* الكلام اللي بين قوسين بغير لغة بس مردت اكتب بالفصحى حطيت بين قوسين 👌
************************************
(( عندما يكون الحب بلا جنون
فهذا ليس حبا ))
_
پيدرو
Celine's P.O.V
گاعدة کالعادة لا شغل ولا مشغلة دا أنتظر إياز يجي .. راح گلي عشر دقايق واجي وماكو لحد الآن و البنات صار فترة من آخر مرة حچينة بحيث هسة مخنوگة مدري شبية .. انوب حت مگلي وين رايح ع الأقل ميظل بالي .. خابرتني نياز هيچ دتريد تسولف اني هم حچيت وياها إلى أن أجة إياز .. سديت التلفون
- سيلين : شو تأخرت
- إياز : معبالي اکو هلگد إجراءات لازم نسويها
- سيلين : إجراءات ؟
- إياز : يب حجزت تذكرتين ل تركيا
- سيلين : چذاب
- إياز : يي والله
- سيلين : الله !! حنروح نصيف بتركيا
- إياز : يي
- سيلين : بس شعجب منك من الشيطان
- إياز : هاي هيچ ظن بية سيء
- سيلين : يي انت نگس
- إياز : 😂😂😂😂 يلة جيبي ماكو روحة
- سيلين : لا أشاقة عيني بن خالي
- إياز : يي اني هم توقعت 😆
- سيلين : بس لا صدگ أريد اعرف
- إياز : چنت احچي وي أمي واقترحت الفكرة اني هم گلت ليش لا سويت إجازة وطلعت الفيس وهسة حجزت طيران
- سيلين : شوكت الطيارة ؟
- إياز : باجر
- سيلين : لعد احضر غراضي
رحت حضرت جنطة كاملة ملابسي و مكياجي و هوستي المهم حضرت نفسي و الليل كله معرفت انام من الحماس الزايد .. ثاني يوم بعد ما مگدرت گعدت إياز من صباحيات رب العالمين و الحماس كاتلني رحنة للمطار وبعد إجراءات كومة معقدة و 4 تفتيشات و هوسة أخيرا أخيرا طارت بينة الطيارة ورحنة لتركيا ... أول ما طلعنة من مطار أتاتورك ( مطار اسطنبول )
- سيلين : يلة وين نروح
- إياز : نروح نشوف فندق و انام
- سيلين : ما .. أريد اطلع
- إياز : حرام عليچ ميتين تعب
- سيلين : هذاي كلها ساعات من العمر امشي نتونس بيها
- إياز : تونسي وحدچ اني اروح انام وارتاح
- سيلين : شگد تنبل
- إياز : زين أنتي هنا تندلين ؟ تعرفين تحچين وياهم ؟
- سيلين : لا
- إياز : لعد امشي گدامي نروح للفندق
-سيلين : اففف
كسر واهسي .. رحنة للفندق اخذنة سويت .. اللي افتهمتة تركيا كلش رخيصة لأن كل 100 دولار أمريكي يساوي 300 ومدري شگد ليرة و أحنة كل 100 دولار يساوي 145 الف دينار عراقي .. يعني عملتهم كلش رخيصة مقارنة ب الدينار .. المهم دخلنا غرفتنا وإياز بوجهة حت بدون ميبدل راح تمدد ع الفراش دينام
- سيلين : ايييااز. .. أريد اطلع 😣
- إياز : لتنعوصين
- سيلين : ما اني طالعة طالعة حت لو وحدي 😒
- إياز : واذا ضعتي
- سيلين : ما اضيع
-إياز : شكلچ حضيعين 😐
- سيلين : معلية اني حروح 😒
- إياز : اوگفي
- سيلين : هاا
- إياز : اكو بطاقة مال مترو و مال قطار وبيها فلوس اصلا ع الميز اخذيها .. وطلعي فلوس تركي من المحفضة هناك ع الميز همين
- سيلين : شگد تنبل گوم انطيني ياها
- إياز : ما بية أريد انام
- سيلين : تنبل
رحت أخذت البطاقة و المحفضة علما انداريت شفت إياز نام .. شكلة صدك تعبان 😐 .. أخذت مفتاح الغرفة ونزلت دا اطلع بس قبلها أخذت كارت الفندق أخاف اضيع ع الأقل أشوفه لأحد يدليني 😅 . و طلعت .. احس نفسي كتكوت مضيع أمه بنص هذولي العالم كلها ، بحيث من الخوف إلا شوية و ابچي .. وكل شوي أگول ل نفسي قابل اول مرة اطلع وحدي وماكو فائدة بعدني خايفة .. أخذت تلفوني سويت اشتراك ع النت و خابرت البنات بعد ما اتحمل
- سيلين : الحگوني سويت مصيبة
- مريم : شنو اغتصبتي إياز هالمرة
