(بعد النهاية||)After the end

Chp.16

سؤال مهم قبل ما نبدا البارت علشان عارفه في ناس كتير مش بتقرا الاسئله اللي ف الاخر..

المهم...

دلوقتي انتو عارفين ان الروايه هاتقف الاتنين

بس انا ف دماغي لسه احداث كتير اوي للروايه يعني ممكن تعدي 30 بارت او اكتر

ف عايزه اسئلكو اختصر كل الاحداث دي و اخلي النهايه يوم الاتنين

و لا افضل ماشيه بالاحداث اللي ف دماغي و انزل مثلا بارت او اتنين ف الاسبوع لو قدرت؟؟؟

لو سمحتو جاوبو لاني هاخود ب راي الاغلبيه

-------*

(سما اخدت العصير من سمر و خرجت من المطبخ..

قعدت علي كرسي الصالون و رفعت كوبايه العصير لشافايفها..

بس قبل ما تشرب منها وصلتها رساله

فتحتها و كانت من حمزه)

حمزه: القمر بيعمل ايه؟

(سما حطت كوبايه العصير علي الطرابيزه علشان ترد علي حمزه)

سما: ولا حاجه بتفرج ع التليفزيون ف الصاله

حمزه: انتي بتهزري يا سما!

انا قولتلك متقوميش من ع السرير

سما: يا حمزه انا زهقت

حمزه: علشان خاطري انا متقوميش من ع السرير..

سما: حاضر.. هدخل اهو

حمزه: اوك يا حببتي.. سلام دلوقتي علشان عندي شغل

سما: مع السلامه

(قفلت سما و اخدت كوبايه العصير تاني و قامت علشان تدخل الاوضه..

مشيت لحد باب الاوضه و كانت دايخه اووي و العصير وقع من اديها علي الارض..

خرجت سمر جري من المطبخ لما سمعت صوت الكوبايه و هي بتتكسر)

سمر: ايه اللي حصل؟ انتي كويسه يا مدام؟

سما: اه بس دوخت شويه..

سمر ل نفسها: يادي النيله دي مشربتش حاجه م الكوبايه

(بصت ل سما)

سمر: طب تعالي اوديكي ع السرير

(سمر سندتها و وصلتها ع السرير)

سمر: ثواني هعملك كوبايه بدل اللي وقعت

سما: لالا خلاص مش عايزه.. انا هنام شويه

سمر: طيب

(خرجت سمر من الاوضه بعد ما طفت النور..

و اول لما دخلت المطبخ لقت شهاب بيتصل بيها)

سمر: الو

شهاب: عملتي اللي قولتلك عليه؟

سمر بتردد: لسه