قصتنا مقتبسة من قصة حقيقية و بطلة الرواية حتكون متابعة معانا القصة و ابطال قصتنا اسرة مكونة من ام و اب و بنت و 3 اخوان
فاطمة فتاة في منتصف العشرينات و هي البنت الوحيدة للاسرة و اخر العنقود و هي انسانة ملتزمة و بتحب امها و ابوها جدا و اخوانها
الاخوان عبد الله و عثمان و بابكر و كلهم متزوجين و ما عايشين مع الاسرة الكبيرة
الاب سعيد و الام رقية
عبدالله الاخ الاكبر يعمل في مصلحة الاراضي
عبد الله مشى شغلو و جاهو صحبو حسن
حسن : سلامات يا عبدو
عبدالله : اهلين حسون
حسن : الارض بتاعت الخرطوم جاها مشترين
عبدالله : مية مية نبيع ليهم الاتنين طوالي
حسن : لكن كيف دا يا عبدو
عبدالله : عاين انا اصلا مسافر السعودية و ما عايز اقعد في الخرطوم ، لقيت شغل هناك ، نقوم نبيع للاتنين ديل واحد باسم حقيقي و التاني باسم مزور و لا منشاف و لا من دري و القروش بتاعت المشتري التاني نتقاسمها النص بالنص ، رايك شنو !
حسن : فكرة كويسة والله ، ياخ انت ابليس بتعلم منك
عبدالله : ههههه اصلا ما دام مسافر لازم ما اطلع من المولد بلا حمص ،، طيب نشتغل بي البطاقة المزورة للزول التاني و البطاقة الحقيقية للمشتري الاول
حسن : كويس
عبدالله يتمم البيعة الاولى و كمان يتم البيعة التانية بالبطاقة المزيفة و يمشي يشيل القروش يختها في حسابو في البنك و مبسووط جدا و قرر انو ما يمشي شغلو تاني لانو مسافر بعد يومين السعودية و يتحرك على بيتو و بعد يصل
عبدالله : يا وليه يا فقر ، جيبي الاكل سرعة
سهى : دقيقة هسي بجهز الاكل
عبد الله : سرعة عشان عندي مشوار
سهى : مشوار شنو ، ابوك قالو عيان امشي شوفو
عبد الله : تلقاهو بستهبل زي كل مرة ، يقعد يشكي
سهى : مهما حصل دا ابوك و لازم توديهو المستشفى
عبد الله : طيب بمشي اشوف الحاصل شنو ، ناس متعبين خلاص 😡
فاطمة تتصل لاخوها بابكر
فاطمة : سلامات بابكر
بابكر : و عليكم السلام فاطمه
فاطمة : ابوي عيان من قبيل ، تعال وديهو المستشفى عشان انت سايق
بابكر : انا والله مشغول شديد في الشغل ما بقدر اجي
فاطمة : استاذن منهم و ما اظن يرفضو ليك
بابكر : قلت ليك مشغول ، كلمي عثمان و يقفل الخط
فاطمة تقول : لا حول و لا قوة الا بالله
و تتصل لعثمان و عثمان كمان يتحجج انو ما بقدر يجي و تقرر انو تسوقو براها المستشفى بي امجاد
و عبد الله يمشي بيت ابوهو
و يلقى ابوهو عيان و فاطمة معاهو و امها
فاطمة : سلامتك يا ابوي ، البس عشان اوديك المستشفى
سعيد : انا ما بحب المستشفيات يا بتي ،، خليني في البيت
فاطمة : يا ابوي انت حتتعالج كيف لو ما مشيت ، لازم تمشي
عبد الله : مش قال ليك ما ماشي المستشفى طيب خليهو على راحتو
فاطمة : ياخ دا ابوك و مريض لازم يتعالج
عبدالله بينو و بين نفسو : ياخ البت العارض دي ،، مستشفى شنو ، خلي يموت عشان نورث
يتبع...