- زهراء : منو استفزچ دسوين هيج
- سيلين : لا لكم لا 😂😂 اني ب تركيا
- زهراء : و متگولين يا خاينة
- طيبة : ترة محنضربچ عين عيني گولي
-سيلين : لا و القرآن صارت فجئة بحيث اليوم وصلت
- مريم : لعد شنو المصيبة اللي سويتيها
- سيلين : طلعت وحدي بشوارع تركيا وهسة ما ادري وين اروح
- مريم : بس ؟ علمود هاي مرعوبة ؟
- سيلين : لچ ماكو بس أهل المحلات يحچون انگليزي أريد أسأل أحد ماكو كلها تحچي تركي😢
- زهراء : شكو طلعتي من البداية
- مريم : باعي لتخافين مضيعين أهم شي عندچ كارت الفندق مالتچ ؟؟
- سيلين : يي 😢
- مريم : اوكي باعي اني أفضل تروحين ب المترو لأن أرخص بس بحالتچ روحي أخذي أقرب تكسي كدامچ و انطيني احجي وياه ... انتي وين تريدين تروحين ؟
- سيلين : ما ادري أي مول
- مريم : اوكي يلة أخذي التكسي
أخذت تكسي و انطيت التلفون ل أبو التكسي و گبل گام يسوق .. رجعلي التلفون
- طيبة : يلة انحلت .. اني اروح
- سيلين : لا خليكم وياي لتعوفوني بحدي
- مريم : باعي روحي ع گروبنة بالفيس بوك سوي لايف و مناك نحچي
- زهراء : يي أحسن حتة نتفرج
- سيلين : اوكي
سديت التلفون و فتحت فيس .. طبعا عدنة گروب ع الفيس بس احنة ال 4 كلما وحدة بينا تروح تسوگ تسوي لايف حتة نتفرج وياها 👌
سويت لايف ودخلت للمول
- سيلين : يي وين اروح ؟
- مريم : انتي شتريدين ؟
- سيلين : محل يبيع ملابس سباحة
- زهراء : عزة بعينچ رحتي ل تركيا انحرفتي
- سيلين : لج اوكفي دا افسرلچ مخططاتي الشيطانية 😈
- طيبة : ارجو ولا وحدة من مخططاتچ الشيطانية نجحت قبل
- سيلين : لا هالمرة غير .. باعوا أحنة اكيد حنروح ل شط البحر ف اكيد حنسبح اني هناک حلبس مايوه
- مريم : ليش عود 😒
- سيلين : حتة اخليه يغار 😆
- زهراء : طاح حظچ على هالفكرة الخبلة😂😂
- طيبة : شكله حيكتلها مو يغار عليها 😐👌
- مريم : كل عقلچ .. هو هذا المخطط الشيطاني
- سيلين : ترة مبقالي بس خيط الأمل الضعيف هذا جربنا كلشي مبقة بس نخليه يغار 😐
- زهراء : سيلين ترة هالمرة غير .. كل مرة انتي بالبيت تتخبلين براحتچ بس هالمرة حتلبسين مايوه گدام أمة محمد التركية ..
- سيلين : يي وشكو بيها
- زهراء : الله يثبت عليچ العقل
- مريم : ماكو فائدة .. روحي جيبي مايوه روحي .. بس گوليلي حيسوون فاتحتچ ب تركيا لو بالعراق
- سيلين : عفية بيكم خوفوني خوفوني
- طيبة : الله يستر
طبيت لمحل ملابس السباحة و اكو كومة دا باع صار گدامي البيكيني
- مريم : يلة متاخذين
- سيلين : لا عزة مو لهلدرجة مو مال بيكيني
- مريم : لعد شعبالچ هي هاي المايوهات و البيكينيات
- سيلين : لا مو هي اني أريد أبو القطعة الوحدة مثل ذني اللي نلگاهم ب بغداد بالكوخ
- زهراء : روحي اسألي
- سيلين : ما اعرف تركي .. مريم انتي احچي وياه
- مريم : ترة اني ما اعرف بس عناوين وشلون احچي وي أبو التكسي 😅
- سيلين : شلون هسة
- طيبة : روحي جربي بالانگليزي
رحت لصت كومة بالانگليزي و الظاهر مدتفتهمني انوب استخدمت لغة الإشارة وماكو فائدة .. الله يساعدها للبنية شلون مطگت ضحك .. آخر شي خرطت بالكردي چان تفتهمني ، من الفرحة ردت ابچي
- زهراء : افتهمتچ أخيرا 😭
- سيلين : يي 😢
- طيبة : يلة روحي قيسي اي واحد
جريت أي واحد و رحت قسته عود دا أشوفه للبنات
- سيلين : عزززة
-طيبة : مدا اتحمل اباع
- مريم : ردت أگول شي بس ما ادري ضاع الحچي
- سيلين : لا عزة ما اگدر البس هيچ عزة كلش عيب هاي شنو
