- علي : همم 😏
- زهراء : هففف ، انت تعرف 😖
- علي : شعرف 😏
- زهراء : أهووو . بعد شيخلصني 😑 عوايدك كل ما اشوفك تبوسني
- علي : ها شگلتي ، مچنت منتبه
- زهراء : مگلت يلة امشي خل نروح 😑
طبعا والله ديسويها ع القصد اني متأكدة ، بدة يسوق دنروح شوف وين عاجبه هو يروح لأن ذيچ المرة طلعنة اني اختاريت المكان ، المهم رحنة لفد متنزه يمكن قريب من الكورنيش ، بحيث بالسيارة وگفنة بنص المنتزه و اني احلف والله ميصير و علي ولا عبالك 😂👍 المهم نزلت أني من السيارة دا اشوف المكان چان كلش حلو 😍 و الجو هالفترة بداية شتة بارد ❤ بالصيف ماكو طير يگدر يجي هنا من الحر 😂💔 أنداريت شفت علي فاتح صندوق سيارته العالية يمكن نوعها جكسارة و گاعد ديباع ..
- زهراء : هاا شو گاعد هناك متنزل
- علي : ما بية
شبيه علي ضايج 😐 رحت گعدت بصفه لأن المفروض طالعين سوية
- زهراء : شبيك شو ضايج
- علي : مضايج اصلا فرحان طالعين سوية
- زهراء : واضحة الفرحة عليك 😑 حطير من الفرحة
- علي : يي وجهي السعيد مديتحمل
بسته ع خده
- زهراء : هسة المفروض وجهك يصير سعيد 🙈
- علي : محسيت بيها شو عيديها
طبعا والله ديسويها ع القصد هسة متأكدة ديسويها ع القصد
- علي : يي دا اسويها ع القصد 😆
- زهراء : اني گلت شي 😌
- علي : غير احصل وحدة اللخ 😆
- زهراء : اني چنت ناوية انطيك وحدة اللخ بس بعد حچايتك هاي ما انطي 😌 گولي هسة ليش ضايج
- علي : مو هيچ السالفة .. قبل ساعة چنت يم طبيب الأسنان و ضربني مخدر هسة شفتي مدا أحس بيها وفكي هم مدا أحس بيه
- زهراء : ويي بكل شي متحس
- علي : يي شفتي خو احسه اختفت بالكوة دا احجي
- زهراء : ولا دا تحس بهاي
و بسته ع شفته
- علي : شو عيديها مرة اللخ يمكن دا أحس ديرجع الإحساس 😎
- زهراء : ييع لو تموت طعمها عبالك ديتول 😷
- علي:تشتغلين ب صيدلية و 24 ساعة يم المطهرات و الأدوية و على هاي صار طعمها ديتول 😒
- زهراء : 😑
- علي : 😕
- زهراء : زين هسة شنسوي
- علي : ما ادري نبقة في صمت نباع ع المي هيچ و نعيش الجو الرومانسي 😐
- زهراء : اوكي تمام
مدا اگدر اگعد هيچ اول مرة نطلع سوية وهيچ هدوء بيناتنة 😑 ظليت احوص مرة اتربع ، مرة احط رأسي ع چتفه ، مرة اتچي أيدي ع رجلة واحط أيدي ع خدي
- علي :انتي ميفيد بيچ ، شو تعاي
جرني من أيدي و گعدت بحضنه بحيث ظهري على ايده مثل الجهال حاطني بحضنه
- علي : لابو الأجواء الرومانسية
- زهراء : ممتعودة هيچ نظل ساكتين من نطلع 😂
- علي : يي ماكو أحد تتعاندين وياه 😏
- زهراء : يي ماكو جدو اضوجه من نطلع 😆
- علي : جدو مديگدر يحچي
- زهراء : لا دا احسك صدگ جدو شايف من يحطون تخم مال سنون هم هيچ بعد ميحجون 😆
- علي : 😒
- زهراء : 😌
