(بعد النهاية||)After the end

Chp.19

كومنت ع الفقرات

و فوت قبل ما تبداءو

------*

(حاولت ماجده تجمع شجاعتها)

ماجده: انا حره

عبد الله: اتكلمي عدل والا قسما بالله اخليكي عبره دلوقتي

ماجده: انا بتكلم كويس اوي

عبد الله: للمره الخيره بكررها يا ماجده.. ابعدي عن ابني احسنلك

ماجده بفخر: الظاهر انك نسيت انو ابني انا كمان

عبد الله ب استهزاء: الظاهر ان انتي اللي نسيتي انك بعتيه بالفلوس

بجد كانت غلطت عمري اني اخلف من خدامه..

ماجده باستهزاء: هو انت كنت عرفت تخلف من بنت البشوات و ما خلفتش؟

انت جيت اتجوزتني بعد ما اتاكد ان مراتك مبتخلفش

عبد الله: مراتي ربنا خلقها مبتخلفش و ده مش عيب فيها خالص.. و انا رغم كده كنت بحبها..

انا اتجوزتك و كان اتفاقنا واضح من الاول..

هنتجوز لحد ما تبقي حامل و تولدي و بعدها تاخدي الفلوس اللي انتي عايزاها و مشوفش وشك تاني..

ماجده: و عملت اللي اتفقنا عليه.. بس انا مقدرتش ابعد عن ابني

عبد الله: ماقدرتيش تبعدي عنو ولا الفلوس اللي ادتهالك خلصت؟

(ماجده سكتت لان عندو حق.. هي فعلا رجعت لانها كانت عايزه فلوس زياده)

عبد الله: دا انتي من بجاحتك روحتي ل مراتي و بوستي اديها و رجلها علشان تاخدي فلوس بحجه انك مش قادره تبعدي عن ابنك

و للاسف صدقتك وقتها انا و رضوي (مراته) و خليتك جمبه بتربيه..

رجعتي ل مكانك الطبيعي.. خدامه

و ياريتني ما عملت كده

بعد كل ده كنتي السبب ف موت رضوي..

(قال اخر جمله بصوت عالي اووي و عصبيه)

صدقيني لولا اني خايف علي ابني يكرهني لو عرف الحقيقه كنت هادفنك عايشه وقتها

ماجده: انا معملتلهاش حاجه..

عبد الله: لا عملتي.. عملتي كتير اوي

تفتكري ايه رد فعل يوسف لما يعرف انك السبب ف موت الست اللي بيعتبرها امه

الست اللي عاش معاها عمرو كلو و ربيته لحد ما بقي راجل

(صرخ ف وشها) ردي عليا

ماجده بخوف: انا ما عملـ..

عبد الله: اوعي تنكري الموضوع دا بالذات.. هي ماتت بسببك

و صدقيني هاخد حقها منك

(سكتت ماجده و عبد الله مش قادر يهدي نفسه..