(بعد النهاية||)After the end

Chp.8

كومنت ع الفقرات

---------*

(اياد صحي من النوم ف معاد شغله كالعاده..

خرج من الاوضه و كان كل حاجه ف البيت زي ما كانت امبارح..

الورد لسه علي الارض و حواليه الشموع مطفيه..

الاكل لسه علي السفره مكانه و نور قاعده علي الارض سانده راسها ع الطرابيزه و دموعها نازله منغير صوت..

بص ل نور ببرود و دخل الحمام.. غير هدومه و خرج..

كانت نور علي نفس الحاله..)

اياد ببرود: انا هروح الشغل دلوقتي و هرجع بدري ع الساعه 6 كده..

(سكت اياد شويه)

عايزك تكوني جاهزه علشان نروح للدكتور و نخلص م الحكايه دي..

(نور مردتش عليه.. بصتله بعيون مليانه وجع و دموع..

اياد اتجاهل نظراتها و كان هينزل بس وقفو صوتها)

نور: ليه يا اياد؟

(وقف و بصلها ب استغراب)

نور: ليه كسرت فرحتي ب اجمل خبر ف حياتي؟

انت ما بقتش بتحبني؟

(حس بوجع ف قلبه من كلامها..

نفسه ياخودها ف حضنه و يقولها انو بيتعذب اكتر منها ب كتير..

نفسو يقولها انو منامش طول الليل امبارح علشان هي مش فحضنه و مش جمبه

يقولها انو عيط امبارح اكتر منها لانو كان السبب ف نزول دموعها

يقولها انو بيعمل ده علشان يحميها.. خايف يحصلها حاجه بسبب شغله و وقتها مش هيسامح نفسو ابدا انو اذي روحه

عايز يقولها انو اسعد انسان ف الكون لانو هييقي عندو ابن منها بس خايف عليها..

خايف يكون البابي ده اذي ليها.. خايف علي حيتها لانو عارف ان حسام هيضغط عليه بيها

اكيد هياذيها.. انسان مترددش لحظه ف انو يقتل صاحبه عمرو اللي كانت بتعتبرو اخوها

اكيد هيعمل كده برضو ف نور علشان يبعد اياد عن القضيه..)

نور بصوت مخنوق: رد عليا يا اياد.. ما بقتش بتحبني؟

(اياد متاكد انو لو قال اي كلمه دلوقتي دموعه هتنزل معاها و هو مش عايز يبان ضعيف قدام نور.. خصوصا ف اللحظه دي

بصلها بكل برود و فتح الباب بس وقفه صوتها العالي)

نور بصوت عالي: انا بكلمك يا اياد.. رد عليا

اياد ببرود: وطي صوتك يا نور.. مش عايز اسمع منك الهبل ده تاني..

انا رايح الشغل و ماتنسيش تجهزي ف المعاد