- علي : اول مرة اشوف وحدة تگول ل حبيبها جدو
- زهراء : اول شي انت ألي گلت اني حفيدتك 😌 ثاني شي انت شايف واحد يگول ل حبيبته سنجابي
- علي : انتي تشبيهن السناجب شسوي
- زهراء : وانت هم بگد جدي أكبر مني ب 9 سنين
- علي : زهراء 😐
- زهراء : ها ؟ 😕
- علي : أنتي يا برج ؟
- زهراء : ليش ؟😕
- علي : هيچ دا أسأل
- زهراء : ليش دتسأل .. يعني عود دتغير الموضوع
- علي : لا عادي اني أبقة اسمع عنادچ بس أريد اعرف 😇
- زهراء : ما أگول 😒
- علي : لا الله عليچ
- زهراء : ما لو تموت
- علي : زين تاريخ ميلادچ
- زهراء : شوف اني چنت ناوية انطيك تاريخ ميلادي حتة تفاجئني بعيد ميلادي و كذا بس بعد ما انفتح موضوع الابراج ما أكول 😑✋
- علي : ل خاطري
- زهراء : ما
- علي : حياتي زوزو يا عمري
- زهراء : مااا
- علي : بعد گلبي
- زهراء : ماااااااا
- علي : يمة فدوة اروحلهة
- زهراء : ميفيدك هذا الغزل كله
- علي : حتة باچر هم أجي ونطلع
- زهراء : يوميا اني وانت دنطلع
- علي : اوكي انتي گولي برجچ وأني أگول برجي
- زهراء : هففف مدري شقفلت ع سالفة الابراج
- علي : 😇
- زهراء : اوكي بس مو تضحك و لا تصنف 😑
- علي : اني شكول واحد يصنف 😇
- زهراء : يي 😒
- علي : هاي ليش هيچ ماخذة عني نظرة سيئة 😓
- زهراء : الثور
- علي : منو الثور ؟؟
- زهراء : نكلگس اني ..
- علي : انتي ثور ؟! 😅
- زهراء : لك لا 😂😂
- علي : اول مرة اشوف وحدة تشبه السناجب تگول ع نفسها ثور
- زهراء : خب اني برج الثور
- علي : انتي برج الثور 😁
- زهراء : يي 😒
- علي : من هذا عنودية 😑
- زهراء : يلة انت يا برج
- علي : الحوت
- زهراء :حوت مو گتلك أبو كرش متصدگني 😂
- علي : ها هسة منو ديصنف يا ثور 😕
- زهراء :أهووو اني بعدني مخلصانة من السنجاب انوب ثور
- علي : عموما عوفچ من الابراج هسة اني دا اشك دا أحس احساس انه ديرجع إحساسي ب شفتي
- زهراء : أحس ديرجع احساسي .. كلشي مفتهمت من الجملة مالتك صراحة 😕
- علي : ماكو داعي هسة اتأكد بنفسي
وباسني من شفتي .. انوب صاير يبوس عبالك من كل گلبه بحيث مينطيني مجال أتنفس
- زهراء : اوگف دا أجر نفس
- علي : شوفي ديرجع الإحساس
- زهراء : انت بدون إحساس .. بوضعيتنا هاي هسة يلزمونة فعل فاضح بالطريق العام 😂✋
- علي : ما أهتم
ورجع باسني مرة اللخ
- اني متأكد هنا .. عزة أني أسف
وخرت بسرعة من علي و ظليت فاتحة حلگي من الصدمة اكو أحد شافنة .. عزة عزة بعيني شنو هالموقف النگس 😱🙊
- علي : أثير ؟ شعندك هنا
انوب عرف .. يا ريت لو أحد غريب ، مدا اگدر أدير وجهي واباع من الاحراج
- أثير : چنت جاي الكورنيش وي الجهال وشفت سيارة راكنة تشبه سيارتك و حاط ميدالية سنجاب گلت هذا اكيد علي ..