- زهراء : لعد شكو اقترحتي الفكرة
- سيلين : مدري هاي الفكرة الخرة منين جتي برأسي
-زهراء : امشي لچ لبسي هدومچ و طلعي من هذا المكان
- سيلين : يي خل أبطل مخططاتي الشيطانية احسنلي
لبست هدومي و قبل لا اطلع شفت لبس مال سباحة عجبني .. مگدرت رحت دا اشتريه
- مريم : شدسوين ؟
- سيلين : محشتري مايوه حشتري لبس سباحة عادي
- زهراء : شنو الفرق 😒
- سيلين : هسة اشوفچ ياه
- طيبة : ترة ما ادري شنو فرقه عن ملابسچ العادية
- سيلين : أهم شي الفكرة 😂😂
- مريم : اشتري اشتري الله يشفيچ .. قابل اول مرة تسوين مصايب
- سيلين : لعد شكو متمنعيني عن المصايب
- مريم : اعرف ماكو فائدة متقتنعين بحچيي ف اسوي المصيبة وياجچ احسن 😂👌
اشتريت اللبس و وياه واقي شمس و مرهم وطلعت من المول كله ما أريد أسوي أي شي بعد ومثل الثول قطعت الاتصال بالنت وراها إذكرت مريم حچت وي أبو التكسي .. أريد ارجع اخابر بس مدري النت مديشتغل مرة اللخ مدري شبيه .. طلعت الكارت مال الفندق وردت اوگف تكسي بس ماكو فائدة ما اعرف احچي وياهم .. كارت الفندق ب ظهره اكو مثل الخارطة مال مترو كلت ما اخسر شي هيج هيج اني ضايعة ، طلعت الكارت اللي انطاني ياه إياز اللي بيه فلوس و دخلت للمترو .. بأيدي الكارت و اباع على خارطة المترو حتة اعرف المحطة اللي أنزل بيها .. حبچي من صدگ حبچي من الخوف .. بس العالم همزين قليلين .. ومن دون هالناس كلها أجة واحد طويل وگف بصفي مدري أن گصيرة مدري الخلل من يمة .. ومن دون هاي الأماكن جيت وگفت بصفي اني واگفة هنا علمود الخريطة ... حاولت ما أدير بال و ظليت اباع ع الخريطة ، بقيت فترة هيچ إلى أن هو بدى يحچي عبالي ديحچي بالتلفون وراها حط أيدي ع چتفي اني هم اخترعت
- سيلين : عفية وخر ايدك
ظل يحچي وياي بالتركي يمكن .. مدا أفتهم ردت احچي وياه انگليزي .. شال ايده بس هو مفتهم علية الظاهر لأن ظل يريد يحچي .. استغفر الله .. صفنت
شون هسة .. أخذ الكارت من أيدي هنا اني مستحملت رزلته بالكردي بلكي يفهم
- سيلين : (( انت متستحي جيب الكارت ))
- (( اه كردية .. اني أسف بس انتي متيهة المحطة مالتچ ))
- سيلين : ياا (( انت كردي ؟ من العراق ؟))
- (( لا اني من أكراد تركيا بس لغتك افتهم عليها .. اسمي جوكان ))
- سيلين : أها (( اني سيلين ، طيب انت تعرف مكان هذا الفندق ؟))
- جوكان : (( لا بس المحطة اللي مكتوبة ع الخريطة مال كارت فاتتچ))
- سيلين : عزززة (( شسوي هسة ))
- جوكان : (( باعي تنزلين بالمحطة الجاية .. ولتاخذين المترو أخذي القطار لأن المسافة صارت كلش بعيدة .. ))
- سيلين : انا حد باصصلي في السفرية ديه (( تمام ومنين اروح للقطار ؟))
ظل صافن بوجهي شكله انصدم اني ما اندل شي 😅 ورة شوي وگف المترو بمكان
- جوكان : (( تعالي نزلي وياي ))
نزلت وياه وبدينا نمشي
- جوكان : ((انتي سائحة ؟))
- سيلين : يب (( جيت اليوم ))
- جوكان : (( شلون شفتي تركيا ))
- سيلين : ((بعدني ممفترة بس لحد الآن حلوة ))
- جوكان : (( حلو .. ما طول متندلين بهاي المحطة اللي حاليا أحنة بيها اذا رحتي من ذيچ الجهة حتوصلين لشط البحر هذي الجهة ميجوها سياح هواي فتصير شوي هادئة للسباحة ))
- سيلين : (( تمام .. وبعد شنو اكو ))
الطريق اللي مشينة بيه كله هو يدليني .. خطية مبين خوش ولد ، وصلني وصعد وياي بالقطار هو وگف وأني گعدت بس بالختلة طگيتله صورة حتة ادزها للبنات ..
