(( أن كنت ترغب بشيء ما بشدة
أمتلك الجرأة ل تراهن كل شيء
من اجل الحصول عليه ))
-
برندان فرانسيس
Celine's P.O.V
- سيلين : أريد طلاگ
گلتها .. اني ما أريد إياز ينظلم وياي ، وحت اني وين اگدر أظل هيچ .. مدا اگدر حتة اباع على إياز ، بس شو كلشي مديحچي .. انداريت إياز ماكو ، شنو طلع من الغرفة شو محسيت عليه من طلع .. گمت من الفراش هيچ بالشفاعات لأن أحس حيلي ميشيلني، طلعت من الغرفة شفت علاليگ بالباب مال غرفة ، شنو هاي .. فتحتها كلها بيها العاب مال اطفال ولد و بنات ، شنو هاي حيوديها هدية .. فتحت صندوق مال موسيقى بيه تهنئة مال طفل مكتوب بيها
(( اذا ولد نسميه سيروان واذا بنية نسميها ريماس ))
وبالنهاية تهنئة من أبو المحل ..
(( الف مبروك و يربى بعزكم ))
شنو هاي مدا استوعب ، دماغي بدى يرسم أمال و توقعات ما ألها داعي بهاللحظة .. بديت أتخيل انه أخيرا حيصير الي ردت أتمناه من البداية .. شلت العلاليچ ونزلت جوة ركض چان إياز واگف بالصالة ديباع ع الحديقة برة
- سيلين : إياز
باع علية بنظرة حسيته مثل الچلاب الصغيرة ذولي الچيواوا. . طبعا بس اني أشبه رجلي ب الچلب 😂المهم چنت واگفة يم الدرج وهو عيونه حمرة ، طلعت التهنئة اللي بصندوق الموسيقى
- سيلين : هاذي اللي أبالي ؟
مجاوبني بس حك ورة رگبته انوب خربط شعره مدري اكو ابتسامة مكسورة على وجهة فد شكل كلش قهرني
- إياز : أظن بعد قرارچ هذي الأشياء ما ألها داعي
ظليت صافنة عليه مدري اضحك مدري ابچي ، بس اكو إحساس غريب جواية هي فرحانة و أريد اگمز من الفرحة أريد اعيط .. مدري هي شنو النية اللي چانت اباله من اشتراهم بس اني أريد أفكر انه هذا اعترافه بحبه الي
Aiaz's P.O.V
ظلت واگفة تباع علية وأني بس أريدها تروح من گدامي مدا اگدر اباع عليها .. عيونها محمرة من البچي و دتعض على شفتها .. شو على غفلة گامت تضحك و تبجي بصوت عالي . تخبلت اني متأكد تخبلت خلص 😐 .. عافت العلاليگ و جتي ركض حضنتني و هي تضحك
- سيلين : لو تموت 😂
- إياز : ها ؟😮
- سيلين : اول ولد أسميه عمر على اسم حبيبي😆
- إياز : يعني اعتبرها موافقة😶
- سيلين : لاع إلى أن تگلي ياها بلسانك 😆
- إياز : شگول ؟😅
- سيلين : لتغلس گولي شچنت نواي من جبت هاي العلاگة شنو چنت حتگولي 😍
- إياز : ضروري 😅
- سيلين : ترة ارجع لقراري 😌
- إياز : تندمين 😏
- سيلين : صدگني ما أندم 😊😍
شلتها وياها العلاليگ مال الجهال و صعدتها لغرفة فارغة فوگ ما بيهة شي
- إياز : هذي حتكون غرفة ابنة سيروان
- سيلين : ابنة عمر 😍
- إياز : هم جابت سيرة عمر ، لعد بتنه نسميها سارة
- سيلين : ما ما أقبل مو بكيفك
- إياز : ولا انتي بكيفچ
- سيلين : خلص لعد أريد طلاگ 😒
- إياز بالمصري : هوة دخول الحمام زي خروگو
ذبيت العلاليگ و طلعنة من الغرفة
- سيلين : وين رايحين ؟
- إياز : رايحين دنسوي ابنة عمر 😏