- علي : انت قاطعت أهم لحظات حياتي 😒
- أثير : يي قاطعت أفعال إباحية بالطريق العام 😆
- علي : لا رجاءا گولها عدل .. فعل فاضح بالطريق العام
خرب خرب خرب .. أريد اموت هسة لو أموت علي هي وحدة من الاثنين .. هسة مدري شسوي اندار أسلم ع أثير لو اغلس لو ابچي من الاحراج
- علي : هسة ولي منا مدشوف حرجتها للبنية
- أثير : هي زهراء قابل أحد غريب 😆
- علي : ع گولتك
- زهراء : انتوا شكد حيوانات شوي حسوا اني حبچي من الاحراج
- علي : انتي تقنيا دتبچين
- زهراء : يي المفروض شوي تحسون و تغلسون
- أثير : أحم .. أحم .. اني اعتذر يعني
- زهراء : بعديش 😒
- علي : يي هسة شتريد
- أثير : دا أعزمكم تجون ويانة الكورنيش
گمت من حضن علي و نزلت من السيارة دا أعدل البدي مالتي
- زهراء : يي نجي
- علي : ها
- أثير : اوكي اني ارجع ل سيارتي وانتوا تعالوا ورانة
- علي : اوگفوا اني ما أريد آر..
- زهراء : اوكي تمام أحنة وراك
وراح أثير
- علي : اني ما أريد اروح للكورنيش وي الجهال
- زهراء : اني عاجبني اروح
- علي : المفروض أحنة طالعين سوية
- زهراء : أريد اشوف جهال أثير 😇
- علي : شتشوفين منهم هسة يكرهوچ ب ساعة السودة اللي تعرفتي على أثير بيها 😑
- زهراء : يلة لخاطري خل نروح
- علي : الله يصبرني
صعدنة للسيارة و مشينة ورة سيارة أثير إلى أن ركناها بالكراج ونزلنة وشفتهم لجهال أثير .. يا الله عبالك ملائكة يخبلون .. همة بنية و ولد عيونهم ملونة اثنينهم بس شعر الولد جوزي طوخ هيج مو اسود و البنية شگره مبين البنية أكبر من الولد .. شكلهم جايين وحدهم لأن أمهم ماكو ، حرامات ردت اشوفها ل مرة أثير بس الظاهر حلوة لأن البنية تخبل و هو أثير مو اشگر يعني اكيد هي شگرة ..
- زهراء : يا ربي يخبلون عبالك ملائكة مو جهال 😍
- علي : لا حياتي هسة تتعرفين عليهم وتشوفين😨
- زهراء : دباع عليهم شكلهم شگد بريء و حلو 😙
- علي : ذولي حلوين لأن من نسل إبليس نفسه اني ليش احچي هسة همة يشوفوچ 😫
- أثير : يلة امشوا خل ندخل للألعاب
- هاي عمو علي
- علي : هلوو حمودي
أجة الولد ركض حضن علي و البنية لزمت ايد ابوها يمكن استحت من عندي
- أثير : بابا عسولة روحي سلمي ع عمو علي
مجاوبت بس ضمت راسها ورة أثير
- حمودي : انتي منو ؟
- زهراء : ها اني زهراء
- حمودي : عمو هاي صديقتك
- علي : يي .. حلوة ؟
- حمودي : يي حلوة 😇
- علي : تشبه السناجب مو بلة ؟😆
- زهراء : باع شديعلم الولد😒
- حمودي : ما ادري ، انت تشوفها تشبه السناجب ؟
- علي : يي😏
- عسولة : وين اكو خالة زهراء حلوة عبالك عارضة ازياء 😝
- زهراء : اوي فدوة لگلبچ . . يي گوليلة اني ما أشبه السناجب 😌
- علي : بس عيونها كبار و سودة مثل السنجاب 😎
- حمودي : مثل السنجاب اللي ب سيارة عمو علي😳
- عسولة : يي والله 😳
- زهراء : لا يا ربي .. حت انتي 😣
- أثير : يلة امشوا حظلون واگفين هنا
ورحنة للألعاب واني مخليت لعبة حسرة بگلبي كلها صعدتها وي الجهال 😆 احس نفسي استغليتهم 😂 انوب آخر شي ردنة نصعد العبارة اللي بالمي وخطية أثير هذا كله هو ديدفع على حسابه 😂💔 صعدنة العبارة وگعدنة أحنة ع الميز و الجهال راحوا وكفوا يم الحافة قريب من المي ديباعون
- علي : أثير
- أثير : ها
- علي : شنو برجك ؟
- أثير : شنو مناسبة هذا الموضوع
- علي : هيچ قبل لتجي وتقاطع علينا البوسةچن..
