(بعد النهاية||)After the end

Chp.32

كل سنه و انتو طيبين و عيد سعيد عليكو..

عاملين ايه ف الصيام؟

حاسه اني عامله زي الزومبي 😓😓

ان شاء الله صيام مقبول ليا و ليكو ❤

----*-*

البارت ما اتراجعش ف ماتركزوش ف اخطاء الكتابه

نبدا بقي ♥♥

---*-*

(بصت ف الارض)

سالي: انا عارفه الكلام دا و ماتقلقش

شهاب: كمان عايز اسالك حاجه..

انتي ليه وافقتي ع الجواز مني؟

سالي بتوتر: انا.. اصل

(قاطعها صوت موبايل شهاب اللي رن ب اسم كاميليا)

آآآ هارد ع الموبايل و ارجع

سالي: اوكي

(بعد عنها شويه و رد علي كاميليا)

كاميليا: الو يا حبيبي انت فين؟

شهاب: عندي شغل يا حببتي..

كاميليا: طب هاتيجي امته؟

شهاب: مش عارف احتمال اتاخر.. في مريضه هاعملها عمليه بعد شويه

كاميليا بدلع: يعني ماينفعش حد تاني يعملها بدالك..

شهاب: لا طبعا ماينفعش

كاميليا بزعل: خلاص براحتك.. سلام

(قفلت)

شهاب: اوف طب اعمل ايه دلوقتي؟

سالي: روحلها

(شهاب لف بسرعه ل سالي اللي كانت واقفه وراه)

شهاب: نعم!

سالي: بقولك روحلها..

شهاب: لا طبعا النهارده فرحنا و ماينفعش اروحلها

سالي: مش مشكله الايام جايه كتير

شهاب بابتسامه: اوكي.. باي

سالي: باي

(اخد محفظته و مفاتيح العربيه و خرج..

بمجرد ما خرج من البيت سالي ماقدرتش تمنع دموعها من النزول)

سالي بصوت مخنوق: يا رب

------*-*

(وصل مروان العنوان المطلوب و اول ما فتحت الباب مروان حضنها بسرعه..

اتفاجات جدا من اللي عمله بس حضنته هي كمان)

ساره بهزار: منظرنا كده ع السلم مش لطيف علي فكره.. ادخل جوه

مروان: طب وسعي كده اما ادخل و انتي تخينه كده

(و زقها من قدام الباب و دخل جوه)