(بعد النهاية||)After the end

Chp.41

البارت ده مش الاخير..

فووت و كومنت ع الفقرات..

---*-*

(من الصدمه الموبايل وقع من ايده و ما قدرش يتحرك من مكانه..

شايفها قدامه علي الارض بعد ما العربيه خبطتها و السواق حتي ماوقفش يشوف اذا حصلها حاجه او لا..

ف وسط الطريق و الدم حواليها و الناس اللي ف الشارع كلهم اتلمو بيشوفو ايه اللي حصل و في منهم اللي اتصل ب الاسعاف..

محمد نزل بسرعة من العربيه و جري عليها..)

محمد: ماما.. ماما قومي ايه اللي حصل

(قام من ع الارض بسرعه و راح ل شهاب اللي لسه واقف ف مكانه و مش مصدق اللي حصل)

محمد بدموع: شهاب هي ماما مش بترد عليا ليه؟

هي زعلانه مني؟.... قولها ترد عليا علشان خاطري

(نزل ل مستوي محمد مسح دموعه و اخده ف حضنه)

شهاب: ماتخافش يا حبيبي ماما كويسه

ادخل انت العربيه و انا هاجي وراك

(دخل العربيه زي ما شهاب قاله...

شهاب قام من مكانه و مشي ببطء ناحيه كاميليا قعد علي الارض جمبها و كانت مغمضه عيونها..)

شهاب بصوت مخنوق: كاميليا اصحي يلا بلاش هزار.. محمد زعلان و انتي عارفه انو ما بيضحكش غير معاكي

قومي يلا يا حببتي علشان نروح الملاهي زي ما كنتي عايزه

(بدا يسمع كلام الناس المتجمعه حواليه)

؟1: لا اله الا الله

؟2: حسبي الله و نعم الوكيل

؟3: منهم لله اللي فاكرين ارواح الناس سهله و ماشيين يخبطو ف خلق الله بعربياتهم

(قربت منه ست كبيره و حطت اديها علي كتفه)

الست: اللي بتعمله دا مش هايفيدها يابني.. انقلها المستشفي بسرعه الاسعاف بتاخد وقت كبير علي ما توصل

(مسح دموعه)

شهاب بسرعه: حاضر... حاضر

(شالها دخلها العربيه بعد ما الست الكبيره فتحتله الباب و كانت كاميليا لسه بتنزف.. حطها علي الكنبة اللي ورا بالراحه و الست الكبيره ركبت معاهم العربيه...

ركب قدام و محمد ركب ف الكرسي اللي جمبه و صوت شهقاته بيعلي و هي بيعيط..

لحد ما وصلو المستشفي....)

شهاب بزعيق: الحقونا مراتي بتموت

(الممرضات اخدوها حطوها علي السرير المتحرك بسرعه و دخلوها اوضه العمليات كان هايدخل معاها بس الممرضه منعته من الدخول ..)