- زهراء : واو شلون موضوع لطيف تريد تذكره 😒
- علي : يي خوش موضوع 😏 .. المهم چنة دنحچي ع الابراج وهسة صفنت انت يا برج
- أثير : العذراء
- زهراء 😐
- علي بالمصري : احنة هنكدب من أولها 😎
- زهراء : 😂😂😂😂😂😂👌👌
- أثير : لا جديات لتضحكون اني برج العذراء
- علي : هي خربت من انت صرت عذراء 😕👌
- زهراء : 😂😂😂
بعدها راح أثير ورجعني علي للبيت
- علي : باچر عندچ دوام ؟
- زهراء : يي عندي ليش
- علي : لا هيچ عبالي نطلع نسوي شي
- زهراء : ميرهم ورة دوامي مثل اليوم ؟
- علي : تمام ورة الدوام اجيچ ، ساعة بيش تروحين للدوام الصبح ؟
- زهراء : يي يعني فد ب 10 ب 11 اروح وأبقة للعصر 😊
- علي : تمام أجي عليچ العصر ..
- زهراء : يلة بيباي
- علي : تصبحين على خير
- زهراء : وانت من أهله
باسني ع خدي وطلعت من السيارة دخلت للبيت .. ماما ب ببيت جدي هالفترة لأن جدي مريض و بابا اكيد ديباع أخبار .. اني طبيت سلمت ع بابا صعدت بدلت وراها سويت عشة و نمت
گعدت ع كيفي ثاني يوم چانت ساعة 9 بديت احضر نفسي حتة اروح للصيدلية ، سبحت بدلت مكيجت مدري شنو المهم بال 10 طلعت من البيت دا اتمشة للصيدلية مالتي بالطريق وشفت وسام
- زهراء : صباح الخير 😊
- وسام : صباح النور
- زهراء : شعجب شو اليوم دتجي مشي
- وسام : بيتي مو هلگد بعيد من الصيدلية بعد ليش ادوخ نفسي بالسيارة وطبگتها عفتها بالبيت
- زهراء : يي أحسن
ظل وسام الطريق كله يتمضحك ويسولف واني اضحك وياه .. وسام چان جيرانة وابوه من معارف ابوية بس شالوا لغير بيت ف شوي صار بعيد من عدنة و صدفة اني انقبلت صيدلة وهو كمل معهد طبي وصار معاون صيدلي . مو فتحت الصيدلية بعد هو گام يشتغل وياي لان مو مال اني بنية اشتغل وحدي بالصيدلية
تمشينا إلى أن وصلنا قريب من الصيدلية وسام راح قبلي حتة يفتح الصيدلية وأني تمشيت على كيفي وراه إلى أن شفت بنية يمكن تطلع بال 30 لو أكبر يعني المهم شكلها مزوجة و عدها جهال ظلت صافنة بوجهي وراها مثل اللي حست على روحها و وخرت من الطريق صعدت بسيارة مركونة على صفحة ، صفنت ع السيارة شكلها مو غريب
- وسام : وي نسيت المفتاح مالتي مال صيدلية بسيارتي خرب
- زهراء : وين بالك 😑 هاك هذا مفتاح
انطيت المفتاح ل وسام ورجعت باوعت ع السيارة چان انتبه ل ميدالية السنجاب .. هاي سيارة علي والله عرفت شكلها مو غريب
- زهراء : عليي .. صباح الخير
سويت هلو من بعيد بس اول ما سويت شتغلت السيارة وراحت
- وسام : أحد تعرفيه ؟
- زهراء : لا خربطت بالسيارة 😅
اني متأكدة هاذي چانت سيارة علي شنو معناته هذا التصرف السخيف يتجاهلني ويروح 😡
اليوم كله اني ماخذة وضعية المرة اللي رجلها كنسل طلعة وياها حتة يتفرج لعبة او ك مرة توها مطلگها رجلها ..
- وسام : زهراء
- زهراء : هااا ! 😒
- وسام : شبيچ مچنتي هيچ الصبح
- زهراء : ما ادري ضجت أحس نفسي حطگ
خطية وسام كل شوية مرزلته بدون سبب ومطلعه ضوجتي بيه أحس نفسي حيوانة 😑
- وسام : ولو ميصير أجيب هذا الطاري بس انتي صيدلانية وأني معاون يعني عادي هيچ موضوع
- زهراء : ؟ 😕
- وسام : هذا اسبوعچ من الشهر ؟
عزززة .. يا فضيحة ما بعدچ فضيحة 😱😖😳 شنو هالموقف الخزي اللي حاليا اني بيه .. منو داعي علية .. شون موقف زبااالة 😱 يعني هسة شجاوبه
- وسام : اذا تريدين اكو دوة مال ...
