Fade Away (Just A Rebound 2)

11th Quarter: My smile fell

Shae’s POV

 

Bakit ba ang gaan gaan ng pakiramdam ko? Feeling ko, walang kahit na sinong makakapanakit sa akin. Pakiramdam ko, I’m good. Nagising ako na maaliwalas ang pakiramdam ko kahit pa baon baon ko ang pangamba na baka bumulaga na lang sakin isang araw ang mukha ni Cent. Bakit pakiramdam ko, handa na ako?

Dahil ba nakamove on na ako?

O baka naman dahil kay Mon? Kay Kaile kaya?

Gusto kong isipin na dahil sa sarili ko. Yung hindi nakasalalay sa ibang tao yung nararamdaman ko. Yung hindi ako nakadepende. Pero, minsan kasi, sila ang dahilan kung paano ka nakabangon sa pagkakalugmok mo.

Good Morning Shamie baby loves! Gising ka na! Love you!

 

Yan, isa pa yan. Nakangiti akong bumangon mula sa kama ko. Mon recorded his voice kasi tas saka niya sinet na alarm ‘yan. Ewan ko ba dun. Ang alarm ko kasi dati yung Muling Ibalik chuchu na ginawa namin ni Kaile. Inggitero much kasi yung Mon na ‘yun e. Ayaw patalo! Hahaha. Eh, siya naman ang best bud ko. Nakerr!

Nagbihis muna ako sa CR ng kwarto bago bumaba. Alam ko naman na ready na ang pancake at kape ko e. The best talaga ang Mama ko. Hahahaha. Sarap ng may nanay na nakabantay sa’yo.

Patungo na ako sa dining area nang marinig ko sa sound system ng kwarto ni mother dear ang..

Saying I love you 

Is not the words I want to hear from you 

It's not that I want you 

Not to say, but if you only knew 

How easy it would be to show me how you feel 

More than words is all you have to do to make it real 

Then you wouldn't have to say that you love me 

'Cause I'd already know

 

Saka itinigil ni Mama kasi palabas na siya ng room niya. “Gising ka na pala baby. At, bihis pa. Sige kain ka na.” Sabi niya sa akin. “Parang gumaganda ka ata ngayon ah? Blooming ang baby ko. Baka naman inlove ka na uli?”

“Maaaa....” Nasabi ko na lang.

“Shae, anak, hindi masama magmahal. Magmahal ka. Hindi porke nasaktan ka, puro sakit na lang. You deserve to be happy anak.” Saka siya ngumiti sa akin.

“Bakit ikaw Ma? Bakit, di na lang si Papa?” Tanong ko. Minsan naiisip ko, bat di na lang kasi sila e. No offense naman kita Kuya Cash ha. Pero, gusto ko naman yung may Papaber, mamaber at kerber no.

“May mga hindi kasi pwede. Hahahaha. Ano ba anak, ikaw kaya topic dito. Bat nalipat sakin? Kain ka na lang.” Sabi niya sa akin.

Hinayaan ko na lang yung palusot ni Mama. Ayaw niya pag usapan yung pag ibig niya kay Papa e. Nako naman! Lumalamon na ko ng pancake nung maalala ko ang More Than Words, unti unti na bang nagpaparamdam si Cent sa akin? Na kahit kailan di naman siya nawala. Kung tutuusin kasi, yan ang theme song namin e. Yan yung kinanta niya nung pinakilala niya ko sa parents niya. Nung nagselos rin ako kay Cam.