- زهراء : اسكت اسكت خرب يومك 😭😖
- وسام : لا مو عل..
- زهراء : اسكت بابا مدتشوف حرجتني 😢 يعني اوكي اني داگة ميانة وياك بس ترة اني هسة أريد أدخل بنص هدومي .. حبچي 😭😭
- وسام : اني أسف 😅
- زهراء : أرجوك لتصير گدامي اليوم
- وسام : مالي عين اصلا اترزل بعد 😂💔
ظل وسام واگف وأني دخلت المخزن مال أدوية ومن صدگ ردت ابچي من الموقف النگس هذا 😂💔
فترة الدوام كلها مطلعت من المخزن بس مرتين مرة لأن عطشت و مرة جتي مرة دتسأل ع علاجات نسائية و هاي المرة شكلها ابد مو غريب ... اني ضايجة مالي خلگ بس ردت أخلص منها حتة ارجع اگعد ب المخزن بحدي بعيد أبعد البعد عن وسام 😂💔 .. المهم خلصت الفترة مالتي بالصيدلية و مو بداية شتة ف عبالك بدت تليل الدنية من وكت المهم طلعت و أول ما طلعت شفت الافندي جاي دينتظر گبال الصيدلية 😒 طبعا اني حاليا صايرة بارود من الصبح دا أحرگ بدمي و هسة صار گبالي بحيث الله يستر يمكن حتعارك 😡 .. رحت للسيارة فتحت الباب وحاولت قدر المستطاع ابتسم
- زهراء : هلوو 😃
- علي : هلو ☺
شلون ابتسامة مستفزة 😒 صعدت للسيارة و طلعنة بس هم هدوء مثل البارحة
- زهراء : وين نروح ؟
- علي : ما ادري انتي اختاري
- زهراء : ما كو ابالي أي شي انت شوف
معلق شي .. اني ظليت اباع ع الطريق بس لاحظت انه رجعنة طبگنة فبال الصيدلية مالتي
- زهراء : شو هنا ؟
- علي : گلت نجرب نطلع لمكان جديد
- زهراء : بالصيدلية مالتي ؟😕
- علي : لا عيني ب المخزن مال صيدلية مالتچ !
- زهراء : ¿؟⁉
هذا شديحچي النگس
- علي : زهراء أريد أسألچ سؤال وبكل صراحة صارلنة فترة طويلة سوية ولحد هاللحظة و لا مرة فتحتي موضوع جدي وياي
- زهراء : علي ؟!
- علي : لا فد يوم گلتي ع موضوع زواج أو خطوبة مثل باقي البنات ..
- زهراء : مدا افتهم انت بشنو دتحچي بس اني ابد مجاي ابالي ...
- علي : بعد اتعس .. محسستني انه اوكي أحنة بأي لحظة ممكن كلمن يروح بطريقه عادي
- زهراء : هسة ممكن أفهم ليش فتحت هذا الموضوع هسة شنو مناسبته اني ممفكرة ..
- علي : طبعا ممفكرة و لا رايدة اصلا ليش .. اكيد لأن العينتين موجود اصلا بالصيدلية
- زهراء : يا عينتين !!
- علي : العينتين اللي مگضيها ضحك وشقة لا وفوگاها ب المخزن مال صيدلية
- زهراء : !!!!
- علي : بلة خل ننزل نشوفه بعده موجود
- زهراء : وين تنزل !! وشدتحچي! ! شنو هالخرط سللي دتخرطه!
- علي : يي ميصير نجيب سيرة العينتين بلة خل نحچي وياه نتعرف عليه !
- زهراء : لتدخل وسام بهذا الخبال الي دتگوله !
- علي : فوگلها تجيبين اسمه گبالي !!!
وضرب الستيرن مال سيارة كلش قوي بحيث الهورن فزز كل اللي داير ميدورنة
اني مدا استوعب علي شديحچي كلش مصخها حت مدينطيني مجال ارتب دماغي و اشرحله ..
